56 সে পরেদি তারা অন্য আদামত্ গেলাক্।
চেয়ো, তুমি যেন এ চিগোন্ গুরোগুনো ভিদিরে একজনরেয়ো ঈচ্ ন-গরঅ। মুই তমারে কঙর্, স্বর্গত্ তারার্ দূত্তুনে নিত্য মঅ স্বর্গর্ বাপ্পো মুয়োন্ দেগদন্।
যিয়েনি আযি যেইয়্যে সিয়েনি উদ্ধোর্ গুরিবাত্তে মান্জ্য পুয়োবো এচ্চ্যে। তুমি কি মনে গরঅ?
ইদোত্ রাগেয়ো, মান্জ্যপুয়োবো সেবা পেবাত্তে ন-এজে বরং সেবা গুরিবাত্তে এচ্চ্যে আর ভালোক্কুন্ মান্জ্যর্ উদ্ধোরর্ দাম্ ইজেবে তারা পরাণানির্ বদলে নিজো পরাণান্ দিবাত্তে এচ্চ্যে।”
মাত্তর্ মুই তমারে কঙর্, তমা সমারে যে কনজনে ভান্ন্যেই বেবহার গরে তা বিরুদ্ধে কিচ্চু ন-গোজ্য; বরং যে কনজনে তঅ ডেন্ গালত্ চুয়োড়্ মারে তারে বাঙ্অ গালানত্অ চুয়োড়্ মারিবাত্তে দিস্।
যিগুনে আঝি যেয়োন্ সিগুনোরে তোগেবাত্যে আর পাপত্তুন্ উদ্ধোর্ গুরিবাত্যে মান্জ্য পুয়োবো এইচ্চ্যে।”
যীশু কলঅ, “থোক্, আর নয়।” ইয়েন কোইনে তে মানুচ্চোর্ কানান্ ধুরিনে তারে গম্ গুরিলো।
সেক্কেনে যীশু কলঅ, “বাহ্, ইগুনোরে ক্ষেমা গর্, কিয়া ইগুনে কি গত্তন্ সিয়েন কোই ন-পারন্।” তারা চাম্বা চেইনে যীশুর লাম্বা সিলুম্মো নিজো ভিদিরে ভাগাভাগি গুরি নিলাক্।
যীশু তারা ইন্দি ফিরিনে তারারে ধমক্ দিলো।
তারা পধেদি যাদন্ এমন সময় এক্কো মানুচ্ যীশুরে কলঅ, “তুই যিধু যেবে মুইয়ো তঅ লগে সিধু যেইম্।”
চুর্ এজে বানা চুর্, খুন্ আর বর্বাদ্ গুরিবাত্যে। মুই এচ্চ্যং যেন তারা জিংকানি পান্, আর সেই জিংকানিগান্ যেন ভর্পুনোং অয়।
যুনি কেঅ মঅ কধা শুনিনে সেবাবোত্যেগুরি ন-চলে সালে মুই নিজে তার্ বিচের্ ন-গরং, কিয়া মুই মান্জ্যরে দুষী প্রমাণ গুরিবাত্যে ন-এজং বরং মান্জ্যরে পাপত্তুন্ উদ্ধোর্ গুরিবাত্যে এচ্চ্যং।
গোজেনে মান্জ্যরে দুষি প্রমাণ গুরিবাত্যে তা পুয়োবোরে জগদত্ ন-পাধায়, বরং মান্জ্যে যেন পুয়োবোর্ মাধ্যমে পাপত্তুন্ উদ্ধোর্ পান্ সেনত্তে তে তারে পাধেয়্যে।
ভান্ন্যেয় ইধু উদিই ন-যেচ্, বরং গমান্দোই ভান্ন্যেয়ানরে জিদি লবে।
এ কধাগান বিশ্বেজ্বলা আর পুরোপুরি গুরিনে মানি লবার্অ যগাজ্জ্যে যে, পাপত্তুন্ পাপীগুনোরে উদ্ধোর্ গুরিবাত্যে খ্রীষ্ট যীশু জগদত্ এচ্চ্যে।
