মালাখি 3:18 - Chakma Bible

¹⁸ সেক্কে তুমি গম্ আর ভান্ন্যেয় ভিদিরে, অত্তাৎ যে মরে সেবা গরে আর যে ন-গরে তারা ভিদিরে মুই কিবাবোত্যেগুরি ফারগ্ গরং সিয়েন দেগিবা।”

মালাখি 3:18 ပူးပေါင်းရင်းမြစ်များ

পত্থম 18:25

ইয়েন্‌ তর্‌ পক্ষে সম্ভব নয়। গম্‌ আর ভান্ন্যেয় উগুরে এক বাবোত্যে বেবহার গুরিনে তারারে একলগে মারে ফেলানা তর্‌ পক্ষে এক্কুবারে সম্ভব নয়। গোদা পিত্‌থিমীয়ানর্‌ যিবে বিচেরর্ মালিক্‌ তে কি দোল্‌বিচের্‌ গুরি ন পারে?”

ইয়োব 17:10

“ঠিগ্‌ আঘে, তুমি বেক্কুনে এইনে আরঅ চেট্ট্যা গরঅ। মুই তমা ভিদিরে কাররে জ্ঞানী ন-দেগং।

ইয়োব 6:29

তুমি নরম্‌ অ, অন্যেয় ন-গোজ্য; আরঅ ভাবি চঅ, কিত্তেই মুই এজঅ সং গম্‌ আগং।

যাত্রা 11:7

মাত্তর্‌ ইস্রায়েলীয়গুনো ভিদিরে এক্কো কুকুরো রঅয়ো শুনো ন-যেবঅ, সিবে মানুচ্ দেগিনে ওক্‌ বা য়েমান্‌ দেগিনে ওক্‌। সেক্কে তুমি জানি পারিবাদে, লগেপ্রভু মিসরীয় আর ইস্রায়েলীয়গুনোরে যুদো গুরি চায়।

যিরমিয় 12:15

মাত্তর্ তারারে উগুরে ফেলানার পরেদি মুই আরঅ মেয়্যে গুরিনে তারার পত্তিজনরে তার নিজোর অধিকারে আর নিজোর দেজত্ ফিরেই আনিম।

দানিয়েল 2:18

তে তারারে কোজোলী গুরিলো যেন তারা সেই হবর্ ন-পেইয়্যে বেপারান্ জানিবাত্তে স্বর্গর গোজেন ইধু দোয়্যে ভিক্ষ্যে চেলঅ, যেনে তে আর তা সমাজ্যেগুন বাবিলোর অন্য সল্লাদিয়্যেগুনো লগে মারা ন-পড়ন্।

যোয়েল 2:14

কন্না হবর্ পায়, অয়ত তে আরঅ মনান্ বুদুলিবো আর বর্ দি যেবঅ, যেনে তুমি তমার্ গোজেন লগেপ্রভুর নাঙে শোজ্য আর পানীয়-উৎসর্বর্ অনুষ্ঠান গুরি পার।

আমোষ 5:15

ভান্ন্যেয়ানরে ঈচ্ গরঅ, গমানরে কোচ্‌পঅ; শঅর গেদোত্ ন্যায়বিচের্ রোক্ষ্যে গরঅ। অয়ত ইস্রয়েলর বাঁজি থেইয়্যে মানুচ্চুনো উগুরে বেগত্তুন্ খেমতাবলা গোজেন লগেপ্রভু দোয়্যে গুরিবো।

সখরিয় 1:6

মাত্তর্ মুই মর্ চাগরুনোরে, অত্তাৎ ভাববাদীগুনোরে যেদক্কানি উগুম দুয়োং, মর্ সেই বেক্ কধানি আর সুদোম্ মজিম কি তমা পূরোণি মানুচ্চুনে সাজা ন-পান্? সেক্কে তারা মনানি ফিরেইনে কোইয়োন্দে যে, বেগত্তুন খেমতাবলা লগেপ্রভু তারার্ আচার-বেবহার আর অভ্যেস্ মজিম তারা উগুরে যিয়েনি গুরিবো বিলি ঠিগ্ গোজ্যে তে সিয়েনই গোজ্যে।’ ”

