মালাখি 3:11 - Chakma Bible

¹¹ মুই গজক্ গুরিয়্যে পুগ্‌-যুগরে মানা গুরিম যেনে তারা তমা খেত্-খেত্তিগানি হেই ন-ফেলান; ইয়েন বাদেয়ো তমা খেদত্ আংগুর লুদির্ ফলুন্ ঝুরি ন-পুড়িবাক্।

মালাখি 3:11 ပူးပေါင်းရင်းမြစ်များ

যিরমিয় 8:13

লগেপ্রভু কোইয়্যেদে, “তারারে মুই শেজ্ গুরি দিম। আংগুর লুদিত্ কনঅ আংগুর ন-থেবাক্, ডোমোর গাজত্ ডোমোর গুলো ন-থেবাক্ আর সিগুনোর পাদানি শুগেই যেবঅ। মুই তারারে যিয়েনি দুয়োং সিয়েনি আর ন-থেবঅ।”

হোশেয় 2:21

“মুই লগেপ্রভু কঙর্, সেদিন্যে মুই তমারে সাড়া দিম। মুই আগাজ্‌‌‌‌‌চানরে উগুম দিম; আগাজ্‌‌‌‌‌চানে পিত্‌‌‌‌‌থিমীগানরে ঝড় দিবো;

যোয়েল 1:12

আংগুর লুদি শুগেই যেইয়্যে আর ডোমোর্ গাজ মুরি যার্; ডালোম্, খাজোর্ আর আপেল গাজ, এন্ কি, খেদর্ বেক্ গাজ্‌‌চুন শুগেই যেইয়োন। ঘেচ্চেকগুরি মানুচ্চুনো ভিদিরেত্তুন হুজি রাজি ফুরেই যেইয়্যে।

যোয়েল 1:4

কামেড়্যেয়ে পুগ্-যুগে যিয়েনি থোই যেইয়োন সিয়েনি ঝাক্ বান্যে পুগ্-যুগ্‌কুনে হেইয়োন; ঝাক্ বান্যে পুগ্-যুগে যিয়েনি থোই যেইয়োন সিয়েনি ভস্তগুরিয়্যে পুগ্-যুগে হেইয়োন্; ভস্তগুরিয়্যে পুগ্-যুগে যিয়েনি থোই যেইয়োন্ সিয়েনি ফাল্যে ফাল্যে যাইদ্যে পুগ্-যুগে হেইয়োন্।

যোয়েল 1:7

তে মর্ বেক আংগুর-লুদিগানি বর্‌বাত গোজ্যে আর ডোমোর্ গাজ্‌চুন ভাঙি ফেলেয়্যে। সিগুনোর বাগলানি ছুলিনে তে সিয়েনি ফেলেই দিয়্যে; সেক্কে ডেলাগুন বেক্কানি দুপ্ ওই যেইয়্যে।

যোয়েল 2:20

“মুই উত্তোরেত্তুন্ এচ্চ্যে সৈন্যদল্লোরে তমাত্তুন্ দূর্ গুরি দিম; শুগুনো আর ভস্ত ওই যেইয়্যে ধূল্যেচর-চাগালাত্ তারারে ধাবেই দিম। তারার্ মুজুঙেদি ভাগ্‌কান পূগেদি সাগরত্ আর পিজেদি ভাগ্‌‌‌‌‌কান পোজিমে সাগরত্ ধাবেই দিম। তারার্ পজাবাজ্ উগুরেদি উদিবো আর সিয়েনত্তুন্ পজাবাজ্ নিগিলিবো, কিত্যেই তারার্ কামানি অলদে অমকদ বাড়্‌বো‌‌‌লোই ভরা।”

যোয়েল 2:22

ও মাদর্ য়েমানুন, তুমি ন-দোরেয়ো, কিত্যে চরি বেড়েবার মাদ্‌‌‌‌‌তুন য়্যাল্ ওই উঠ্যে। গাজে গাজে ফল ধোজ্যন্; ডোমোর্ গাজ আর আংগুর লুদিগানিয়ে বোউত্ ফল দের্।

যোয়েল 2:25

লগেপ্রভু কত্তে, মর্ বিরেট্ সৈন্যদল যিবে মুই তমা ইধু পাধেয়োং তারা, অত্তাৎ ঝাক্-বোত্যে পুগ্-যুগো পাল, ভস্তগুরিয়্যে পুগ্-যুগ্, ফাল্যে-যেইয়্যে পুগ্-যুগো পাল আর কামেড়্যেয়ে পুগ্-যুগো যেদক্ বজর ধুরিনে তমা ফসলানি হেইয়োন সিয়েনি মুই সুজি দিম।

আমোষ 4:9

মুই বোউত্‌‌‌বার্ তমারে বাগান আর আংগুর খেত্ শুগেই যেইয়্যে পীড়ে আর ছাৎলা-পোজ্যে পীড়েলোই আঘাত্ গুরিলুং। পুগ্-যুগে তমার্ ডোমোর্ আর জলপাই গাজচুন্ শেজ্ গুরি দিলো; তো তুমি মইদু ফিরি ন-এলা।

হবক্‌‌‌‌কূক 3:17

যুনিও ডোমোর্ গাজত্ বোল্ ন-পড়িবাক্ আর আংগুর লুদিত্ ন-থেবাক্ কনঅ আংগুর, যুনিও জলপাই গাজত্ ফল ন-ধুরিবাক্ আর খেদত্ ন-জোর্মেবাক্ হেবাত্তে কনঅ শোজ্য, যুনিও ভেড়ার ঘরত্ ন-থেবাক্ ভেড়া আর গোরু ঘরত্ ন-থেবাক্ গোরু,

হগয় 1:11

খেত-খামার, মুড়ো-মুড়ি, শোজ্য, নূয়ো আংগুর-রস, তেল আর মাদিত্ যিয়েনি জর্মায় সিয়েনি উগুরে মানুচ্, য়েমান আর তমা আঢর্ বেক কামানি উগুরে ঝড় ন-পড়িবাত্তে মুই উগুম দুয়োং।”

হগয় 2:17

মুই খেত-খেত্তি শুগেই যেইয়্যে রুগ্ আর ছুমো রুগ্ আর শিলো ঝড়ে তমা আঢর্ বেক কামানিরে আঘাত্ গোজ্যং, মাত্তর্ তো তুমি মইন্দি ন-ফিরো।

সখরিয় 8:12

ইক্কিনে বীজিত্তুন্ গাজ্ গমেডালে বাড়ি উদিবো, আংগুরো লুদিত্ ফল ধুরিবাক্, মাদিত্ খেত্-খেত্তি জোর্মেবাক্ আর আগাজত্তুন্ শিরোপানি পুরিবো। এই জাদর্ বাঁজি থেইয়্যে মানুচ্চুনে মর্ দিয়্যে অধিকার ইজেবে ইয়েনি বেক্কানি পেবাক্।

দ্বি’লম্বর বিররণ 11:14

সিয়েন গুরিলে লগেপ্রভু ঠিগ্ সময়োত্‌, অত্তাৎ শরৎ আর বসন্তকালত্‌ তমার দেজ উগুরে ঝড়্ দিবো যেনে তুমি ভালোক্কুন শোজ্য, নুয়ো আংগুরো-রস আর তেল পেবা।