মালাখি 4:2 - Chakma Bible

² মাত্তর্ তুমি যিগুনে মরে ভোক্তি গুরিনে দরঅ তমা উগুরে ন্যায়র্ বেলান্ উদিবো যিবের্ ছদগত্ থেবদে গম্ থানা। তুমি নিগিলিনে গোরু ঘরত্তুন্ ছাড়া পেইয়্যে গোরু ছঅ ধোক্ক্যেন পাল্ল্যেবা।

মালাখি 4:2 ပူးပေါင်းရင်းမြစ်များ

২ শমূয়েল 23:4

তে বেন্যেমাদান্ মেঘনেইয়্যে বেলান্‌ পহর্‌ ধোক্ক্যেন্‌; ঝড় দিবার্‌ পরেন্দি বেলঅ পহরত্‌ মাদিত্তুন্‌ ঘাস উদে তে সিয়েনি ধোক্ক্যেন্‌।’

গীতসংহিতা 103:3

তর্ বেক পাপ্পানি তে খেমা গরে; তে তর্ বেক পিড়েগানি গম্ গুরি পারে।

গীতসংহিতা 147:3

যিগুনোর্ মনানি ভাঙি যেইয়্যে তে তারারে দোল্ গুরিবো; তারার বেক্ ঘা গানি তেয়ই বানি দে।

গীতসংহিতা 61:5

ও গোজেন, মুই যে বেক্কানি মানত্ গোজ্যং সিয়েন দঅ তুই শুন্যচ্; তরে যিগুনে ভোক্তি গরন্ তারাত্তে যে অধিকারান তুই থির্ গোজ্যস্ সিয়েন তুই মরেয়ো দুয়োচ্।

গীতসংহিতা 67:1

ও গোজেন, তুই আমারে দোয়্যে আর আশিদ্‌বাদ গর্; তর্ দোয়্যে-মেয়্যেগান পহ্‌র ধোক্ক্যেন আমা উগুরে পোড়োক্;

গীতসংহিতা 84:11

ঘেচ্চেক্‌গুরি গোজেন লগেপ্রভু বেলান আর ঢাল ধোক্ক্যেন; তে দোয়্যে আর বাঈনী দান গরে। যিগুনে গমেডালে চলন্ তারারে কনঅ গম জিনিস দেদে তে অস্বিগের ন-গরে।

গীতসংহিতা 85:9

যিগুনে তারে ভোক্তি গরন ঘেচ্চেক্‌গুরি তার উদ্ধোর্ গুরিবার অক্তবো তারা ইদু এচ্চ্যে; সেক্কে তা মহিমাগান আমা দেজত্ বজত্তি গুরিবো।

গম্ উপদেজ্ 4:18

গোজেন ভক্তগুনোর্ পথ্‌তানি বেন্যেমাদান্ বেল পহ্‍‍র ধোক্ক্যেন্, যিবে দিবুজ্যে ন-অনা সং জোল্ জোল্যেত্তুন্ আরঅ জোল্ জোল্যে ওই থায়।

যিশাইয় 30:26

যেদিন্যে লগেপ্রভু তা মানুচ্চুনোর্ আঘাত পেইয়্যে জাগানি বানি দিবো আর তার গোজ্যে ঘা গানি গম্ গুরি দিবো সেদিন্যে চানানে পহর্ দিবো বেলান ধোক্ক্যেন্, আর বেলান পহ্‌রান অবঅ পুরো সাত দিনোর পহ্‌‍‌‍‌র ধোক্ক্যেন সাতগুন বেশ্।

যিশাইয় 35:6

সেক্কে লেং-আঢুড়ুনে উরিঙো ধোক্ক্যেন্ ফাল্যেবাক্, বোবাগুনোর জিলানি হুজিয়ে রঅ ছাড়িবো। ধূল্যেচর-চাগালার তলেত্তুন্ জোরে পানি নিগিলি এবঅ, আর ধূ্ল্যেচরর নানান্ জাগাত্ গঙার্ বেবঅ।

