মালাখি 1:14 - Chakma Bible14 যিবের্ য়েমান পাল ভিদিরে যগাজ্যে মরদ য়েমান্ আগন্ আর তে সিবে দিবাত্তে মানত্ গোজ্যে মাত্তর্ সে পরেদি এক্কো থুদো য়েমান্ লগেপ্রভুর নাঙে উৎসর্ব গোজ্যে, তে দঅ দগাবাঁজি। তা উগুরে অভিশাব্ পোড়োক্। মুয়ই দাঙর্ রাজা আর বেক্ জাদ্তুনে মরে দরান্। মুই বেগত্তুন্ খেমতাবলা লগেপ্রভু এ কধাগান কঙর্।” အခန်းကိုကြည့်ပါ။ |
মালাখি 1:14
39 ပူးပေါင်းရင်းမြစ်များ
যিবে মহান আর বাঈনী গরানালোই বর্ পুনোং, যিবে উমরত্তে জেদা, যিবে নাঙান্ পবিত্র, তে কত্তে, “মুই অজল্ আর সুদ্ধো-সাংগ জাগাত্ বজত্তি গরং, মাত্তর্ যিবের মনান্ নম্র, যিবের্ মনান্ ভাঙিনে কট্টা কট্টা ওইয়্যে মুই তা সমারেয়ো বজত্তি গরং যেনে নম্রগুনোর আর মন ভাঙি যেইয়্যে মানুচ্চুনোর্ মনানি মুই নূয়ো গুরিনে ঠিগ্ গুরি পারং।
য়েমান্-উৎসর্বর অনুষ্ঠানত্তে যেক্কে চোগ্ নেইয়্যে য়েমান্ আনঅ সেক্কে সিয়েন কি অন্যেয় নয়? যেক্কে তুমি লেং আদুড়্ আর পীড়ে ধোজ্যে য়েমান্দোই উৎসর্বর অনুষ্ঠান গরঅ, সেক্কে কি সিয়েন অন্যেয় নয়? তমা শাজন্গুরিয়্যেবো ইধু সিগুন উৎসর্ব গুরিলে তে কি তমা উগুরে হুজি অবঅ? তে কি তমারে গুজি লবঅ? মুই বেগত্তুন্ খেমতাবলা লগেপ্রভু তমারে পুযোর্ গরঙর্।”
বেগত্তুন্ খেমতাবলা লগেপ্রভু কত্তে, “ও ধর্মগুরুগুন, ইক্কিনে তমা ইধু মুই এই উজিয়ার্ কধাগান পাদাঙর্। তুমি যুনি মঅ কধাগান ন-শুনো আর মঅ সর্মান ইন্দি মনযোগ্ ন-দুয়ো সালে মুই তমা উগুরে এক্কান অভিশাব্ পাদেম্ আর তর্ বেক আশিদ্বাদ্তানরে অভিশাবত্ বুদুলি দিম। অয়, মুই আগে সিয়েনি গোজ্যং, কিত্যে মঅ সর্মান ইন্দি তুমি মনযোগ ন-দুয়ো।
ကြော်ငြာတွေ