মালাখি 4:1 - Chakma Bible

¹ বেগত্তুন্ খেমতাবলা লগেপ্রভু কত্তে, চঅ, সেদিন্নো এজের্, সিবে চুলো আগুনো ধোক্ক্যেন জুলিবো। সেদিন্যে বেক্ বাড়্‌বো গোজ্যে মানুচ্চুন আর অন্যেয়গুরিয়্যেগুনে নাড়া ধোক্ক্যেন্ অবাক্ আর পুড়ি যেবাক্। এক্কান শিঙোর্ বা এক্কান ডেলায়ো বাগি ন-থেবাক্।‌‌‌‌‌‌

মালাখি 4:1 ပူးပေါင်းရင်းမြစ်များ

ইয়োব 18:16

তলেদি তার্‌ শিঙোরান্ শুগেই যেবঅ আর উগুরে তার্‌ ডেলা-পাদানি মুরি যেবঅ।

গীতসংহিতা 119:119

পিত্‌থিমীর বেক পাজিগুনোরে তুই কজরা ধোক্ক্যেন ধোই ফেলাচ্, সেনত্তে দঅ তর্ বেক কধানি মুই গম পাং।

গীতসংহিতা 37:9

পাজি মানুচ্চুনোরে ভস্ত গরা অবঅ, মাত্তর্ লগেপ্রভু উগুরে যিগুনে আজা রাগান্ তারা দেজর্ ভাগ্ পান।

যাত্রা 15:7

যিগুনে তর্‌ বিরুদ্ধে ঠিয়্যেলাক্‌ তর্‌ দাঙর্‌ মহিমায় তুই তারারে তলেদি ফেলেই দিলে; তর্‌ পাদেয়্যে জোল্‌জোল্যে রাগ্‌‌‌কানে দার্‌বো ধোক্ক্যেন তারারে পুড়ি ফেলেল।

যিশাইয় 40:24

যিয়েনি তারার্ লাগা অয়, যিয়েনি তারার্ বীজ্ ফেলা অয়, যিয়েনি তারা মাদিত্ শিঙোর্ বজান্, এমনে তে সিয়েনি উগুরে ফুন্ দে আর সিয়েনি শুগেই যায়; এক্কান তুট্যে বোইয়্যেরে লাড়াইদ্যে ধোক্ক্যেন্ গুরি তারারে উড়েই নেযায়।

যিশাইয় 41:2

“কন্না পূগেন্দিত্তুন্ এবাত্তে একজনরে উত্তেজিত গোজ্যে? ন্যায়বলা গোজেনে তা কামত্তে তারে ডাক্যে। তে সেই মানুচ্চোর্ আঢত্ জাদ্‌তুনোরে তুলি দিবো আর তা মুজুঙোত্ রাজাগুনোরে লোঙেব। তা তলোয়ারান্দোই তে তারারে ধূল্যে ধোক্ক্যেন্ গুরিবো আর তা ধনুগান্ মুজুঙোত্ বোইয়্যেরে লাড়াইদ্যে ধোক্ক্যেন্ তারারে উড়েই দিবো।‌

যিশাইয় 47:14

তারা নাড়া ধোক্ক্যেন; আগুনানে সিয়েনিরে পুড়ি ফেলেব। তারা আগুনো খেমতার আঢত্তুন্ নিজোরে রোক্ষ্যে গুরি ন-পারন্। এ আগুনান এমন আঙারার্ আগুন নয় যিয়েনর মুজুঙোত্ বোইনে কনজনে আগুন পুয়োই পারন্ বা যিয়েনত্তুন্ পহ্‌র পেই পারন্। ‌‌‍

যিশাইয় 5:24

সেনত্তে আগুনো জিলানে যেধোক্ক্যেন্ দার্‌‌‌বো পুড়ি ফেলায় আর আগুনো ভিদিরে শুগুনো ঘাস পুড়ি যায়, সেধোক্ক্যেন্ গুরি তারার্ গড়াগান্ পুযি যেবঅ আর ধূল্যে ধোক্ক্যেন্ তারার্ ফুলুন্ উড়ি যেবাক্; কিত্তে তারা বেগত্তুন্ খেমতাবলা লগেপ্রভুর্ উগুম এলাফেলা গোজ্যন্ আর ইস্রায়েলর সেই পবিত্র মানুচ্চোর্ কধাগানরে টেঙোই ঠেল্যন্।

যিশাইয় 9:18

ঘেচ্চেক্‌গুরি পাজি কামানি আগুনো ধোক্ক্যেন্ জ্বলে, সিয়েনে কাদাঝুপ আর কাদাগাজ্ পুড়ি ফেলায়। সিয়েনে ঝারর্ বেক ঘন ঝুব্‌পুন জ্বালেই দে আর সেক্কে ধূমোগানে পাক্ হেই হেই উগুরে উদে।‌‌