যিশাইয় 49:6

তে কোইয়্যেদে, “বানা যাকোবর্ বংশবোরে উদ্ধোর্ গুরিবাত্তে আর ইস্রায়েলর বাঁজি থেইয়্যে মানুচ্চুনোরে ফিরেই আনিবাত্তে যে তুই মর্ চাগর্ অবে সিয়েন নয়; সিয়েন খুব সামান্য বেপার। ইয়েন বাদেয়ো মুই অন্য জাদ্‌তুনো ইদু তরে পহ্‌‍‍‍র ধোক্ক্যেন গুরিম যেন তঅ মাধ্যমে সংসারর বেগ্ মানুচ্চুনে পাপত্তুন্ উদ্ধোর পান‍।”

যিশাইয় 50:10

তমা ভিদিরে যে লগেপ্রভুরে ভোক্তি গুরিনে দরায়, যে তার চাগর কধালোই বাধ্য অয়, কনঅ পহর্ নেই বিলিনে যে আন্ধারত্ যায়, তে লগেপ্রভু উগুরে বিশ্বেজ্ গোরোক্ আর তা গোজেন উগুরে নির্ভর গোরোক্।

যিশাইয় 53:5

আমা পাপত্তে তারে পেরেক্ মারা ওইয়্যে; আমা অন্যেয়ত্তে তারে চুর্‌‌মার্ গরা ওইয়্যে। যে সাজাগানর ফলে আমার সুগ্-শান্দি এচ্চ্যে সেই সাজাগান তারেই দিয়্যে ওইয়্যে; তে যে আঘাত্‌তান পেইয়্যে সিয়েনত্তে আমি গম্ ওইয়্যেই।‌‌‌‍

যিশাইয় 9:2

যে মানুচ্চুনে আন্ধারত্ চলন্ তারা দাঙর্ পহ্‌‌র দেগিবাক্; যিগুনে গুর্‌‌গুজ্যে আন্ধার দেজত্ বজত্তি গরন্ তারা উগুরে সে পহ্‌‌রান জুলিবো।

যিরমিয় 17:14

ও লগেপ্রভু, মরে গম্ গর, সেক্কে মুই গম্ ওম; মরে উদ্ধোর্ গর্, সেক্কে মুই উদ্ধোর্ পেম, কিত্তে তুয়ই মর্ বাঈনী গুরিবার মানুচ্।‍

যিরমিয় 30:17

মাত্তর্ তো মুই তর্ কিয়্যেগান ফিরেম্ আর তঅ ঘা গান গম্ গুরি দিম।’ ”

যিরমিয় 33:6

তো মুই ইয়েন্দোই স্বাস্থ্য আর সুস্থতা আনিম; মঅ মানুচ্চুনোরে মুই গম্ গুরিম আর সত্যর্ সুগ্-শান্দি অমকদগুরি পেবাত্তে দিম।

যিহিষ্কেল 47:12

গাঙর্ দ্বিপারত্ নানান্ বাবোত্যে গুলোগুলি গাজ্ জোর্মেব। সিগুনোর্ পাদানি শুগেই ন-যেবঅ, গুলোগুলি শেজ্ ন-অবঅ। পত্তি মাসত্ সিগুনোত্ গুলোগুলি ধুরিবো, কিত্যে উবোসনা-ঘরত্তুন্ সিয়েনত্ পানি বেঈ এবঅ। সিগুনোর্ গুলোগুলিগুন্ হেবাত্তে আর পাদানি গম্ অবাত্তে বেবহার গরা অবঅ।”

হোশেয় 6:1

আঢঅ, আমি লগেপ্রভু ইধু ফিরি যেই। তেয়ই আমারে কট্টা কট্টা গোজ্যে, তে আমারে গম্অ গুরিবো; তেয়ই আমারে আঘাত্ গোজ্যে, তে আমারে ঘাগানি বানিয়ো দিবো।

হোশেয় 6:3

আঢঅ, আমি লগেপ্রভুরে স্বীগের্ গুরি নেযেই; তারে হবর্ পেবাত্তে তা পিজেদি যেই। বেলান্ উধেদে ধোক্ক্যেন তে হামাক্কায় ফগদাং অবঅ; ঝড় ধোক্ক্যেন গুরি, বসন্তকালত্ মাদি ভিজেদে ঝড় ধোক্ক্যেন গুরি তে এবঅ।

