মালাখি 3:17 - Chakma Bible

¹⁷ তারা পৌইদ্যেনে বেগত্তুন্ খেমতাবলা লগেপ্রভু কত্তে, “মর্ ঠিগ্ গোজ্যে দিনোত্ তারা মর্ নিজোর্ বিশেজ্ সোম্বোত্তি অবাক্; তারা মরই অবাক্। এক্কো মানুচ্ যেবাবোত্যেগুরি তার্ সেবাগুরিয়্যে পুয়োবোরে মেয়্যে গুরিনে সাজাত্তুন্ রেহাই দে সেবাবোত্যেগুরি মুই তারারে রেহাই দিম্।

মালাখি 3:17 ပူးပေါင်းရင်းမြစ်များ

নহিমিয় 13:22

সে পরেন্দি মুই লেবীয়গুনোরে উগুম্‌ দিলুঙ্‌ যেনে তারা নিজোরে সিজি গুরিনে জিরেবার্‌ দিন্নোত্‌ সুদ্ধো-সাংগ রাগেবাত্তে যেইনে গেট্টুনোত্‌ চুগি দুয়োন্‌। ও মর্‌ গোজেন, ইয়েনত্তেয়ো তুই মরে মনত্‌ রাগেজ্‌ আর তর্‌ অমকদ কোচ্‌পানা অনুসারে মরে দোয়্যে গর্‌।

গীতসংহিতা 115:13

তে তার্ চিগোন-দাঙর্ বেক ভক্তগুনোরে বর্ দিবো।

গীতসংহিতা 135:4

লগেপ্রভু যাকোবরে তার নিজোত্তে, ইস্রায়েলরে তার নিজোর সোম্বোত্তি অবাত্তে বেঈ লোইয়্যে।

যাত্রা 19:5

সেনত্তে যুনি তারা মর্‌ বেক্‌ কধানি মানি চলন্‌ আর মর্‌ সুদোমানি পালান্‌ সালে পিত্‌থিমীর্‌ বেক্‌ জাত্তুনো ভিদিরেত্তুন্‌ তারাই‌ মর্‌ নিজোর্‌ সোম্বোত্তি অবাক্, কিত্তে পিত্‌থিমীর্‌ বেক্‌ মানুচ্চুনোই‌ মর্‌ অধীনোত্‌।

যাত্রা 32:32

মাত্তর্‌ তুই ইক্কিনে দোয়্যে গুরিনে তারার্‌ পাপ্পানি ক্ষেমা গুরি দে, আর যুনি সিয়েন ন-গরচ্‌ সালে তর্‌ লেখ্যে বোইবোত্তুন্‌ মর্‌ নাঙান্‌অ বাদ দি দে।

পরমগীত 2:16

মঅ পরাণ্যে মত্তে আর মুই তার্; তে লিলি ফুলোর্ ঝারত্ বেড়ায়।

যিশাইয় 4:2

সেদিন্যে লগেপ্রভুর চারাগাজ্‌সো দোল্ আর বাঈনী গরেপারা অবঅ আর দেজর্ গুলোগুলিগুন ইস্রায়েলত্ বাঁজি থেইয়্যে মানুচ্চুনোর বাড়্‌বো গরেপারা আর বাঈনীগরেপারা জিনিস অবঅ।‍‍‍‍

যিশাইয় 43:1

ও যাকোব, যিবে তরে সৃট্টি গোজ্যে, ও ইস্রায়েল, যিবে তরে বানেয়্যে, সেই লগেপ্রভু ইক্কিনে এ কধাগান কত্তে, “তুই ন-দোরেচ্, কিত্তে মুই তরে উদ্ধোর্ গোজ্যং। মুই তঅ নাঙান্ ধুরিনে ডাক্যং, তুই মর্।

যিশাইয় 43:21

সেই মানুচ্চুনোরে মুই নিজোত্তে বানেয়োং যেন তারা মরে বাঈনী গুরি পারন্।

যিরমিয় 31:20

ইফ্রয়িম কি মর্ কোচ্‌পানার পুয়ো নয়? তে কি সেই পুয়োবো নয় যিবেরে দেগিনে মুই হুজি অং? যুনিয়ো মুই প্রায়ই তা বিরুদ্ধে কধা কোইয়োং মাত্তর্ তো মুই তারে নিত্য ইদোত্ রাগাং। সেনত্তে মঅ পরাণান তাত্তে কানের্; তাত্তে মর্ অমকদ মেয়্যে অয়। ‍‍