যিশাইয় 9:19

বেগত্তুন্ খেমতাবলা লগেপ্রভুর অমকদ রাগে দেজ্‌‌‌চান জুলি যেবঅ, আর মানুচ্চুন্ আগুনোত্তে দার্‌বো গাজ ধোক্ক্যেন অবাক্। কনজনে তা ভেইবোরেয়ো দোয়্যে ন-গুরিবো।‌‌

যিহিষ্কেল 20:38

তমা ভিদিরে যিগুনে মঅ বিরুদ্ধে থান্ আর উল্লোমী গরন মুই তারারে দূর্ গুরি দিম। তারা যে দেজত্ বজত্তি গত্তন্ যুনিয়ো সিয়োত্তুন মুই তারারে নিগিলেই আনিম তো তারা ইস্রায়েল দেজত্ চোমেই ন-পারিবাক্। সেক্কে তারা হবর্ পেবাক্ যে, মুয়ই লগেপ্রভু।

যিহিষ্কেল 21:32

তুমি আগুনোত্তে ধার্‌‌‌‌‌‌‌বো ধোক্ক্যেন অবা। তমা লোনি তমা দেজ ভিদিরে পুরিবো আর তমারে ভুলি যাহ্ অবঅ। মুই লগেপ্রভু এ কধাগান কঙর্।’”

যিহিষ্কেল 24:11

সে পরেদি খালি পিলেবো আগুনো উগুরে রাগা যেন সিবে গরম্ অয়, সিবের্ তামাগান পুড়িনে রাঙা অয়, সিবের্ অসিজিগানি বেক্কানি গুলি যায় আর সিবের্ কজরাগান পুড়ি যায়।

যিহিষ্কেল 34:17

ও মর্ পালুন্, শুনো। মুই গম্ আর ভান্ন্যেই ভেড়াগুনোরে বিচের্ গুরিম। বেক্ ভেড়া আর ছাগলুন বজং বিলিনে মুই তারারে সাজা দিম্।

যিহিষ্কেল 7:10

চঅ, দিন্নো এজের্! সিগুন্ লুম্মোন্দি! সর্বনাশ্‌চান্ ফাদিনে নিগিল্যে, লুদিক্কোত্ বোল্ পোজ্যে, বাড়্‌বোগানর্ ফুল ফুট্যে।

যোয়েল 2:1

তুমি সিয়োনত্ তূরী বাজঅ, বাজঅ দযার্-সংকেত মঅ সুদ্ধো-সাংগ মুড়োবোত্। দেজত্ বজত্তি গুরিয়্যে বেক্কুনে গির্‌গিরাদোক্, কিত্যে লগেপ্রভুর্ দিন্নো এজের্; সেদিন্নো কায়কুরে লুম্মেগি।

যোয়েল 2:31

লগেপ্রভুর সেই মহৎ আর দর্‌‌গরেপারা দিনুন এবার্ আগেদি বেলান্ আন্ধার্ ওই যেবঅ আর চানান্ লো ধোক্ক্যেন অবঅ।

আমোষ 2:9

ও ইস্রায়েলর মানুচ্চুন, ইমোরীয়গুনে যুনিয়ো এরস গাজ ধোক্ক্যেন লাম্বা আর এলোন গাজ ধোক্ক্যেন দরমর এলাক্ তো তমা মুজুঙোত্ সেই ইমোরীয়গুনোরে মুয়ই ভস্ত গোজ্যং। মুই তারার্ ফল আর শিঙোরানি ভস্ত গোজ্যং।

ওবদিয় 1:18

যাকোবর বংশবো অবঅ আগুন আর যোষেফর বংশবো অবঅ আগুনো জ্বিল্; এষৌর বংশবো অবঅ নাড়া আর সেই আগুনানে সিয়েনরে পুড়ি ফেলেব। এষৌর বংশর কনজন বাঁজি ন-থেবাক্। মুই লগেপ্রভু এ কধাগান কোইয়োং।”

নহূম 1:10

তুমি মাদি ফেগঅ ভিদিরে দলামজা ওই যেবা আর মদ হেইনে মাত্তল্ অবা; তুমি নাড়া ধোক্ক্যেন পুড়ি যেবা।

সফনিয় 1:14

লগেপ্রভুর সেই দাঙর্ দিন্নো কায়কুরে লুম্মেগি আর যাদিমাদি এজের্। উইয়ো শুনো, লগেপ্রভুর দিনুনোর রবো! সেক্কে যোদ্ধাগুনে পীড়েই রঅ ছাড়িবাক্।

