মালাখি 2:15 - Chakma Bible

¹⁵ লগেপ্রভু কি নেক্কোরে আর মোক্কোরে এক ন-গরে? কিয়্যেদি আর আত্মাদি তারা তারই। তারা কিত্তে এক? কিত্যে তে তারা মাধ্যমে এক্কো গোজেন ভক্ত বংশ রোক্ষ্যে গুরিবাত্তে চেইয়্যে। সেনত্তে তুমি তমা মন পৌইদ্যেনে উজিয়ার্ অ; গাবুজ্যেকালর্ মোগো লগে তুমি বেঈমানী ন-গোজ্য।

মালাখি 2:15 ပူးပေါင်းရင်းမြစ်များ

পত্থম 1:27

পরেদি গোজেনে তা ধোক্ক্যেন গুরি মানুচ্‌ বানেল। অয়, তে গোজেন ধোক্ক্যেন গুরি মানুচ্‌ বানেল, বানেল মরদ আর মিলে ইজেবে।

পত্থম 2:7

পরেদি লগেপ্রভু গোজেনে মাদিলোই এক্কো মরদ্‌ মানুচ্‌ বানেল আর তা নাগত্‌ ফুন্‌ দিইনে তা ভিদিরে পরাণান্‌ ভোরেই দিলো। সেক্কে সে মানুচ্চো এক্কো জেদা প্রাণি অলঅ।

পত্থম 24:44

সেক্কে যুদি তে মরে কয়্‌, তে মরে পানি হাবেব আর মঅ উট্‌তুনোত্তেয়ো পানি তুলি দিবো, সালে তেয়ই যেন মঅ গিরোজ্‌সো পুয়োবোত্তে তর্‌ বেঈ রাগেয়্যে মিলে অয়।

পত্থম 27:46

পরে রিবিকা ইস্‌হাকরে কলঅ, “এ হিত্তীয় মিলেগুনোত্তে মর্‌ আর বাঁজি থেবাত্তে আওজ্ ন-গরের্‌। ইয়েন পরেদি যাকোবেয়ো যুদি এ দেজর্‌ কনঅ হিত্তীয় মিলেরে লয়্‌ সালে মর্‌ বাঁজি থেইনে কি লাভ?”

ইষ্রা 9:4

বন্দীদযাত্তুন্ ফিরি এচ্চ্যে এ মানুচ্চুনোর অবিশ্বেজর্ বেপারে যিগুনে ইস্রায়েলর্ গোজেনর্ কধানি ইদোত্ তুলিনে গির্‌গিরে উদিলাক্ তারা পত্তিজনে মইদু এইনে এগত্তর্ অলাক্। সাজোন্যে অক্তত্ উৎসর্বর সময়ো সং মুই সিয়েনত্ আমক্ ওইনে বোই রলুং।

নহিমিয় 13:24

তারা ভিদিরে কয়েক্কো ঝি-পুঅ্‌ অস্‌দোদর বা অন্য জাদর্‌ ভাষান্দি কধা কন্‌। তারা যিহূদার্‌ ভাষায় কধা কোই ন-জানিদাক্‌।

ইয়োব 27:3

যেদকদিন মইদু পরাণান আঘে, যেদকদিন গোজেনর নিজেস্‌সো মঅ নাগ ভিদিরে আঘে,

যাত্রা 20:14

সিনেলী (বেশ্যে-হাঙ্গি) ন-গোজ্য।

গম্ উপদেজ্ 2:17

তে তার গাবুরো অক্তত্ নেক্কোরে ছাড়ি দিয়্যে আর তার গোজেনর থিদেবর্ গোজ্যে সুদোমানি অমান্য গোজ্যে।

গম্ উপদেজ্ 4:23

বেক্কানিত্তুন্ তঅ মনানরে বেশ্ চুগি দিইনে রাগেচ্, কিত্তে মনত্তুন্ তঅ জিংকানিগানর বেক্কানি নিগিলি এজে।

গম্ উপদেজ্ 6:25

তা দোলান্ চেইনে তুই লুভ্ ন-গুরিচ্, তা চোগো পাদাত্ তুই নিজোরে বন্দি অবাত্তে ন-দিচ্;

গম্ উপদেজ্ 7:25

তমা মনানি সেই মিলেগুনো ইন্দি যেবাত্তে ন-দুয়ো, তুমি সিগুনো পধেদি ন-ঘুজ্য;

উপদেশক 12:7

মাদিগান্ মাদিত্ ফিরি যেবঅ, আর যে আত্মাগান্ গোজেনে দিয়্যে সে আত্মাগান্ তাইদু ফিরি যেবঅ।

যিরমিয় 2:21

মুই দঅ তরে নখ্‌বাজ্ গোজ্যে বিজিত্তুন জোর্মেয়্যে গম্ আংগুরোর্ চারা ইজেবে লাগেয়োং; সালে কেধোক্ক্যেন গুরি তুই এক্কো ভান্ন্যেই ঝার আংগুর গাজ্ ওইয়োচ্?

