লূকে লেখ্যে গম্ হবর্ 9:32 - Chakma Bible

³² পিতর আর তা সমাজ্যেগুনে সে অক্তত্ অমকদ ঘুম্ যাদন্। তারা জাগি উদিনে যীশুর মহিমাগান্ দেগিলাক্ আর তা সমারে থিয়্যেইয়্যে সেই দ্বিজন্ মান্‌জ্যরেয়ো দেগিলাক্।

লূকে লেখ্যে গম্ হবর্ 9:32 ပူးပေါင်းရင်းမြစ်များ

যিশাইয় 60:19

দিনো অক্তত্ বেলান পহ্‌র আর দরকার ন-অবঅ,‌‌‌‌‌‌‍‍ চানানর্ জোল্‌জোল্যে পহ্‌রান তর্ ন-লাগিবো,‌‌‌‌‌‌‍‍‌‌‌‌‌‌‍‍ কিত্তে লগেপ্রভুই অবঅ তর্ জিংকানিবরর্ পহ্‌‌‌‌‌‌‌‍র,‍ আর তর্ গোজেনে অবঅ তর্ সয়সাগোজ্যে।

দানিয়েল 10:9

সে পরেদি মুই সেই মানুচ্চোর কধা শুনিলুং আর তা কধানি শুনোনার লগে লগে মুই অজ্ঞান ওইনে মাদিত্ মাঢা নিগিরি পড়িলুং।

দানিয়েল 8:18

তে যেক্কেনে মঅ লগে কধা কর্ সেক্কে মুই মাঢা নিগিজ্যে অবস্থায় অজ্ঞান ওই পড়ি গেলুং। তে মরে ধুরিনে টেঙোই ভর্ দিইনে থিয়্যেবাত্তে দিলো।

মার্ক 14:40

সে পরেদি তে তা শিচ্চ্যগুনো ইধু ফিরি এইনে দেগিলো তারা ঘুমোত্ পোজ্যন্, কিয়া তারা এদক্ অঘোর্ ঘুমোত্ যে চোগ্‌কুন্ খুলি ন-পারদন্। শিচ্চ্যগুনে যীশুরে কি জোব্ দিবাক্ ভুলি যেয়োন্দোই।

যোহন 1:14

সে কধাগানই মানুচ্‌ ওইনে জর্মেল আর আমা ভিদিরে বজত্তি গুরিলো। বাবা গোজেনর্ বানা এক্কো গুরি পুয়ো ইজেবে তার্ যে মহিমা সে মহিমাগান্ আমি দেক্ক্যেই। তে দোয়্যে আর সত্যলোই ভরা।

যোহন 17:24

“বাবা, মুই চাং যিগুনোরে তুই মরে দুয়োচ্, মর্ মহিমাগান্ চেবাত্যে তারা যেন মুই যিধু আঘং সিধু মঅ সমারে থেই পারন্। সেই মহিমাগান্ তুয়ই মরে দুয়োচ্, কিয়া পিত্‌থিমীগান্ সৃট্টি অবার্ আগেত্তুন্ ধুরি তুই মরে কোচ্‌পেইয়োচ্।

২ পিতর 1:16

আমা প্রভু যীশু খ্রীষ্টর খেমতা আর তার্ এযানা পৌইদ্যেনে তমারে জানেবাত্যে যেইনে আমি কনঅ বানেইয়্যে কিত্ত্যে ন-কোই; আমি তার মহিমাগান নিজো চোগেদি দেক্ক্যেই।

১ যোহন 3:2

পরাণর্ পুয়ো-ছাগুন, ইক্কিনে আমি গোজেনর্ পুয়ো, মাত্তর্ যেরেদি কি অবং সিয়েন এজঅ ফগদাং ন-অয়। মাত্তর্ আমি কোই পারিই, খ্রীষ্ট যেক্কে ফগদাং অবঅ সেক্কে আমি তা ধোক্ক্যেন অবং, কিয়া তে আজলে যেধোক্ক্যেন, সেই চেঙেরালোই আমি তারে দেগিবোং।