সফনিয় 1:18

লগেপ্রভুর রাগর্ দিন্নোত্ তারার সনা-রূবোনিয়ো তারারে বাঁজেই ন-পারিবো। তা রিবেঙর্ জ্বালার্ আগুনে বেক্ দুনিয়েগান পুড়ি যেবঅ, কিত্যে পিত্‌‌‌‌‌থিমীত্ বজত্তি গুরিয়্যে বেক্কুনোরে তে ঝিমিদোত্ শেজ্ গুরি দিবো, অয়, জদবদে শেজ্ গুরি দিবো।

সখরিয় 14:1

লগেপ্রভুর এমন এক্কো দিন এজের্ যেদিন্যে যিরূশালেম মানুচ্চুনোর পযাপিরানি লুদেইনে তারা মুজুঙোত্ ভাগ গুরি নেযা অবঅ।

মালাখি 3:15

ইক্কিনে আমি বাড়্‌বো গুরিয়্যেগুনোরে বর্ পেইয়্যে কোর্; অয়, অন্যেয়গুরিয়্যেগুনে ভালেদি গোজ্যন্; তারা গোজেনরে যগা নেইনেয়ো রেহাই পাদন্।’ ”

মালাখি 3:18

সেক্কে তুমি গম্ আর ভান্ন্যেয় ভিদিরে, অত্তাৎ যে মরে সেবা গরে আর যে ন-গরে তারা ভিদিরে মুই কিবাবোত্যেগুরি ফারগ্ গরং সিয়েন দেগিবা।”

মালাখি 3:2

মাত্তর্ তার এবার্ দিন্নো কনজনে সোজ্য গুরি ন-পারিবাক্; তে আজিল্ অলে কনজনে থিয়্যেই থেই ন-পারিবাক্; কিত্যে তে অবদে রূবো যাচাই গুরিবার আগুন বা ধোপাগুনো সাগোন ধোক্ক্যেন।

মালাখি 3:3

যে মানুচ্চো রূবো গোলেইনে খাটি গরে তে তা ধোক্ক্যেন ওইনে বুঝিবো। তে লেবীয়গুনোরে সিজি গুরিবো আর সোনা আহ্ রূবো ধোক্ক্যেন গুরি তারারে খাটি গুরিবো। সে পরেদি তারা গম্ মনোভাব্‌পোই লগেপ্রভুর নাঙে উৎসর্বর অনুষ্ঠান গুরিবাক্।

মালাখি 4:5

“চঅ, লগেপ্রভুর সেই মহৎ আর দর্‌গরেপারা দিন্নো এবার্ আগেদি মুই লগেপ্রভু তমা ইধু ভাববাদী এলিয়রে পাধেই দিম।

মথি লেখ্যে গম্ হবর্ 3:12

কুলোগান্ তা আঢত্ আঘে আর তার খেত্-খেত্তিগানি মাড়িবার জাগা তে গমে ডালে সাব্ গুরিবো। তে তার শোজ্যগানি তা গোলাঘরত্ থুবেব, মাত্তর্ যে আগুনান্ কনদিন্অ ন-মরে সে আগুনোত্ তুষ পুড়ি ফেলেব।”

লূকে লেখ্যে গম্ হবর্ 19:43

এমন্ সময় এবঅ যেক্কে শত্রুগুনে তঅ বিরুদ্ধে চেরোকিত্তে দেবাল্ তুলিবাক্ আর তরে ঘিরি রাগেবাক্ আহ্ চেরোকিত্ত্যেত্তুন্ তরে চাপি ধুরিবাক্।

লূকে লেখ্যে গম্ হবর্ 21:20

তুমি যেক্কে দেগিবা যিরূশালেমানরে সৈন্যগুনে ঘিরি ফেল্ল্যন্ সেক্কে বুঝিবা, যিরূশালেমর্ ভস্ত অবার্ সময় এচ্চ্যে।

লূকে লেখ্যে গম্ হবর্ 6:23

সে সময়োত্ তুমি হুজি ওইয়ো আর হুজিয়ে নাজি উদো, কিয়া স্বর্গত্ তমাত্তে দাঙর্ বক্‌‌শিজ্ আঘে। সেই বেক্ মানুচ্চুনোর পূরোণি মানুচ্চুনে ভাববাদীগুনো উগুরে এবাবোত্যে গুরিদাক্।

২ পিতর 3:7

আর গোজেনর্ সেই একই কধালোই ইক্কিনে আগাজ্‌চান আর পিত্‌থিমীগান আগুনোত্ পুড়ি দিবাত্যে থুয়ো ওইয়্যে; গোজেন উগুরে ভোক্তি নেইয়্যে মানুচ্চুনোর বিচের আর ভস্তর্ দিন্নো সং সিয়েন রোক্ষ্যে গরা অর্।