লূকে লেখ্যে গম্ হবর্ 9:55 - Chakma Bible

⁵⁵ যীশু তারা ইন্দি ফিরিনে তারারে ধমক্ দিলো।

লূকে লেখ্যে গম্ হবর্ 9:55 ပူးပေါင်းရင်းမြစ်များ

২ শমূয়েল 19:22

জোবত্‌ দায়ূদে কলঅ, “ও সরূয়ার পূঅগুন, এ পৌইদ্যেনে তমা লগে মর্‌ কি সম্পর্ক? এচ্চ্যে কিত্তে তুমি মঅ উল্লোমি গরর্‌? এচ্চ্যে কি ইস্রায়েলত্‌ কাররে মারে ফেলানা উজিত্? মুই কি এ কধাগান হবর্‌ ন-পাং, এচ্চ্যেয়ো মুই ইস্রায়েলীয়গুনোর রাজা?”

ইয়োব 2:10

মাত্তর্‌ ইয়োবে তারে কলঅ, “তুই এক্কো বেদমা মিলে ধোক্ক্যেন্ কধা কোইয়োচ্‌। আমি গোজেন ইত্তুন্‌ কি বানা ভালেদি চেবং, অমংগল ন-চেবং?” ইয়েনি ঘুদি গেলেয়ো ইয়োবে তা কধালোই পাপ ন-গুরিলো।

ইয়োব 26:4

তুই কাহ্ বল্লোই এ কধানি কোইয়োজ্? কাহ্ কধানি তঅ মুয়োত্তুন্ নিগিলি এচ্চ্যে?

ইয়োব 42:6

সেনত্তে মুই যিয়েনি কোইয়োং সিয়েনি ইক্কিনে ফিরেই নেযাঙর্, আর ধূল্যে আর ছেইয়ো ভিদিরে বোইনে আবিলেচ্ গরঙর্।”

গম্ উপদেজ্ 9:8

ঠাট্টা-ঈচ্ গুরিয়্যেবোরে দুষ্ দেগেই ন-দিচ্, দিলে তে তরে ঘিনেব; বরং জ্ঞানি মানুচ্চোরে তা দুষ্‌ছান দেগেই দে, তে তরে কোচ্‌পেব।

যিরমিয় 17:9

মনান্ বেগত্তুন্ বেশ ঠগ্, তারে কনঅ বাবদে গম্ গরা ন-যায়। কনজনে মান্‌‍‌‍‍জ্যর্ মনানি বুঝি ন-পারে।

মথি লেখ্যে গম্ হবর্ 16:23

যীশু ফিরিনে পিতররে কলঅ, “মঅ কায়-কুরেত্তুন দূর অ, শদান্। তুই মর্ পথ্তানর্ কাদা। যিয়েন গোজেনর্ সিয়েন তুই ন-ভাবর্ মাত্তর্ যিয়েন মান্‌জ্যর্ সিয়েন ভাবর্।”

মথি লেখ্যে গম্ হবর্ 26:33

সেক্কে পিতরে তারে কলঅ, “তরে নিইনে বেক্কুনো মনত্ মানা এলেয়ো মঅ মনত্ কনদিন্অ মানা ন-এবঅ।”

মথি লেখ্যে গম্ হবর্ 26:41

জাগি থাগঅ আর তবনা গরঅ যেন পোরোক্ষ্যেত্ ন-পড়অ। আত্মায় আওজ্ আঘে ঠিগ্, মাত্তর্ কিয়্যেদি বল্‌পোজ্যে।”

মথি লেখ্যে গম্ হবর্ 26:51

যিগুনে যীশু সমারে এলাক্ তারা ভিদিরে একজনে তা ছুরিগান্ নিগিলেল আর তা দাঙর্ ধর্মগুরুবোর্ চাগরর্ এক্কান্ কান্ কাবি ফেলেল।

লূকে লেখ্যে গম্ হবর্ 9:54

সিয়েন্ দেগিনে তা শিচ্চ্য যাকোব আর যোহনে কলাক্, “প্রভু, তুই কি চাজ্ যে, এলিয় ধোক্ক্যেন্ আমি ইগুনোরে ভস্ত গুরিবাত্তে স্বর্গত্তুন্ আগুন লামি এবাত্তে কবং?”

লূকে লেখ্যে গম্ হবর্ 9:56

সে পরেদি তারা অন্য আদামত্ গেলাক্।

যোহন 16:9

তে পাপ পৌইদ্যেনে চেতনা দিবো, কিয়া মানুচ্চুনে মঅ উগুরে বিশ্বেজ্ ন-গরন্;

যাকোব 3:10

আমা একই মুয়োদি বাঈনী গরানা আর অভিশাব্ নিগিলি এজে। মর্ ভেইয়ুন্, এবাবোত্যে অনা উচিত্ নয়।

১ পিতর 3:9

অন্যেয়র্ বদলে কার উগুরে অন্যেয় ন-গোজ্জ্য বা কেঅ গেইল্‌ দিলে তারে ফিরেইনে গেইল্‌ ন-দুয়ো, বরং তারাত্যে বর্ মাখ্য; কিয়া আশিদ্‌বাদ পেবাত্যে গোজেনে তমারে ডাক্ক্যে।

ফগদাং পেইয়্যে 3:19

মুই যিগুনোরে কোচ্‌পাং সিগুনোরে দুষ্ দেগেই দুয়োং আর শাসন গরং। সেনত্যে এ অবস্থাত্তুন্ মনানি ফিরেবাত্যে আওজি অং।