মালাখি 2:14 - Chakma Bible

¹⁴ তুমি কত্তে, “কিত্তে ন-গরঅ?” ইয়েনর্ কারনান্ অলঅ, লগেপ্রভু তমার্ পত্তি মান্‌জ্যরে আর তার্ গাবুজ্যে কালর্ মোগ্ লনার্ সাক্ষী ওইয়্যে; মাত্তর্ যুনিয়ো সেই মিলেবো তা সমাজ্যে, তার্ মেলালোই চুক্তি গোজ্যে মোগ্, তো তে তা লগে বেঈমানী গোজ্যে।‌‌‌

মালাখি 2:14 ပူးပေါင်းရင်းမြစ်များ

পত্থম 2:18

সে পরেদি লগেপ্রভু গোজেনরে কলঅ, “মানুচ্চোর্‌ আজলে গায় গায় থানাগান্ ঠিগ্ ন-অর্‌। মুই তাত্যেই এক্কো তা যগাজ্যে মিলে বানেই দিম।”

পত্থম 31:50

যুদি তুমি মঅ ঝিগুনদোই বজং বেবহার্‌ গরঅ, বা মর্‌ ঝিগুন্‌ থানা অবস্থায়ো অন্য মিলেরে লঅ, সালে আর কনজন আমালগে ন থেলেয়ো মনত্‌ রাগেয়ো, গোজেনই আমার্‌ সাক্ষী ওই থেলঅ।”

গম্ উপদেজ্ 2:17

তে তার গাবুরো অক্তত্ নেক্কোরে ছাড়ি দিয়্যে আর তার গোজেনর থিদেবর্ গোজ্যে সুদোমানি অমান্য গোজ্যে।

গম্ উপদেজ্ 30:20

বেশ্যে মিলের বেবহার মুই বুঝি ন-পারং; তে বেশ্যে গরানার পরেদি গাদিগাদাই কইদ্যে, “মুই দঅ কনঅ অন্যেয় ন-গরং।”

গম্ উপদেজ্ 5:20

মঅ পুয়োবো, কিত্তে তুই বেশ্যে মিলেবোলোই রঙ্গ-ফুত্তি গুরি থেবে? তা বুগোত্ কিত্তে তুই বেড়েকোরে ধুরিবে?

উপদেশক 9:9

বেলান তলেদি গোজেনে তরে এ কয়েক্কো দিন দিয়্যে, তঅ জিংকানির্ সে দিনুন্ তঅ মোক্কো, যিবেরে তুই কোচ্‌পাজ, তা সমারে হুজিয়ে-রাজিয়ে কাঢা, কিত্তে বেলান তলেদি তর্ জিংকানিগান আর তর্ দুঘে কাম্ গরানা ভিদিরে ইয়েনই তর্ পাওনা।

পরমগীত 1:15

মর্ পরাণি, কি দোল্ তুই! অয়, তুই দোল্। তঅ চোগ্‌কুন দ্বিবে ক ধোক্ক্যেন্।

যিশাইয় 54:6

তুই ছুড়্ কাবোজ্ দিয়্যে আর মনত্ দুঘ্ পেইয়্যে মোগো ধোক্ক্যেন ওইয়োচ্, গাবুজ্যে জিংকানিত্ দূর গুরি দিয়্যে মোগো ধোক্ক্যেন ওইয়োচ্; মাত্তর্ লগেপ্রভু আরঅ তরে ডাক্ক্যে। মুই তর্ গোজেন এ কধাগান কঙর্।

যিশাইয় 58:3

তারা কন্, আমি উবোস্ থেইয়্যেই আর তুই সিয়েন ন-চেলে কিত্তে? আমি দুঘ্ স্বিগের্ গোজ্যেই আর তুই সিয়েন খিয়েল্ ন-গুরিলে কিত্তে? মাত্তর্ চঅ, তমা উবোস্ থেবার দিন্নোত্ তুমি দঅ নিজোরে বুঝেই রাগঅ, আর তমার বেক্ কামগুরিয়্যেগুনো উগুরে অত্যেচার গুরি থাগঅ।

যিরমিয় 29:23

কিত্তে তারা ইস্রায়েলীয়গুনো ভিদিরে জঘন্য কাম গোজ্যন্; তারা পাড়াল্যেগুনো মোগ্‌কুনো লগে বেভিচের্ গোজ্যন্ আর মুই তারারে যিয়েন কবাত্তে ন-কং তারা মঅ নাঙে সে মিজে কধানি কোইয়োন। মুই সিয়েনি হবর্ পাং আর মুই সিয়েনর সাক্ষী। মুই লগেপ্রভু এ কধাগান কঙর্‌।”