যিরমিয় 31:33

পরেদি মুই ইস্রায়েলীয়গুনোত্তে যে সুদোমান থিদেবর্ গুরিম সিয়েন অলঅ, মর্ রীদি-সুদোমান্ মুই তারার মন ভিদিরে রাগেম আর তারার মনত্অ সিয়েন লিগি রাগেম। মুই তারার গোজেন ওম্ আর তারা মঅ মানুচ্ অবাক্।

যিহিষ্কেল 16:8

পরেদি মুই তঅ কায়-কুরেদি যেবার অক্তত্ তন্দি রিনি চেইনে দেগিলুং, তর্ ইক্কিনে প্রেম গুরিবার সময় ওইয়্যে; সেনত্তে মঅ পোজাগর্ কিজু ভাগ্ মুই তঅ উগুরে বিজেই দিইনে তর্ লাংটা-বাংটাগান নাঢি দিলুং। মুই তইধু শমক্ হেইনে তঅ সমারে চুক্তি গুরিলুং, আর সেক্কে তুই মর্ অলে।

সফনিয় 2:2

সেই দিন্নো তুষো ধোক্ক্যেন উড়ি এজের্; সেনত্তে ঠিগ্ গোজ্যে সময়ান এবার্ আগেদি, লগেপ্রভুর জ্বোল্‌জোল্যে রাগ্‌কান তমা উগুরে এবার্ আগেদি, তার্ অমকদ অহুজিগান তমা উগুরে পড়িবার আগেদি তুমি একসমারে থুবো।

সখরিয় 13:9

এই তিন লম্বর্ ভাগ্‌‌‌‌‌‌কো মুই আগুনো ভিদিরেদি নেযেম; রূবো খাটি গরেদে ধোক্ক্যেন্ গুরি মুই তারারে খাটি গুরিম আর সনা যাচাই গরেদে ধোক্ক্যেন্ তারারে যাচাই গুরিম। তারা মরে ডাগিবাক্ আর মুই তারারে জোব্ দিম; মুই কোম্, ‘ইগুনে মঅ মানুচ্,’ আর তারা কবাক্, ‘লগেপ্রভুই আমা গোজেন।’ ”

মালাখি 1:6

বেগত্তুন্ খেমতাবলা লগেপ্রভু কত্তে, “পুয়ো তা বাবরে আর চাগর্ তা গিরোজোরে সর্মান গরে। যুনি মুই বাপ্ ওই থাং সালে মুই পাঙ্গে সর্মানান্ কুদু? যুনি গিরোজ্ ওই থাং সালে মর্ পাওনা শ্রদ্ধাগান্ কুদু? ও ধর্মগুরুগুন, তুমি মরে ঈচ্ গোজ্য। মাত্তর্ তুমি কত্তে, ‘আমি কেধোক্ক্যেনগুরি তরে ঈচ্ গোজ্যেই?’

মালাখি 4:3

সে পরেদি তুমি পাজিগুনোরে টেঙোই মাড়িবা, কিত্যেই যেদিন্যে মুই এই বেক্ কামানি গুরিম সেদিন্যে তারা তমা টেঙত্ তলে পোজ্যে ছেইয়ো ধোক্ক্যেন্ অবা। মুই বেগত্তুন খেমতাবলা লগেপ্রভু এ কধাগান কঙর্।

মথি লেখ্যে গম্ হবর্ 25:34

ইয়েনর্ পরেদি রাজা তা ডেনেদি মানুচ্চুনোরে কবঅ, তুমি যিগুনে মঅ বাপ্পোর্ বর্ পেইয়ো, এজঅ। জগদর্ আরাম্ভত্ যে রেজ্যগান্ তমাত্তে যুক্কোল্ গুরি রাগা ওইয়্যে সিয়েনর্ অধিকারী অ।

