লূকে লেখ্যে গম্ হবর্ 9:29 - Chakma Bible

²⁹ তবনা গুরিবার্ অক্তত্ যীশুর মুয়ো চেঙারাগান্ বুদুলী গেলঅ আর তা কাবড়-চুগোড়ানি অমকদ ধুব্ ওই গেলঅ,

লূকে লেখ্যে গম্ হবর্ 9:29 ပူးပေါင်းရင်းမြစ်များ

যিশাইয় 33:17

তঅ চোগ্‌কুনে রাজারে তার সয়সাগর ভিদিরে দেগিবাক্, আর দেগিবাক্ এমন্ এক্কান দেজ্ যিয়েনর দুযি বোউত্ দাঙর্।‌‌‌

যিশাইয় 53:2

তে তা মুজুঙোত্ নরম চারা ধোক্ক্যেন, শুগুনো মাঢিত্ লাগেয়্যে গাজ ধোক্ক্যেন দাঙর্ অলঅ। তার এ ধোক্ক্যেন দোল্ বা সয়সাগজ্যে নেই যে, তান্দি আমি ফিরি চেই; তা চেঙারাগান এমন্ দোল্ নয় যে, আমারে আকর্ষন গুরি পারে।

মথি লেখ্যে গম্ হবর্ 17:2

তারা দেগিলাক্ যীশুর চেয়ারাগান্ বুদুলি গেলঅ। তা মুয়োন্ বেলান ধোক্ক্যেন্ জ্বোল্‌জোল্যে আর তা কাবড়ান্ অমকদ ধুব্ ওই গেলঅ। সে পরেদি তারা তিনজন শিচ্চ্যই মোশি আর এলিয় যীশু লগে কধা কধে দেগিলাক্।‍

মার্ক 16:12

ইয়েনর্ পরেদি তার্ দ্বিজন্ শিচ্চ্য যেক্কে আঢি আঢি আদাম ইন্দি যাদন্ সেক্কে যীশু অন্য বাবোত্যে চেয়ারায় তারারে দেগা দিলো।

লূকে লেখ্যে গম্ হবর্ 3:21

যিদুক্কুন্ মানুচ্ যোহন ইধু এচ্চ্যন্ তারা বাপ্তিষ্ম লবার্ অক্তত্ যীশুয়ো বাপ্তিষ্ম ললঅ। বাপ্তিষ্মর্ পরেদি যীশু যেক্কে তবনা গরের্ সেক্কে আগাচ্চান্ খুলি গেলঅ।

লূকে লেখ্যে গম্ হবর্ 5:16

যীশু পেরায় মানুচ্ জন নেইয়্যে জাগাত্ যেইনে তবনা গুরিদো।

লূকে লেখ্যে গম্ হবর্ 6:12

ইয়েনর্ পরেদি যীশু তবনা গুরিবাত্তে এক্কো মুড়োত্ গেলঅ আর গোদা রেত্তো গোজেন ইধু তবনা গুরিনে কাদেল।

লূকে লেখ্যে গম্ হবর্ 9:18

একদিন্যে যীশু এক্কান্ নিরিবিলি জাগাত্ গায় গায় তবনা গরের্। তা সমারে বানা তা শিচ্চ্যগুনে এলাক্। তে তারারে পুযোর্ গুরিলো, “মুই কন্না, এ পৌইদ্যেনে মানুচ্চুনে কি কন্?”

লূকে লেখ্যে গম্ হবর্ 9:30

অঢাদত্ দ্বিজন্ মান্‌জ্যরে তা লগে কধা কধে দেগা গেলঅ। সেই দ্বিজন্ অলাক্ মোশি আর এলিয়।

যোহন 1:14

সে কধাগানই মানুচ্‌ ওইনে জর্মেল আর আমা ভিদিরে বজত্তি গুরিলো। বাবা গোজেনর্ বানা এক্কো গুরি পুয়ো ইজেবে তার্ যে মহিমা সে মহিমাগান্ আমি দেক্ক্যেই। তে দোয়্যে আর সত্যলোই ভরা।

প্রেরিত্‌ 6:15

যিগুনে সেই দাঙর্ তেম্মাঙত্ বৈঈ এলাক্ তারা বেক্কুনে সেক্কে স্তিফান ইন্দি রিনি চেলাক্, তা মুয়োন এক্কো স্বর্গদূতো মুয়ো ধোক্ক্যেন্ ওই যেইয়্যে।

ফগদাং পেইয়্যে 20:11

সিয়েন পরেদি মুই এক্কান দাঙর্ ধুব্ সিংহাসন আর সিয়েন উগুরে একজনরে বৈ থাগদে দেগিলুং। তা মুজুঙোত্তুন্ পিত্‌থিমীগান আর আগাজ্‌চান ধেই গেলঅ, তারার্ জাগায়ান আর কনমিক্ক্যে ন-থেলঅ।