লূকে লেখ্যে গম্ হবর্ 9:52 - Chakma Bible

⁵² তে আগে ধুরি সিধু মানুচ্চুনোরে পাধেই দিলো। তারা যীশুত্তে বেক্ বেবস্থাগানি গুরিবাত্তে শমরিয়গুনোর এক্কান্ আদামত্ সোমেলাক্,

লূকে লেখ্যে গম্ হবর্ 9:52 ပူးပေါင်းရင်းမြစ်များ

মালাখি 3:1

বেগত্তুন খেমতাবলা লগেপ্রভু কত্তে, “চঅ, মুই মর্ হবর্ কোইয়্যেবোরে পাদাঙর্; তে মঅ আগেদি যেইনে পধ্‌তান যুক্কোল্ গুরিবো। সে পরেদি যে প্রভুত্তে তুমি বাজ্জেই আগঅ তে অদাদৎ তা ঘরত্ এবঅ; সুদোম কামত্ সেই দূত্‌তো, যিবেরে তুমি চর্, তে এজের্।”

মথি লেখ্যে গম্ হবর্ 10:5

যীশু সেই বারজনরে এই বেক্ উগুমানি দিইনে পাধেল, তুমি অযিহূদীগুনো ইধু বা শমরীয়গুনোর্ কনঅ আদামত্ ন-যেয়ো,

লূকে লেখ্যে গম্ হবর্ 10:1

ইয়েনর্ পরেদি প্রভু যীশু আরঅ সত্তুর্‌জন শিচ্চ্যরে প্রচারত্ পাধেবাত্তে বেঈ নেযেল। তে নিজে যে আদামত্ আর যে জাগাত্ যেবঅ বিলি ঠিগ্ গোজ্যে সেই বেক্ জাগানিত্ যেবার্ আগেদি শিচ্চ্যগুনোরে দ্বিজন্ দ্বিজন্ গুরি পাধেই দিলো।

লূকে লেখ্যে গম্ হবর্ 10:33

সে পরেদি শমরিয় রেজ্যর্ এক্কো মানুচ্অ সেই পথ্‌তানদি যাদে যাদে উ মানুচ্চোর্ কায়কুরে এলঅ। তারে দেগিনে তার্ মেয়্যে অলঅ।

লূকে লেখ্যে গম্ হবর্ 17:11

যিরূশালেমত্ যেবার্ পধত্ যীশু শমরিয়া আর গালীল ভিদিরেদি যার্।

লূকে লেখ্যে গম্ হবর্ 7:27

যোহনে সেই মানুচ্চো যিবে পৌইদ্যেনে পবিত্র বোইবোত্ লেগা আঘে, ‘চাহ্, মুই তঅ আগেদি মঅ হবর্ কোইয়্যেবোরে পাদাঙর্। তে তঅ আগেদি যেইনে তঅ পথ্‌তান্ যুক্কোল্ গুরিবো।’

যোহন 4:4

গালীলোত্ যেবার্ সময় তাত্তুন্ শমরিয়া রেজ্য ভিদিরেদি যাহ্ পড়িলো।

যোহন 4:5

তে শুখর নাঙে শমরিয়ার্ এক্কান্ আদামত্ লুমিলো। যাকোবে তা পুয়ো যোষেফরে যে ভূইয়ান দান গোজ্যে এ আদামান্ এলঅ সিয়েন কায়-কুরে।

যোহন 4:9

সেই শমরীয় মিলেবো তারে কলঅ, “মুই দঅ শমরীয় মিলে। তুই যিহূদী ওইনে কেধোক্ক্যেন্ গুরি মত্তুন্ পানি মাগর্?” মিলেবো এ কধাগান্ কলঅ কিয়া যিহূদী আর শমরীয়গুনো ইধু উদোন্-বজন্ ন-এলঅ।

যোহন 8:48

সেক্কে যিহূদী নেতাগুনে যীশুরে কলাক্, “আমি কি ঠিগ্ ন-কোই, তুই এক্কো শমরীয় আর তরে ভুদে পেইয়্যে?”