মালাখি 3:16

সেক্কে যিগুনে লগেপ্রভুরে ভোক্তি গুরিনে দোরেদাক্ তারা একজন আর একজন সমারে কধাবাত্তা কলাক্ আর লগেপ্রভু সিয়েনি মনযোগ দিইনে শুনিলো। যিগুনে লগেপ্রভুরে ভোক্তিগুরিনে দোরেদাক্ আর তা পৌইদ্যেনে গভীনগুরিনে চিন্তে গুরিদাক্ তারারে ইদোত্ তুলিবাত্তে তা মুজুঙোত্ এক্কো বোই লেগা অলঅ।

মথি লেখ্যে গম্ হবর্ 11:5

তারে জানঅ, কান্ মানুচ্চুনে দেগদন্, আঢুরুনে আঢদন্, ফারাঙিবলাগুনে সিজি অদন্, বহ্‌রা মানুচ্চুনে শুনোদন্, মরা মানুচ্চুনে জেঁই উদোদন্ আর নাঢা মানুচ্চুনো ইধু গম্ হবর্ প্রচার গরা অর্।

মথি লেখ্যে গম্ হবর্ 23:37

“যিরূশালেম! হায় যিরূশালেম! তুই ভাববাদীগুনোরে খুন্ গুরি থাচ্ আর তমা ইধু যিগুনোরে গোজেনর্ হবর্ কোইয়্যে দিপাদা অয় তারারে পাত্তর্ মারি থাচ্। কুরো শর্মা যেবাবোত্যেগুরি ছগুনোরে তা ডুয়োনিলোই এগত্তর্ গরে সেবাবোত্যেগুরি মুই তঅ মানুচ্চুনোরে কয়বার্ মইধু এগত্তর্ গুরিবাত্তে চেইয়োং, মাত্তর্ তুমি রাজী ন-অ।

লূকে লেখ্যে গম্ হবর্ 1:50

যিগুনে তারে ভোক্তি গরন্ তারা উগুরে তে দোয়্যে গরে, গুট্টির্ পর্ গুট্টি ধুরি গরে।

লূকে লেখ্যে গম্ হবর্ 2:32

অন্য জাদ ইধু ইয়েন্ পথ দেগেবার পহরান্, আর তঅ ইস্রায়েল জাদ ইধু ইয়েন বাঈনী গুরিবার্ কধা।”

যোহন 1:14

সে কধাগানই মানুচ্‌ ওইনে জর্মেল আর আমা ভিদিরে বজত্তি গুরিলো। বাবা গোজেনর্ বানা এক্কো গুরি পুয়ো ইজেবে তার্ যে মহিমা সে মহিমাগান্ আমি দেক্ক্যেই। তে দোয়্যে আর সত্যলোই ভরা।

যোহন 1:4

তা ভিদিরে জিংকানি এলঅ আর সেই জিংকানিগান্ এলঅ মান্‌জ্যর পহর্।

যোহন 1:8

যোহনে নিজে সেই পহ্‌রান্ ন-এলঅ মাত্তর্ সে পহ্‌রান্ পৌইদ্যেনে সাক্ষি দিবাত্যে এচ্চ্যে।

যোহন 12:40

“গোজেনে তারা চোগ্‌কুন্ নাঢি দিয়্যে আর মনানি বাজে গুরি দিয়্যে, যাতে তারা চোগেদি ন-দেগন্ আর মনানদি ন-বুঝোন্, আর গম্ অবাত্তে তাইধু ফিরি ন-এজন্।”

যোহন 8:12

পরেদি যীশু আরঅ মানুচ্চুনোরে কলঅ, “মুয়ই পিত্‌থিমীর্ পহ্‌রান্। যে মঅ পধেদি আঢে তে কনদিন্অ আন্ধারত্ ঠেং ন-ফেলেব, বরং জিংকানির্ পহ্‌র পেবঅ।”

যোহন 9:4

যে মরে পাধেয়্যে, বেল্ থাগদে থাগদে তা কামানি গরানা আমার্ দরকার্। রেত্ এজের্, সেক্কে কেঅ কাম্ গুরি ন-পারিবাক্।

প্রেরিত্‌ 13:26

ভেইলগ্, অব্রাহাম গুট্টিগুন্ আর গোজেনভক্ত অযিহূদীগুন, পাপত্তুন্ উদ্ধোরর্ এই যে হবরান্ সিয়েন আমা ইধু দিপাদা ওইয়্যে।