যোহন 17:24

“বাবা, মুই চাং যিগুনোরে তুই মরে দুয়োচ্, মর্ মহিমাগান্ চেবাত্যে তারা যেন মুই যিধু আঘং সিধু মঅ সমারে থেই পারন্। সেই মহিমাগান্ তুয়ই মরে দুয়োচ্, কিয়া পিত্‌থিমীগান্ সৃট্টি অবার্ আগেত্তুন্ ধুরি তুই মরে কোচ্‌পেইয়োচ্।

রোমীয় 8:32

গোজেনে নিজোর্ পুয়োবোরেয়ো রেহাই ন-দিলো বরং আমা বেক্কুনোত্ত্যে তারে মরণর্ আঢত্ তুলি দিলো। সালে তে কি পুয়োবো সমারে আর বেক্কানিয়ো আমারে দান ন-গুরিবো?

১ করিন্হীয় 15:23

মাত্তর্ সিয়েন ভিদিরে পালা আঘে-পত্তম ফল ধোক্ক্যেন পত্তমে খ্রীষ্ট, সে পরেদি যিগুনে খ্রীষ্টর্ নিজোর্। খ্রীষ্ট এবার্ অক্তত্ তারারে জেদা গরা অবঅ।

১ করিন্হীয় 6:20

বোউত্ দাম্ দিইনে তমারে কিনে ওইয়্যে। সেনত্তে গোজেনর্ বাঈনীত্তে তমা কিয়্যেগানি বেবহার গরঅ।

২ করিন্হীয় 6:18

ইয়েন বাদে “বেগত্তুন্ খেমতাবলা গোজেনে কয়, ‘মুই তমার্ বাপ্ ওম্ আর তুমি মর্ পুয়ো-ছা অবা ’ ”

গালাতীয় 5:24

যিগুনে খ্রীষ্ট যীশুর্, সিগুনে তারার্ পাপ-খাচ্চ্যত্‌তানরে বেক্‌ কামনা-বাসনা সমত্ ক্রুশোত্ দিইনে শেজ্ গুরি ফেল্ল্যন্।

দ্বি’লম্বর বিররণ 14:2

তুমি তমার গোজেন লগেপ্রভুর নাঙে এক্কো ফারক্‌ গোজ্যে জাদ। পিত্‌থিমীর বেক্‌ জাদ্‌তুনো ভিদিরেত্তুন্‌ লগেপ্রভু তমারে বেঈ লোইয়্যে যেনে তুমি তার নিজোর বিশেজ্ সোম্বোত্তি অ।

দ্বি’লম্বর বিররণ 7:6

তুমি এন্‌ এক্কো জাদ যিবেরে তমা গোজেন লগেপ্রভুর্‌ নাঙে যুদো গুরি রাগা ওইয়্যে। তুমি যেনে তমার গোজেন লগেপ্রভুর নিজোর্‌ মানুচ্‌ আর সোম্বোত্তি অ সেনত্যে পিত্‌থিমীর বেক্‌ জাদর্‌ ভিদিরেত্তুন্‌ তে তমারে বেঈ লোইয়্যে।

তীত 2:14

যীশু খ্রীষ্ট আমাত্যে নিজো জিংকানিগান দিয়্যে, যেন বেক্‌ পাপ্‌পানিত্তুন আমারে উদ্ধোর্ গুরি পারে আর সিয়েন্দোই এমন্‌ এক দল মান্‌জ্যরে সিজি গুরি পারে যিগুনে বানা তা মানুচ্ অবাক্ আর যিগুনে অন্যগুনোরে উপকার গুরিবাত্যে আয়োজি অবাক্।

১ পিতর 2:9

মাত্তর্ তুমি দঅ “বেঈ লোইয়্যে বংশ ওইয়ো; তমারে দিইনে বানা ওইয়্যেদে ধর্মগুরুগুনোর্ রেজ্যগান; তুমি গোজেনর্ নাঙে ফারগ্ গোজ্জ্যে জাদ্ আর তার্ নিজোর্ মানুচ্ ওইয়ো;” যেন আন্ধারত্তুন্ যিবে তমারে তার্ আমক্ অবার্ পহ্‌রত্ ডাগি আন্ন্যে তুমি তারে গুণগীত্ গঅ।