মালাখি 2:1 - Chakma Bible

^1-2 বেগত্তুন্ খেমতাবলা লগেপ্রভু কত্তে, “ও ধর্মগুরুগুন, ইক্কিনে তমা ইধু মুই এই উজিয়ার্ কধাগান পাদাঙর্। তুমি যুনি মঅ কধাগান ন-শুনো আর মঅ সর্মান ইন্দি মনযোগ্ ন-দুয়ো সালে মুই তমা উগুরে এক্কান অভিশাব্ পাদেম্ আর তর্ বেক আশিদ্‌বাদ্‌তানরে অভিশাবত্ বুদুলি দিম। অয়, মুই আগে সিয়েনি গোজ্যং, কিত্যে মঅ সর্মান ইন্দি তুমি মনযোগ ন-দুয়ো।

মালাখি 2:1 ပူးပေါင်းရင်းမြစ်များ

যিরমিয় 13:13

সালে তুই তারারে কবে, লগেপ্রভু কোইয়্যেদে, ‘যিগুনে এ দেজত্ বজত্তি গরন, অত্তাৎ দায়ূদোর সিংহাসনত্ বোস্যে বেক্ রাজাগুনোরে, ধর্মগুরুগুনোরে, ভাববাদীগুনোরে আর যিরূশালেমত্ বজত্তি গুরিয়্যে বেক্কুনোরে মুই মাত্তল্ গুরি থোম্।‌

আবিলেচ্ 4:13

এ ঘটনাগান ঘোট্যেদে তা ভাববাদীগুনোর্ পাপত্তে, তা ধর্মগুরুগুনোর্ অন্যেয়ত্তে, কিত্তেই সিয়োদোই তারা গম্ মানুচ্চুনোর্ লো জোরেদাক্।

হোশেয় 5:1

লগেপ্রভু কত্তে, ও ধর্মগুরুগুন, তুমি এ কধানি শুনো। ও ইস্রায়েল মানুচ্চুন, মনযোগ দুয়ো। ও রাজবংশ, কান্ পাদঅ। এ রায়য়ান্ তমা বিরুদ্ধে দিয়্যে অর্, কিত্যে তুমি মিসপাত্ ফাল ধোক্ক্যেন আর তাবোরত্ মিলি দিয়্যে জাল ধোক্ক্যেন ওইয়ো।

মালাখি 1:14

যিবের্ য়েমান পাল ভিদিরে যগাজ্যে মরদ য়েমান্ আগন্ আর তে সিবে দিবাত্তে মানত্ গোজ্যে মাত্তর্ সে পরেদি এক্কো থুদো য়েমান্ লগেপ্রভুর নাঙে উৎসর্ব গোজ্যে, তে দঅ দগাবাঁজি। তা উগুরে অভিশাব্ পোড়োক্। মুয়ই দাঙর্ রাজা আর বেক্ জাদ্‌‌‌‌তুনে মরে দরান্। মুই বেগত্তুন্ খেমতাবলা লগেপ্রভু এ কধাগান কঙর্।”

মালাখি 1:6

বেগত্তুন্ খেমতাবলা লগেপ্রভু কত্তে, “পুয়ো তা বাবরে আর চাগর্ তা গিরোজোরে সর্মান গরে। যুনি মুই বাপ্ ওই থাং সালে মুই পাঙ্গে সর্মানান্ কুদু? যুনি গিরোজ্ ওই থাং সালে মর্ পাওনা শ্রদ্ধাগান্ কুদু? ও ধর্মগুরুগুন, তুমি মরে ঈচ্ গোজ্য। মাত্তর্ তুমি কত্তে, ‘আমি কেধোক্ক্যেনগুরি তরে ঈচ্ গোজ্যেই?’