প্রেরিত্‌ 13:47

ইয়েনর্ কারনান্ অলঅ, প্রভু আমারে এ কধাগান কোইয়্যেদে, ‘মুই অন্য জাদ্‌‌তুনো ইধু তরে পহ্‌‌র ধোক্ক্যেন্ গোজ্জ্যং, যেন তর্ মাধ্যমে গোদা দুনিয়ের্ মানুচ্চুনে পাপত্তুন্ উদ্ধোর্ পান।’ ”

২ থিষলনীকীয় 1:3

ভেইলগ্, তমাত্যে নিত্য গোজেনরে ভালেদি জানানা উচিত। তমা বিশ্বেজ্‌চান অমকদ বাড়ের্ আর তমার একজন উগুরে অন্যর্ কোচ্‌পানাগান পেলাং বেঈ পরের্ বিলিনে আমা পক্ষে সেই ভালেদি জানানাগান উচিত।

২ পিতর 1:19

পবিত্র বোইবো ভিদিরে ভাববাদীগুনে যিয়েনি কোইয়োন সিয়েনি সত্য বিলিনে প্রমান ওইয়্যে। আন্ধারত্ যেধোক্ক্যেন তমা চোগ্‌কুন বাট্টিবো ইন্দি থায় ঠিগ্ সেধোক্ক্যেন গুরি, যেদক্কন সং বেন্যেমাদান পহ্‌র ন-অয় আর তমা রিবেঙত্ শুকতারাবো ন-উদে, সেদক্কন সং ভাববাদীগুনোর কধানি মনযোগ দিলে তুমি গম গুরিবা।

২ পিতর 3:18

তুমি আমার প্রভু আর উদ্ধোর্ গুরিয়্যে যীশু খ্রীষ্টর্ দোয়্যেই আর তা পৌইদ্যেনে জ্ঞানে বাড়ি উদোনাত্ থাগঅ। ইক্কিনে আর উমর সং তারই বাঈনী ওক্‌। আমেন।

১ যোহন 2:8

মাত্তর্ এই যে উগুমানর্ কধা ইক্কিনে আমি তমা ইধু লিগির্ সিয়েন পুরোণি অলেয়ো নূয়ো। এই উগুমানর্ সত্যগান যীশু খ্রীষ্ট ভিদিরে আর তমা জিংকানিত্ দেগা যেইয়্যে, কিয়া আন্ধারান কাদা যার্ আর সেই আজল্ পহ্‌রান ইক্কিনে জ্বলের্।

ফগদাং পেইয়্যে 11:18

বেক্‌ জাদ্‌তুনে রাগ গোজ্জ্যন্, আর তর্ রাগ ফগদাং গুরিবার সময় ওইয়্যে। মরাগুনোরে বিচের্ গুরিবার সময় এচ্চ্যে, আর তর্ চাগরুনোর্, অত্তাৎ ভাববাদীগুনোর আর তঅ মানুচ্চুনোর আর চিগোন-দাঙর্ যিগুনে তরে ভোক্তি গরন্ তারারে বক্‌শিজ্ দিবার সময় এচ্চ্যে। ইয়েনিবাদে যিগুনে পিত্‌থিমীর ক্ষোতি গোজ্জ্যন্, সিগুনোরে ভস্ত গুরিবার সময় এচ্চ্যে।”

ফগদাং পেইয়্যে 2:28

যে জিদিবো তারে মুই বেন্যেপোত্যে মাদান্ সুখ তারাবোয়ো দিম।

ফগদাং পেইয়্যে 22:16

“মুই যীশু মঅ দূত্‌‌তোরে পাধেয়োং যেন তে তমা ইধু মন্ডলীগুনোত্যে ইয়েনি পৌইদ্যেনে সাক্ষি দি পারে। মুই দায়ূদোর গড়াগান আর বংশধর, বেন্যে পোত্যের্ জ্বোল্‌‌জোল্ল্যে তারা।”

রূত 2:12

ইয়েনত্যেই লগেপ্রভু যেনে তরে বর্‌ দে। ইস্রায়েলীয়গুনোর গোজেন্‌ লগেপ্রভু, যিবের্‌ ছাবাত্‌ তলে তুই ঝিরেবাত্তে এচ্ছোস্‌, তে যেনে তরে তর্‌ পাওনাগান পুরোপুরিই দে।”