লূকে লেখ্যে গম্ হবর্ 9:12 - Chakma Bible

¹² যেক্কে বেলান্ ডুবেল্লোই সেক্কে সেই বারজন শিচ্চ্য এইনে যীশুরে কলাক্, যীশু তারারে কলঅ, “আমি যিয়েনত্ আগিই সিয়েন্ এক্কান্ নিরিবিলি জাগা। সেনত্তে এ মানুচ্চুনোরে পাধেই দে যেন তারা কায়কুরে অাদামত্ আর খামার ঘরত্ যেইনে হানা আর থেবার্ জাগা তোগেই নেযেই পারন্।”

লূকে লেখ্যে গম্ হবর্ 9:12 ပူးပေါင်းရင်းမြစ်များ

যিহিষ্কেল 34:25

“‘মুই তারাত্তে ভালেদির্ এক্কান বেবস্থা থিদেবর্ গুরিম আর দেজত্তুন্ চিৎনপুজ্যে য়েমানুনোরে শেজ্ গুরিম যেনে তারা গমেডালে ধূল্যেচর-চাগালাত্ বজত্তি গত্তে আর ঝার-জংগলত্ ঘুমেই পারন্।

হোশেয় 13:5

ধূল্যেচর-চাগালাত্, অমকদ শুগুনো দেজত্ মুয়ই তরে দেগাশুনো গোজ্যং।

মথি লেখ্যে গম্ হবর্ 14:13

যোহনর্ মরাণার্ হবর্ শুনিনে যীশু গায় গায় সিয়েনত্তুন্ নৌকোত্ গুরিনে মানুচ্ নেইয়্যে জাগাত্ গেলঅ। মানুচ্চুনে সে কধাগান্ শুনিনে নানান্ আদামত্তুন্ টেঙোই আঢিনে তা পিজে পিজে যাহ্ ধুরিলাক্।

মথি লেখ্যে গম্ হবর্ 15:23

মাত্তর্ যীশু তারে এক্কান্ কধায়ো ন-কলঅ। সেক্কে তা শিচ্চ্যগুনে এইনে তারে কোজোলী গুরি কলাক্, “তারে বিদেয় গুরি দুয়ো, কিয়া তে আমা পিজে পিজে রঅ ছাড়ের্।”

মথি লেখ্যে গম্ হবর্ 15:32

ইয়েনর্ পরেদি যীশু তা শিচ্চ্যগুনোরে ডাগিনে কলঅ, “এ মানুচ্চুনোত্তে মর্ মেয়্যে লাগের্, কিয়া এচ্চ্যে তিন দিন অলঅ ইগুনে মঅ লগে লগে আগন্, আর ইগুনো ইধু কনঅ হানা নেই। এ অবস্থায় মুই ইগুনোরে বিদেয় দিবাত্তে ন-চাং; অয়ত বা তারা পদথ্ অজ্ঞান্ ওই পড়িবাক্।”

লূকে লেখ্যে গম্ হবর্ 9:11

সেই হবরান্ হবর্ পেইনে বোউত্ মানুচ্ যীশু পিজে পিজে গেলাক্। তে সেই মানুচ্চুনোরে মানি ললঅ আর তারা ইধু গোজেন রেজ্যর্ কধা কলঅ। ইয়েনি বাদেয়ো যিগুনোর্ গম্ অবার্ দরকার এলঅ তে তারারে গম্ গুরিলো।

লূকে লেখ্যে গম্ হবর্ 9:13

যীশু তারারে কলঅ, “তুমি নিজেই তারারে কিজু হেবাত্তে দুয়ো।” তারা কলাক্, “মাত্তর্ আমা ইধু বানা পাচ্চান্ রুটি আর দ্বিবে মাছ বাদে আর কিচ্ছু নেই। বানা আমি যুদি যেইনে এই বেক্ মানুচ্চুনোত্তে হানা কিনি আনি পারিদোং সেক্কে তে তারারে হাবেই পারিদোং।”

যোহন 6:1

ইয়েন পরেদি যীশু গালীল সাগরর্ উকুলে গেলঅ। এ সাগরানরে তিবিরিয়া সাগর-অ কুয়ো অয়।

ফিলিপীয় 1:19

কিয়া মুই কোই পারং, মঅ উগুরে যিয়েন ঘোট্যে সিয়েনর্ শেষ্ ফল অবঅ মর্ উদ্ধোর্; আর সিয়েন তমার তবনালোই আর যীশু খ্রীষ্টর্ আত্মার সাহায্যলোই অবঅ।