লূকে লেখ্যে গম্ হবর্ 9:5 - Chakma Bible

⁵ যুনি মান্‌জ্যে তমারে মানি ন-লন্ সালে তারা আদামান্ ফেলে যেবার্ অক্তত্ তমা টেঙর্ ধূল্যেগানি ঝাড়ি ফেলঅ, যেন সিয়েন্ তারার্ বিরুদ্ধে সাক্ষ্য ওই থায়।”

লূকে লেখ্যে গম্ হবর্ 9:5 ပူးပေါင်းရင်းမြစ်များ

নহিমিয় 5:13

মঅ পোজাক্‌কানর্‌ মুজুঙোন্দিগান্‌ মুই ঝাড়িনে কলুঙ্‌, “যিগুনে এ সমক্‌কান্ রোক্ষ্যে ন-গুরিবাক্‌ গোজেনে তারারে পত্তিজনরে তারার্‌ ঘরানি আর সোম্বোত্তিত্তুন্‌ এধোক্কেন্‌ গুরিনে ঝাড়ি ফেলেব। এবাবোত্যে মানুচ্চুনোরে এধোক্কেন্‌ গুরিনে ঝাড়ি ফেলা অবঅ আর তারার্‌ বেক্কানি শেজ্‌ গরা অবঅ।” এ কধানি শুনিনে বেক্‌ মানুচ্চুনে কলাক্‌, “আমেন,” আর তারা লগেপ্রভুর বাঈনী গুরিলাক্‌। মুরুব্বী মানুচ্চুনে তারার্‌ শমক্‌ অনুসারে কাম্‌ গুরিলাক্‌।

মথি লেখ্যে গম্ হবর্ 10:18

মত্তেই শাসনগুরিয়্যে আর রাজাগুনো মুজুঙোত্ তমারে নেযা অবঅ যেন তারা ইধু আর অযিহূদীগুনো ইধু তুমি স্বাক্ষি দি পারঅ।

মার্ক 6:11

কনঅ জাগার্ মানুচ্ যুনি তমারে মানি ন-লন্ বা তমা কধা ন-শুনোন্, সালে সে জাগায়ান্ ফেলে যেবার অক্তত্ তমা টেঙর্ ধূল্যেগানি ঝাড়ি ফেলেয়ো যেন সিয়েনই তারা বিরুদ্ধে সাক্ষি অয়।”

মার্ক 9:37

“যে কেঅ মঅ নাঙে ইবে ধোক্ক্যেন্ কনঅ চিগোন্ চিজিবোরে মঅ নাঙে ভালেদি জানায় তে মরে ভালেদি জানায়, আর যে মরে ভালেদি জানায় বানা মরে নয় মাত্তর্ যিবে মরে পাধেয়্যে তারেয়ো ভালেদি জানায়।”

লূকে লেখ্যে গম্ হবর্ 10:16

যীশু তা শিচ্চ্যগুনোরে কলঅ, “যিগুনে তমা কধানি শুনোন্ তারা মঅ কধায়ো শুনোন্। যিগুনে তরে এলাফেলা গরন্ তারা মরেয়ো এলাফেলা গরন্। যিগুনে মরে এলাফেলা গরন্, যিবে মরে পাধেয়্যে তারা তারেই এলাফেলা গরন্।”

লূকে লেখ্যে গম্ হবর্ 5:14

যীশু তারে এ উগুমান্ দিলো, “এ কধাগান্ কাররে ন-কোচ্ বরং ধর্মগুরুগুনো ইদু যেইনে নিজোরে দেগা। সে পরেদি সিজি অনা পৌইদ্যেনে মোশি যিয়েনি উৎসর্ব গুরিবার্ উগুম্ দিয়্যে সিয়েনি উগুম্ গর্। সেক্কে মানুচ্চুনো ইদু প্রমাণ অবদে তুই গম্ ওই যেইয়োচ্।”

লূকে লেখ্যে গম্ হবর্ 9:4

যে ঘরত্ তুমি সোমেবা সেই শঅরান্ ন-ছাড়ানা সং সেই ঘরানত্ থেয়ো।

লূকে লেখ্যে গম্ হবর্ 9:48

সে পরেদি তে তারারে কলঅ, “যে কেঅ মঅ নাঙে এ চিগোন্ চিজিবোরে ভালেদি জানায় তে মরে ভালেদি জানায়। যে মরে ভালেদি জানায়, যিবে মরে পাধেয়্যে তে তারেয়ো ভালেদি জানায়। তমা ভিদিরে বেগত্তুন্ যে চিগোন্, তেয়ই দাঙর্।”

প্রেরিত্‌ 13:51

সেক্কে পৌল আর বার্ণবা সেই মানুচ্চুনো বিরুদ্ধে তারার্ টেঙর্ ধূল্যেগানি ঝাড়িনেই ইকনিয় শঅরত্ গেলাক্‌‌কোই।

প্রেরিত্‌ 18:6

মাত্তর্ যিহূদীগুনে যেক্কে পৌল বিরুদ্ধে কধা কোইনে তারে অগমান্ গরা ধুরিলাক্ সেক্কে পৌলে তারা বিরুদ্ধে তা কাবড়-চুগোড়ানি ঝাড়ি ফেলেল আর কলঅ, “তমা লো-গানির্ দায় তমা নিজো মাধা উগুরে থোক্। এ পৌইদ্যেনে মর্ কনঅ দুষ্ নেই। ইক্কেত্তুন্ ধুরি মুই অযিহূদীগুনো ইধু যেম্।”