মালাখি 1:4

ইদোমে অয়ত কবঅ, “আমারে কট্টা কট্টা গরা অলেয়ো আমি ভস্ত ওইয়্যে জাগায়ানি আরঅ তুলিবোং।” মাত্তর্ বেগত্তুন্ খেমতাবলা লগেপ্রভু কত্তে, “তারা তুলি পারন্ মাত্তর্ মুই ভাঙি ফেলেম। তারারে কুয়ো অবঅ, ‘পাজি দেশ’ আর ‘যে জাদ্‌তো নিত্য লগেপ্রভুর রাগর্ তলে রোইয়্যে ।’

মথি লেখ্যে গম্ হবর্ 25:46

সে পরেদি যীশু কলঅ, “এই মানুচ্চুন্ উমরত্তে সাজা পেবাক্, মাত্তর্ সেই গোজেন্ ভক্ত মানুচ্চুনে উমর জিংকানি ভোগ্ গুরিবাত্তে যেবাক্।”

যোহন 12:26

কনজনে যুনি মরে সেবা গুরিবাত্তে চায় সালে তে মঅ পধেদি চোলোক্। মুই যিধু আঘং মর্ সেবাগুরিয়্যেবোয়ো সিধু থেবঅ। কনজনে যুনি মরে সেবা গরে সালে বাবা তারে সর্মান গুরিবো।

প্রেরিত্‌ 16:17

সেই মিলেবো পৌল আর আমা পিজেদি যাদে যাদে রঅ ছাড়িনে কদঅ, “এ মানুচ্চুনে দাঙর্ গোজেনর্ চাগর্। কেধোক্ক্যেন্ গুরিনে পাপত্তুন্ উদ্ধোর্ পাহ্ যায়, ইগুনে সিয়েনই তমা ইধু কদন্।”

প্রেরিত্‌ 27:23

মুই যিবের্ মানুচ্‌ আর মুই যিবেরে সেবা গরং সেই গোজেনর্ এক্কো দূত্ গেল্লে রেদোত্ মঅ কায়কুরে থিয়্যেইনে কলঅ,

রোমীয় 1:9

গোজেন পুয়ো পৌইদ্যেনে গম্ হবর্ প্রচার গুরিনে মর্ বেক্ মনান্দোই মুই গোজেনরে সেবা গরঙর্। মুই যেদক্ বার্ তবনা গরং সেদক্ বার্ যে তমা কধানি ইদোত্ তুলোং, তেয়ই সিয়েনর্ সাক্ষী।

১ থিষলনীকীয় 1:9

কিয়া তুমি কেধোক্ক্যেন গুরিনে আমারে মানি লোইয়ো মানুচ্চুনে সিয়েন আমারে জানাদন্। তারা আরঅ জানাদন্, তুমি কেধোক্ক্যেন গুরি দেবদেবীগুনোত্তুন্ ফিরিনে জেদা আর সত্য গোজেন ইধু এচ্চ্য যেন তার্ সেবা গুরি পারঅ,

যিহোশূয় 24:15

মাত্তর্‌ লগেপ্রভুর সেবা গুরিবাত্তে যুনি তমার মনত্ ন-পড়ে সালে যিবের্‌ সেবা তুমি গুরিবা সিয়েন ইক্কিনেই ঠিগ্‌ গুরি নেযঅ। তমা পূরেণিমানুচ্চুনে ইউফ্রেটিস গাঙর্‌ উইপারত্‌ থাগদে যিদুক্কুন দেব-দেবেদারে পূজো গুরিদাক্‌ তারারে সেবা গুরিবা, না কি যিগুনোর্‌ দেজত্‌ তুমি বজত্তি গরর্‌ সে ইমোরীয়গুনোর দেব-দেবেদাগুনোরে সেবা গুরিবা? মাত্তর্‌ মুই আর মঅ গিরির্‌ বেক্কুনে লগেপ্রভুরে সেবা গুরিবোং।”