মালাখি 1:12 - Chakma Bible

¹² মাত্তর্ তুমি মঅ নাঙান্ অসর্মান গোজ্য, কিত্যে তুমি কত্তে, ‘লগেপ্রভুর টেবিলান অসিজি আর তা উগুরেদি হানাগান জঘন্য।’

মালাখি 1:12 ပူးပေါင်းရင်းမြစ်များ

২ শমূয়েল 12:14

মাত্তর্‌ এ কামান্‌ গুরিনে তুই লগেপ্রভুর শত্রুগুনোরে তারে পিজুং গুরিবার্‌ এক্কান্‌ সুযোগ গুরি দুয়োচ্‌। সেনত্তে তর্‌ যে পূঅবো জোর্মেয়্যে তে হামাক্কায় মুরি যেবঅ।”

যিহিষ্কেল 41:22

আজল্ গুদিবোত্ তিন আত্ অজল, দ্বিআত্ লাম্বা আর দ্বিআত্ পাদাজ্যে গাজর্ এক্কো পূজো এলঅ; ইবের্ চের্‌কোণা, গড়া আর চেরোকিত্তেদি এলঅ গাজ্‌চোই বানেয়্যে। তে মরে কলঅ, “ইয়েন অত্তে সেই টেবিলান যিয়েন লগেপ্রভুর মুজুঙোত্ আঘে।”

যিহিষ্কেল 44:16

সিগুনে বানা মঅ ঘরত্ সোমেই পারিবাক্; বানা তারা মর্ সেবা-কামত্তে মঅ টেবিলান ইধু এই পারিবাক্ আর তারা মঅ ঘরর্ বেক কামানি গুরিবাক্।

হোশেয় 13:9

ও ইস্রায়েল, তুই মর্ বিপক্ষে, অত্তাৎ তর্ সাহায্যগুরিয়্যের্ বিপক্ষে আগচ্ বিলি মুই তরে ভস্ত গুরিম।

লেবীয় 18:21

তমা ভিদিরেত্তুন কনজনে যেন তার্‌ পূঅ বা ঝিয়োরে মোলক দেবেদা ইদু আগুনোত্‌ পুড়িনে উৎসর্ব ন-গরন বা অন্য কনঅ বাবদে নিজোর্ গোজেনর্‌‌ নাঙে পবিত্রতাগান্ বর্‌বাদ্ ন-গরন। মুই লগেপ্রভু।

আমোষ 2:7

ধূল্যে ঝারেদে ধোক্ক্যেন গুরি তারা নাঢাগুনোরে ঝারন্ আর পদত্তুন্ অভাবীগুনোরে ঠিলিনে সোরেই দোন্। বাবে আর পুয়োই এক্কো মিলে সমারে বেভিচের্ গরন আর এবাবোত্যেগুরি মঅ সুদ্ধো-সাংগ নাঙান্ অসর্মান গরন্।

মালাখি 1:13

তুমি তুচ্ছো গুরিবার মনোভাব্‌‌‌পোই ইয়েন অ কোই থাগঅ, ‘ইয়েন কি জ্বালা!’ তুমি দঅ লুদেয়্যে, লেং আদুড়্ বা পীড়েই ধোজ্যে য়েমান্ আনিনে উৎসর্বর অনুষ্ঠানত্তে দুয়ো, মাত্তর্ সিয়েন কি মুই তমা আঢত্তুন্ নেযেই পারং? মুই লগেপ্রভু এ কধাগান কঙর্।

মালাখি 2:8

মাত্তর্ তুমি ঠিগ্ পধত্তুন্ সুরি যেইয়ো আর তমা শিক্ষ্যেলোই বোউত্ মান্‌‌‌‌‌জ্যরে উজোত্ হাবেয়ো। এবাবোত্যেগুরি লেবির বংশত্তে থিদেবর্ গোজ্যে সুদোমান্ তুমি বাদ দুয়ো। মুই বেগত্তুন্ খেমতাবলা লগেপ্রভু কঙর্।

রোমীয় 2:24

পবিত্র বোইবোত্ এ কধাগান্ লেগা আঘে, “তমাত্যে অযিহূদীগুনে গোজেন নাঙানর্ বদ্‌নাম্ গরন্।”