হোশেয় 1:10

তো ইস্রায়েলীয়গুন সাগর-পার ধূল্যেচর ধোক্ক্যেন অবাক্, যিয়েনি মাবা ন-যায়, গোণায়ো ন-যায়। যে জাগানত্ তারারে কুয়ো ওইয়্যে, তুমি মঅ মানুচ্ নয়, সিয়েনত্ তারারে কুয়ো অবঅ, জেদা গোজেনর পুয়ো-ছা।

লেবীয় 20:10

যুনি কনজনে তার্‌ পাড়াল্যে মোগো সমারে, অত্তাৎ অন্য কনঅ মান্‌জ্যর্‌ মোগো সমারে সিনেলী গরে সালে বেভিচারী আর বেভিচারিনী দ্বিজনরেই মারে ফেলা পুরিবো।

মালাখি 2:14

তুমি কত্তে, “কিত্তে ন-গরঅ?” ইয়েনর্ কারনান্ অলঅ, লগেপ্রভু তমার্ পত্তি মান্‌জ্যরে আর তার্ গাবুজ্যে কালর্ মোগ্ লনার্ সাক্ষী ওইয়্যে; মাত্তর্ যুনিয়ো সেই মিলেবো তা সমাজ্যে, তার্ মেলালোই চুক্তি গোজ্যে মোগ্, তো তে তা লগে বেঈমানী গোজ্যে।‌‌‌

মথি লেখ্যে গম্ হবর্ 15:19

মনত্তুন্ ভান্ন্যেই চিন্তে, খুন, নানান্ বাবোত্যে বেভিচের্, চুর্, মিজে মাদানা আর ইংসে-নিন্দে নিগিলি এজে।

যোহন 20:22

এ কধাগান্ কোইনে তে শিচ্চ্যগুনো উগুরে ফুন্ দিইনে কলঅ, “পবিত্র আত্মাগানরে গুজি লঅ।

প্রেরিত্‌ 3:25

আর তুমি দঅ সেই ভাববাদীগুনোর বংশধর। তমা পূরোণি মানুচ্চুনোত্তে গোজেনে যে সুদোমান গোজ্যে, তুমি দঅ তার্ ভাগিদার। গোজেনে অব্রাহামরে এ কধাগান কোইনে সেই সুদোমান থিদেবর্ গোজ্যে, ‘তঅ গুট্টির্ মাধ্যমে পিত্‌থিমীর বেক্‌ জাদ্‌‌তুনে বর্ পেবাক্।’

১ করিন্হীয় 7:14

কিয়া মোক্কোর্ মাধ্যমে সেই অবিশ্বেজি নেক্কোরে আর নেক্কোর্ মাধ্যমে সেই অবিশ্বেজি মোক্কোরে গোজেনে গমেডালে চায়। সিয়েন ন-অলে তমা পুয়ো-ঝিগুনে দঅ অসিজি অদাক্; মাত্তর্ আসলে গোজেনে তারারে গম্ চোগেদি চায়।

১ করিন্হীয় 7:2

মাত্তর্ চেরোকিত্তে বোউত্ বেভিচের্ অর্, সেনত্তে পত্তি মরদর্ নিজোর্ মোক্ থোক্ আর পত্তি মিলের্ নিজোর্ নেক্ থোক্।

২ করিন্হীয় 6:18

ইয়েন বাদে “বেগত্তুন্ খেমতাবলা গোজেনে কয়, ‘মুই তমার্ বাপ্ ওম্ আর তুমি মর্ পুয়ো-ছা অবা ’ ”

ইফিষীয় 6:4

তুমি যিগুনে বাপ, তুমি তমার পুয়ো-ছাগুনোরে তোচ্চ্যে ন-লাগেইয়ো, বরং প্রভুর শাসন আর শিক্ষ্যেই তারারে মানুচ্‌ গুরি তুলো।

দ্বি’লম্বর বিররণ 7:4

কিত্যে সে মিলেগুনে তমা পূঅগুনোরে মত্তুন্‌ দূরোত্‌ সোরেই নেযেবাক্ আর দেব-দেবেদাগুনোর্‌ পূজো গুরিবাক। সেক্কে লগেপ্রভুর রাগর্‌ আগুনান্‌ তমার বিরুদ্ধে জুলি উদিবো আর লগে লগে তমারে ভস্ত গুরি ফেলেব।

তীত 1:6

মন্ডলীর আজল্ নেতাবোর্ এমন্‌ উয়ো পড়িবো যেন কেঅ তারে দুষ্ দি ন-পারন্। তার বানা এক্কো মোক্ থেবঅ। তার্ পুয়ো-ছাগুনে যেন খ্রীষ্ট উগুরে বিশ্বেজি অন্, যেন তারা নিজোর্ হুজি মজিম ন-চলন্ আর অবাধ্য ন-অন্।

রূত 4:12

এই মিলেবোর্ পেদত্‌ লগেপ্রভু তরে যে পূঅবো দিবো তার মাধ্যমে তর্‌ বংশবো যেনে তামর পেদর্ যিহূদার পূঅ পেরসর বংশ ধোক্ক্যেন অয়।”

১ শমূয়েল 2:20

সেক্কে ইল্‌কানা আর তা মোক্কোরে আশিদ্‌বাদ গুরিনে এলি কদঅ, “এই মিলেবো লগেপ্রভুর ইদু যে পূঅবোরে দিয়্যে তার বদলে লগেপ্রভু এই মিলেবোর পেদত্‌ তরে আরঅ ঝি-পূঅ দুয়োক্‌।” ইয়েনর্ পরেন্দি তারা তারার ঘরত্‌ আদি যেদাক্।