লূকে লেখ্যে গম্ হবর্ 9:62 - Chakma Bible

⁶² যীশু তারে কলঅ, “নাঙলত্ আঢ্ বাজেইনে যে পিজেদি রিনি চায় তে গোজেন রেজ্যর্ যগাজ্যে নয়।”

লূকে লেখ্যে গম্ হবর্ 9:62 ပူးပေါင်းရင်းမြစ်များ

১ রাজাবলী 19:20

ইলীশায় সেক্কে তার্‌ বলদ গোরুগুন্‌ ফেলেইনে এলিয়ো পিজে পিজে ধাবা গেলঅ। ইলীশায় কলঅ, “কোজোলি গরঙর্‌, মরে মঅ মা-বাবরে কির্ব্য গুরি এবাত্তে দে। সে পরেন্দি মুই তঅ সমারে যেম্‌।” জোবত্‌ এলিয় কলঅ, “আচ্ছা যাহ্, মাত্তর্‌ মনত্‌ রাগেচ্‌, ইয়েন্‌ গোজেন কাম্‌।”

ফিলিপীয় 3:13

ভেইলগ্, মুই যে সিয়েন ধুরি পাজ্জ্যং সিয়েন মনে ন-গরং। মাত্তর্ এক্কান কাম মুই গরঙর্-পিজেদি বেক্কানি ভুলি যেইনে মুজুঙেদি উজেইনে বেক বলান্দোই মুই শেষ্ দুযিগানদি উজেই যাঙর্। ইয়েন্দোই যেন খ্রীষ্ট যীশুর মাধ্যমে গোজেনর্ স্বর্গমোক্ক্যে ডাগনিগান ইধু যে বক্‌‌শিজ্‌চান আঘে সিয়েন মুই পাং।

২ তীমথিয় 4:10

কিয়া দীমা ইধুগোর্ জগদ্‌তানরে কোচ্‌পেইনে মরে ফেলেইনে থিষলনীকীত্ যেয়্যেগোই। ইয়েনবাদে ক্রীষ্কেন্ত গালাতিয়াত্ আর তীতে দালমাতিয়াত্ যেয়্যে;

ইব্রীয় 10:38

আর যে মানুচ্চোরে মুই নিদ্দুজি বিলিনে মানি লোইয়োং তে বিশ্বেজর্ মাধ্যমে জিংকানি পেবঅ; মাত্তর্ কেঅ যুনি ফিরি যায় সালে তা উগুরে মুই হুজি ন-ওম্।”