লূকে লেখ্যে গম্ হবর্ 9:22 - Chakma Bible

²² তে তারারে আরঅ কলঅ, মান্‌জ্য পুয়োবোত্তুন্ বোউত্ দুঘ্ ভুগো পড়িবো। বুড়ো নেতাগুন, আজল্ ধর্মগুরুগুন আর ধর্ম-মাষ্টরুনে তারে এলাফেলা গুরিবাক্। তারে মারে ফেলা অবঅ আর তিন দিনোত্ তারে মরণত্তুন্ জেঈ উদো পড়িবো।

লূকে লেখ্যে গম্ হবর্ 9:22 ပူးပေါင်းရင်းမြစ်များ

পত্থম 3:15

মুই তর্ আর মিলেবো ভিদিরে আর তর্ বংশ আহ্ মিলেবোরে দিইনে অবাক্কে বংশগুনো ভিদিরে শত্রুতা গুরি দিম। সেই বংশর একজনে তঅ মাঢাবো নিগুজ্ গুরি দিবো আর তুই তা টেংঅ মুরিত্‌ খুদিবে।”

দানিয়েল 9:26

বাষট্টি গুণ সাত বজর্ পরেদি মশীহরে মারে ফেলা অবঅ আর তার্ কিচ্ছু ন-থেবঅ। অন্য এক্কো শাজন্‌গুরিয়্যে এবঅ আর তা মানুচ্চুনে এইনে শঅরর্ আর উবোসনা-ঘরান ভস্ত গুরিবো। শেজদি পানিবান সময় এবঅ, যেরেদি যুদ্ধো চলিবো আর ভস্তর্ পর ভস্ত ঠিগ্ গুরি রাগা আঘে।

সখরিয় 13:7

বেগত্তুন্ খেমতাবলা লগেপ্রভু কত্তে, “ও লাম্বা ছুরিগান্, তুই মঅ গরগ্‌‌‌‌‌কোর্ বিরুদ্ধে, মঅ সমারে মানুচ্চুনোর্ বিরুদ্ধে, জাগি উদ্। গরগ্‌‌‌‌‌‌কোরে আঘাত্ গর্, সেক্কে ভেড়াগুন ছিদি পড়িবাক্; মুই ভেড়া ছঅগুনো বিরুদ্ধেয়ো মঅ আঢ্‌‌‌‌‌‌তানি তুলিম।

মথি লেখ্যে গম্ হবর্ 17:12

মাত্তর্ মুই তমারে কঙর্, এলিয় লুম্মেগি আর মান্‌জ্যে তারে চিনি ন-পারন্। মানুচ্চুনে তা উগুরে যিয়েন আওজ্ সিয়েনই বেবহার গোজ্যন্। এবাবোত্যেগুরি মান্‌জ্য পুয়োবোরেয়ো মানুচ্চুনো আঢত্ দুঘ্ ভুগো পড়িবো।”

মথি লেখ্যে গম্ হবর্ 17:22

যেক্কে গালীলোত্ বেক শিচ্চ্যগুনে এগত্তর্ ওইয়োন, যীশু তারারে কলঅ, “মান্‌জ্য পুয়োবোরে মান্‌জ্য আঢত্ ধুরি দিয়্যে অবঅ।

মথি লেখ্যে গম্ হবর্ 27:63

“বাবু, আমাত্তুন্ ইদোত্ উদের্, সেই ঠোগেয়্যেবো বাঁজি থাগদে কোইয়্যেদে, ‘মুই তিন্ দিন পরেদি জেদা ওই উদিম্।’

মার্ক 8:31

পরেদি যীশু তা শিচ্চ্যগুনোরে ইয়েন কোইনে শিক্ষ্যে দিয়্যে ধুরিলো, মান্‌জ্য পুয়োবোত্তুন্ বোউত্ দুঘ্ পাহ্ পুড়িবো। বুড়ো নেতাগুনে, বেগ দাঙর্ ধর্মগুরুগুনে আর ধর্ম মাষ্টরুনে তারে এলাফেলা গুরিবাক্। তারে মারে ফেলা অবঅ আর তিন দিন পরে তারে মরণত্তুন্ আরঅ জেঈ উদো পুড়িবো।

মার্ক 9:31

কিয়া সেক্কে তে তা শিচ্চ্যগুনোরে শিক্ষ্যে দের্। তে তারারে কোইয়্যেদে, “মান্‌‌‍জ্য পুয়োবোরে মানুচ্চুনো আঢত্ ধুরি দিয়্যে অবঅ। তারা তারে মারে ফেলেবাক্ আর তিন দিনোত্ তে জেঈ উদিবো।”

লূকে লেখ্যে গম্ হবর্ 17:25

মাত্তর্ পত্তমে তাত্তুন্ বোউত্ দুঘ্ ভুগো পুরিবো। সিয়েন বাদে একালর্ মানুচ্চুনে তারে এলাফেলা গুরিবাক্।

লূকে লেখ্যে গম্ হবর্ 24:26

এ দুঘ্ ভুগ্ গুরিনে কি মশীহর্ মহিমা লাভ গুরিবার্ কধা ন-এলঅ?”

লূকে লেখ্যে গম্ হবর্ 24:44

সিয়েন পরেদি তে তারারে কলঅ, “মুই যেক্কে তমা সমারে এলুং সেক্কে কোইয়োং, মোশির আইন-কানুনোত্, ভাববাদীগুনোর লেগাত্ আর গীতসংহিতা ভিদিরে মঅ পৌইদ্যেনে যে যে কধানি লেগা আঘে সিয়েনি বেক্কানি পূরোণ্ উয়ো পুরিবো।”

লূকে লেখ্যে গম্ হবর্ 24:7

তে কোইয়্যেদে, মান্‌জ্য পুয়োবোরে পাপী মানুচ্চুনো আঢত্ ধুরি দিয়্যে অবঅ। সে পরেদি তারে ক্রুশোত্ দিয়্যে অবঅ আর তিন দিনোত্ তাত্তুন্ আরঅ জেদা ওই উদো পুরিবো।”

লূকে লেখ্যে গম্ হবর্ 9:44

“মুই কি কোইয়োং এ কধাগান্ ভুলি ন-যেইয়ো, মান্‌জ্য পুয়োবোরে খেমতাবলা মানুচ্চুনো আঢত্ ধুরি দিয়্যে অবঅ।”

১ করিন্হীয় 15:4

তারে গোর্ দিয়্যে ওইয়্যে, পবিত্র বোইবোর্ কধা মজিম তিন দিনোত্ তারে মরাত্তুন্ জেদা গরা ওইয়্যে,

১ পিতর 1:11

তারা মনত্ খ্রীষ্টর আত্মাগানে আগেদি সাক্ষ্য দিইনে কোইয়্যেদে যে, খ্রীষ্টর দুঘ্ ভুগো পরিবো আর সে পরেদি তে মহিমা পেবঅ। ভাববাদীগুনে জানিবাত্যে চেইয়োন খ্রীষ্টর্ সেই আত্মাগানে কন্‌ সময়োত্ আর কন্‌ অবস্থার কধা তারারে জানার্।