যিরমিয় 42:5

সেক্কে তারা যিরমিয়রে কলাক্, “তমা গোজেন লগেপ্রভু আমারে যিয়েন কবাত্তে তরে পাদেব সেবাবোত্যে যুনি আমি বেক্কানি ন-গুরিই সালে আমা বিরুদ্ধে লগেপ্রভু যেন এক্কো ঘেচ্চেকগুরি বিশ্বেজর্ সাক্ষী অয়।

যিরমিয় 8:12

তারা কি তারার সেই জঘন্য কামানিত্তে লাজান্? না, তারার কনঅ লাজ্ নেই; তারা লাজে রাঙা অবাত্তে ন-জানন্। সেনত্তে তারা সিগুনো ভিদিরে পড়িবাক্ যিগুনে সাজা পেবাক্। মুই যেক্কে তারারে সাজা দিম সেক্কে তারারে মাঢা লোঙেই দিয়্যে অবঅ। মুই লগেপ্রভু এ কধাগান কঙর্। ”

যিরমিয় 9:2

হায়, ধূল্যেচর-চাগালাত্ যেইয়্যেগুনোর থেবার জাগান ধোক্ক্যেন মর্ যুনি এক্কান জাগা থেদঅ! সালে মঅ মানুচ্চুনোরে ছাড়িনে মুই সিয়েনত্ যেই পারিদুং, কিত্তে তারা বেক্কুনে সিনেলী আর বেঈমানর দল।

যিহিষ্কেল 16:8

পরেদি মুই তঅ কায়-কুরেদি যেবার অক্তত্ তন্দি রিনি চেইনে দেগিলুং, তর্ ইক্কিনে প্রেম গুরিবার সময় ওইয়্যে; সেনত্তে মঅ পোজাগর্ কিজু ভাগ্ মুই তঅ উগুরে বিজেই দিইনে তর্ লাংটা-বাংটাগান নাঢি দিলুং। মুই তইধু শমক্ হেইনে তঅ সমারে চুক্তি গুরিলুং, আর সেক্কে তুই মর্ অলে।

মীখা 1:2

ও জাদ্‌‌তুন, তুমি বেক্কুনে কান্ পাদঅ; ও পিত্‌‌থিমীগান আর সিয়েন ভিদিরে বেক্কানি, শুনো। প্রভু লগেপ্রভু তা পবিত্র ঘরানত্তুন্ তমা বিরুদ্ধে সাক্ষ্য দিবো।

মালাখি 2:15

লগেপ্রভু কি নেক্কোরে আর মোক্কোরে এক ন-গরে? কিয়্যেদি আর আত্মাদি তারা তারই। তারা কিত্তে এক? কিত্যে তে তারা মাধ্যমে এক্কো গোজেন ভক্ত বংশ রোক্ষ্যে গুরিবাত্তে চেইয়্যে। সেনত্তে তুমি তমা মন পৌইদ্যেনে উজিয়ার্ অ; গাবুজ্যেকালর্ মোগো লগে তুমি বেঈমানী ন-গোজ্য।

মালাখি 3:5

বেগত্তুন্ খেমতাবলা লগেপ্রভু কত্তে, সেক্কে মুই বিচের্ গুরিবাত্তে তমা ইদু এইম্; সে অক্তত্ যাদুগুরিয়্যেগুন, বেশ্যেমিগুরিয়্যেগুন, মিজে সাক্ষীদিয়্যেগুন আর যিগুনে চাগরুনোরে ঠগান্, যিগুনে রানি মিলেগুনোরে আর মা-বাপ্ নেইয়্যেগুনোরে অত্যেচার গরন্ আর বিদেশীগুনোরে ন্যায়বিচের্ পেবাত্তে ন-দুয়োন, অত্তাৎ যিগুনে মরে ন-দরান্ তারা বেক্কুনো বিরুদ্ধে মুই সাক্ষী দিবাত্তে দেরি ন-গুরিম।

মালাখি 3:8

মান্‌‌জ্যে কি গোজেনরে ঠোগেবাক্? মাত্তর্ তুমি দঅ মরে ঠগর্। তো তুমি কত্তে, ‘আমি তরে কেধোক্ক্যেন্‌গুরি ঠোগের্?’ দশমাংশ আর দান পৌইদ্যেনে তুমি মরে ঠগর্।

বিচের গুরিয়্যেগুন 11:10

গিলিয়দর বুড়ো নেতাগুনে জোবত্‌ কলাক্‌, “লগেপ্রভু আমার সাক্ষী রলঅ্, তুই যিয়েনি কলে আমি সিয়েনি গুরিবোং।”

১ শমূয়েল 12:5

শমূয়েলে তারারে কলদে, “এচ্চ্যে লগেপ্রভু সাক্ষী আর তার অভিষেগ গোজ্যে মানুচ্চোয়ো সাক্ষী, তুমি মত্তুন্‌ তমার কনঅ জিনিস ন-পঅ।” সেক্কে মানুচ্চুনে কলাক্, “তে সাক্ষী।”