লূকে লেখ্যে গম্ হবর্ 9:24 - Chakma Bible

²⁴ যে কেঅ তা নিজোত্তে বাঁজি থেদঅ চায় তে তার জিংকানিগান্ ঘেচ্চেক্‌‍‍‍গুরি আরেব; মাত্তর্ যে মত্তে তা পরাণান্ আরায় তে তার জিংকানিগান্ ঘেচ্চেক্‌গুরি রোক্ষ্যে পেবঅ।

লূকে লেখ্যে গম্ হবর্ 9:24 ပူးပေါင်းရင်းမြစ်များ

উপদেশক 3:6

তোগেইনে পেবার্ সময় আর আরেবার্ সময়, রাগেবার্ সময় আর ফেলেই দিবার্ সময়,

মথি লেখ্যে গম্ হবর্ 10:39

যে কনজনে নিজোর্ জিংকানিগান্ রোক্ষ্যে গুরিবাত্তে চায় তে তার্ ঘেচ্চেক্‌গুরি জিংকানিগান্ আরেব; মাত্তর্ যে কনজনে মত্তে তা পরাণান্ আরায় তে তার্ ঘেচ্চেক্‌গুরি জিংকানিগান্ রোক্ষ্যে গুরিবো।

লূকে লেখ্যে গম্ হবর্ 17:33

যে কেঅ তার্ জিংকানিগান্ রোক্ষ্যে গুরিবাত্তে চেষ্টা গরে তে তার্ ঘেচ্চেক্‌‍‍‍গুরি জিংকানিগান্ আরেব, আর যে কেঅ তা পরাণান্ আঝাই তে তার ঘেচ্চেক্‌‍‍‍গুরি জিংকানিগান্ রোক্ষ্যে গুরিবো।

যোহন 12:25

যে নিজো পরাণানরে বেশ্ কোচ্‌পায় তে তার্ ঘেচ্চেক্‌গুরি জিংকানিগান্ আরায়, মাত্তর্ যে এ জগদত্ সিয়েন্ ন-গরে তে তার্ ঘেচ্চেক্‌গুরি জিংকানিগান্ উমরত্যে রোক্ষ্যে গুরিবো।

ইব্রীয় 11:35

মিলেগুনে তারার্ মরা মানুচ্চুনোরে আরঅ জেদা অবস্থায় ফিরি পেইয়োন। অন্যগুনে নিজোর্ আওজ্ মজিম জেলোত্তুন্ ছড়ান্ পেলেয়ো আর দুঘোত্ ভুগ্‌কোন, যেনে তারা মরণত্তুন্ জেদা ওইনে আরঅ গম জিংকানির্ অধিকারী অন্।

ফগদাং পেইয়্যে 12:11

ভেড়া-ছবোর্ লো আর নিজোর সাক্ষ্যলোই তারা তারে অদেই দুয়োন। তারা নিজোরে বেশ্ কোচ্‌ ন-পান্ বিলিনে তারার্ জিংকানিগানি দিবাত্যে তারা রাজী এলাক্।

ফগদাং পেইয়্যে 2:10

তুই যেদক্কানি দুঘ্ ভুগিবাত্যে যর্ সিয়েনিত্যে এক্কেনায়ো ন-দোরেচ্। শুনো, শদানে তমাত্তুন্ কয়েকজনরে যগা চেবাত্যে জেলোত্ দিবো, আর দশ দিন সং তুমি দুঘ্ পেবা। তুই মরণ সং বিশ্বেজি থেইচ্, সালে জিদেনার্ মালা ইজেবে মুই তরে জিংকানি দিম।