মালাখি 3:14 - Chakma Bible

¹⁴ তুমি কোইয়ো, ‘গোজেনর্ সেবা গরানা অনত্তক্। তার্ রীদি-সুদোম মজিম্ কাম্ গুরিবাত্তে আর আপ্‌সোজ্ গুরিনে বেগত্তুন্ খেমতাবলা লগেপ্রভুর মুজুঙোত্ আদাউদো গুরিনে আমার কি লাভ্ অলঅ?‌‌‌‌‌

মালাখি 3:14 ပူးပေါင်းရင်းမြစ်များ

ইয়োব 22:17

যুনিয়ো গম্‌ গম্‌ পযাপিরালোই তে তারার্‌ ঘরানি ভোরেইয়্যে, তো তারা গোজেনরে কোইয়োন্দে, তুই দূর্‌ অ। বেগত্তুন্‌ খেমতাবলা গোজেনে আমারে কি গুরি পারিবো? মাত্তর্‌ মুই শদানুনোর্‌ সল্লাত্তুন্‌ দূরোত্‌ থাং।

ইয়োব 34:9

তে কলঅ, গোজেনরে হুজি গুরিনে মান্‌জ্যর্ কনঅ লাভ ন-অয়।

ইয়োব 35:3

তুই তারে কোইয়োচ্, ইয়োত্ মর্ কি লাভ? পাপ ন-গুরিলে মুই কি পেম্?

যিশাইয় 43:22

মাত্তর্ ও যাকোব, তুই মরে ন-ডাগচ্; ও ইস্রায়েল, তুই মরে নিইনে বল্‌পোজ্যে ওই যেইয়োচ্।‌‌‍

যিশাইয় 58:3

তারা কন্, আমি উবোস্ থেইয়্যেই আর তুই সিয়েন ন-চেলে কিত্তে? আমি দুঘ্ স্বিগের্ গোজ্যেই আর তুই সিয়েন খিয়েল্ ন-গুরিলে কিত্তে? মাত্তর্ চঅ, তমা উবোস্ থেবার দিন্নোত্ তুমি দঅ নিজোরে বুঝেই রাগঅ, আর তমার বেক্ কামগুরিয়্যেগুনো উগুরে অত্যেচার গুরি থাগঅ।

যিরমিয় 18:12

মাত্তর্ তারা জোব্ দিবাক, ‘কনঅ লাভ নেই। আমা পরিকল্পনা মজিম আমি চলিবোং; আমি বেক্কুনে নিজোর নিজোর ভান্ন্যেই মনর্ একঘেয়েমিলোই চলিবোং।’ ”

যিরমিয় 2:25

তুই উজিয়ার অ, ন-অলে তর্ টেঙর্ জদানি বর্‌বাত্ ওই যেবঅ আর তর্ রবুয়োও শুগেই যেবঅ। মাত্তর্ তুই কত্তে, কনঅ লাভ নেই। মুই দেব-দেবদাগুনোরে গম্ পাং, তারা পিজেদি মুই যেম্। ‍‍

যিরমিয় 44:18

মাত্তর্ যেক্কেত্তুন্ ধুরি আমি আগাজ-রাণী নাঙে আগর্‌বাট্টি জ্বালানা আর পানীয়-উৎসর্ব গরানা ন-থামেলং, সেক্কেত্তুন ধুরি আমার্ অভাব অর্ আর আমি যুদ্ধো আর ভাদ রাদে ভস্ত ওই যের্।”

হোশেয় 7:16

তারা স্বর্গ ইন্দি ন-ফিরোন্; তারা বেঙাটেরা এক্কান ধনু ধোক্ক্যেন। তারার্ নেতাগুনে তারার্ অহংকারবলা কধাবাত্তানিত্তে মুরি যেবাক্, আর সেনত্তে ইস্রায়েলীয়গুনে মিসর দেজত্ আজি-তামাজার্ মান্‌জ্য ধোক্ক্যেন অবাক্।‌‌‌‌‌‌‌‌

যোয়েল 2:12

লগেপ্রভু ফগদাং গোজ্যে, “মাত্তর্ ইক্কিনে তুমি উবোস, কানাকুদি আর আবিলেচ্ গুরিনে বেক্ মনান্ দিইনে মইদু ফিরি এজঅ।”

সফনিয় 1:12

সে সময়োত্ মুই চেরাগ্‌‌কোই যিরূশালেমর বেক জাগানিত্ তোগেম্ আর যিগুনে নিজোরে নিইনে হুজি থান্ আর কন্, ‘লগেপ্রভু গম্-ভান্ন্যেই কিচ্ছু ন-গুরিবো,’ তারারে মুই সাজা দিম্।

মালাখি 3:13

লগেপ্রভু আরঅ কত্তে, “তুমি মঅ বিরুদ্ধে দর দর কধা কোইয়ো, মাত্তর্ তুমি কত্তে, ‘তঅ বিরুদ্ধে আমি কি কোইয়্যেই?’

যাকোব 4:9

দুঘে ভাঙি পরঅ আর আবিলেচ্ গুরিনে কানঅ। তমা আজানার্ বদলে আবিলেচ্ গরঅ আর হুজীর বদলে দুঘ্ গরঅ।