মালাখি 4:5 - Chakma Bible

⁵ “চঅ, লগেপ্রভুর সেই মহৎ আর দর্‌গরেপারা দিন্নো এবার্ আগেদি মুই লগেপ্রভু তমা ইধু ভাববাদী এলিয়রে পাধেই দিম।

মালাখি 4:5 ပူးပေါင်းရင်းမြစ်များ

যিশাইয় 40:3

একজনর রঅ দাঙর্ গুরি ফগদাং গরের্, “তুমি ধূল্যেচর চাগালাত্ লগেপ্রভুর পথ্‌তান ঠিগ্ গরঅ;‍‍ ধূল্যেচরত্ আমা গোজেনত্তে এক্কান পথ্ সোজা গরঅ।

যোয়েল 2:31

লগেপ্রভুর সেই মহৎ আর দর্‌‌গরেপারা দিনুন এবার্ আগেদি বেলান্ আন্ধার্ ওই যেবঅ আর চানান্ লো ধোক্ক্যেন অবঅ।

সফনিয় 1:14

লগেপ্রভুর সেই দাঙর্ দিন্নো কায়কুরে লুম্মেগি আর যাদিমাদি এজের্। উইয়ো শুনো, লগেপ্রভুর দিনুনোর রবো! সেক্কে যোদ্ধাগুনে পীড়েই রঅ ছাড়িবাক্।

মালাখি 3:1

বেগত্তুন খেমতাবলা লগেপ্রভু কত্তে, “চঅ, মুই মর্ হবর্ কোইয়্যেবোরে পাদাঙর্; তে মঅ আগেদি যেইনে পধ্‌তান যুক্কোল্ গুরিবো। সে পরেদি যে প্রভুত্তে তুমি বাজ্জেই আগঅ তে অদাদৎ তা ঘরত্ এবঅ; সুদোম কামত্ সেই দূত্‌তো, যিবেরে তুমি চর্, তে এজের্।”

মালাখি 4:1

বেগত্তুন্ খেমতাবলা লগেপ্রভু কত্তে, চঅ, সেদিন্নো এজের্, সিবে চুলো আগুনো ধোক্ক্যেন জুলিবো। সেদিন্যে বেক্ বাড়্‌বো গোজ্যে মানুচ্চুন আর অন্যেয়গুরিয়্যেগুনে নাড়া ধোক্ক্যেন্ অবাক্ আর পুড়ি যেবাক্। এক্কান শিঙোর্ বা এক্কান ডেলায়ো বাগি ন-থেবাক্।‌‌‌‌‌‌

লূকে লেখ্যে গম্ হবর্ 1:17

ভাববাদী এলিয় ধোক্ক্যেন্ মনভাব্ আর খেমতালোই তে প্রভুর আগেদি এবঅ। তে বাবঅ মনান্ পুয়োবো ইন্দি ফিরেব আর অবাধ্য মানুচ্চুনোর্ মনভাব্ বুদুলিনে গোজেন ভক্ত মানুচ্চুনোর মনভাব ধোক্ক্যেন্ গুরিবো। এবাবোত্যেগুরি তে প্রভুত্তে এক দল মান্‌জ্যরে পুরোপুরি গুরিনে যুক্কোল্ গুরিবো।”

লূকে লেখ্যে গম্ হবর্ 9:30

অঢাদত্ দ্বিজন্ মান্‌জ্যরে তা লগে কধা কধে দেগা গেলঅ। সেই দ্বিজন্ অলাক্ মোশি আর এলিয়।

যোহন 1:21

সেক্কে তারা যোহনরে পুযোর্ গুরিলাক, “সালে কন্না? তুই কি এলিয়?” তে কলঅ, “নয়, মুই এলিয় নয়।” তারা কলাক্, “সালে তুই কি সেই ভাববাদীবো?” জোবত্ তে কলঅ, “নয়।”

যোহন 1:25

“যুনি তুই মশীহয়ো নয়, এলিয়য়ো নয় বা সেই ভাববাদীয়ো নয়, সালে কিত্ত্যে তুই বাপ্তিষ্ম দুয়োর্?”

ফগদাং পেইয়্যে 6:17

কারন তারার্ রাগ ফগদাঙর্ সেই দাঙর্ দিন্নো লুম্মেগি, আর কন্না তা মুজুঙোত্ থিয়্যেই থেই পারে?”