লূকে লেখ্যে গম্ হবর্ 8:47 - Chakma Bible

⁴⁷ সে মিলেবো যেক্কে দেগিলো তে ধরা পোজ্যে সেক্কে গির্‌গিরেদে গির্‌গিরেদে যীশু মুজুঙোত্ তে মাঢা নিগিরি পড়িলো। যেরেদি বেক্কুনো মুজুঙোত্ তে যীশুরে কলঅ কিত্তে তে তারে ধোজ্যে, আর কেধোক্ক্যেন্‌গুরি তে সেক্কে গম্ ওইয়্যে।

লূকে লেখ্যে গম্ হবর্ 8:47 ပူးပေါင်းရင်းမြစ်များ

গীতসংহিতা 2:11

ভোক্তি গুরিনে তুমি লগেপ্রভুর সেবা গরঅ, দর্‌বুগ্ লাক্ক্যে মনানিলোই ফুত্তি গরঅ,

গীতসংহিতা 38:9

ও প্রভু, মর্ বেক্ চাওয়া-পাওয়াগানি তর্ জানা আঘে; মর্ লাম্বা ভঅ নিজেচ্চুন তত্তুন্ লুগেই তবার্ নেই।

গীতসংহিতা 66:16

তুমি যিগুনে গোজেনরে ভোক্তি গরঅ তুমি বেক্কুনে এইনে শুনো; তে মত্তে যিয়েনি গোজ্যে সিয়েনি মুই তমারে কঙর্।

যিশাইয় 66:2

ইয়েনি বেক্কানি মুই নিজো আঢে বানেয়োং আর সেনত্তে ইয়েনি ওইয়্যে। যে মানুচ্চো নম্র, যিবের্ মনান্ ভাঙিনে চুর্‌‌মার্ ওইয়্যে আর যে মঅ কধালোই গির্‌‌‌গিরেই তারে মুই গম্ চোগেদি চেম্।

হোশেয় 13:1

ইফ্রয়িমে কধা কলে মান্‌‌‌‌জ্যে গির্‌‌‌‌গিরান; ইস্রায়েল গুট্টিগুনো ভিদিরে তে দাঙর্ ওইয়্যে। মাত্তর্ বাল দেবেদা পূজো গুরিবার দুষে দুষি ওইনে তে মোজ্যে।

হোশেয় 5:3

মুই ইফ্রয়িম পৌইদ্যেনে বেক্কানি হবর্ পাং; ইস্রায়েল মত্তুন্ লুগেয়্যে নেই। ইফ্রয়িম ইক্কিনে বেভিচের্ গরের্; ইস্রায়েল অসিজি ওই যেইয়্যে।

হবক্‌‌‌‌কূক 3:16

সেই রবো শুনিনে মুই গির্‌গিরে ধুরিলুং, মঅ ঠুট্‌টোয়ো গির্‌গিরে উদিলো; মুই বল্‌পোজ্যে ওই পড়িলুং আর মঅ টেঙানি গির্‌গিরে ধুরিলো। তো মুই সেদিন্নোত্যেই ধৈজ্জ্য ধুরিনে বাজ্জেই থেইম্ যেদিন্যে আমা আক্রমন গুরিয়্যেগুনো উগুরে দযা এবঅ।

মথি লেখ্যে গম্ হবর্ 28:8

সেই মিলেগুনে ঘেচ্চেকগুরি দোরেয়োন্, মাত্তর্ তো হুজিয়ে রাজিয়ে যাদিমাদি গোর ইত্তুন্ গেলাক্কোই আর যীশুর্ শিচ্চ্যগুনোরে এ হবরান্ দিবাত্তে ধাবা দিয়্যে ধুরিলাক্।

মার্ক 5:33

সে মিলেবোর্ যিয়েন্ ওইয়্যে সিয়েন্ বুঝিনে তে গির্‌গিরেদে গির্‌গিরেদে এইনে যীশুর্ টেঙত্ পড়িলো আর বেক্কানি জানেল।

লূকে লেখ্যে গম্ হবর্ 8:46

তো যীশু কলঅ, “মুই হবর্ পাং কেঅ মরে ধোজ্যন্, কিত্যে মুই বুঝি পারিলুং মঅ ভিদিরেত্তুন্ খেমতাগান নিগিলিলো।”

লূকে লেখ্যে গম্ হবর্ 8:48

সেক্কে যীশু সে মিলেবোরে কলঅ, “মা, তুই বিশ্বেজ্ গোজ্যস্ বিলি গম্ ওইয়োচ্। সুগে-শান্দিয়্যে যাহ্।”

প্রেরিত্‌ 16:29

সেক্কে সেই জেল-চুগিদার্‌বো একজনরে চেরাগ্ আনিবার্ কধা কোইনে নিজে ধাবা ধাবা ভিদিরে গেলঅ আর দরে গির্‌গিরেদে গির্‌গিরেদে পৌল আর সীল টেঙত্ পড়িলো।

১ করিন্হীয় 2:3

যেক্কে তমা ইধু এলুং সেক্কে মুই নিজোরে বল্-নেইয়্যে মনে গত্তুং আর দরে ভারী গির্‌গিরেদুং।

২ করিন্হীয় 7:15

তুমি বেক্কুনে যেধোক্ক্যেন গুরি দর্ আর সর্মান সমারে তারে মানি লোইনে বাধ্যতা দেগেয়ো, সিয়েন মনে গুরিনে তমা উগুরে তার্ কোচ্‌পানা আরঅ বাড়ি যেইয়্যে।

ফিলিপীয় 2:12

মর্ কোচ্‌পেইয়্যে ভেইয়ুন, তুমি দঅ নিত্য বাধ্য ওইনে আঘঅ। সেধোক্ক্যেন গুরিনে বানা মর্ থানার্ সময়োত্ নয়, মাত্তর্ বিশেষ গুরিনে ইক্কিনে মর্ ন-থানার্ সময়োত্‌অ তুমি ভোক্তি আর দোরেনেই তমার্ কামর্ মাধ্যমে দেগঅ যে, তুমি পাপত্তুন্ উদ্ধোর্ পেয়ো।

ইব্রীয় 12:28

সেনত্যে যে রেজ্যগানরে লাড়া ন-যায় আমি যেক্কে সে রেজ্যগান পেবাত্যে যের্ সেক্কে এজঅ, আমি গোজেন ইধু ভালেদি জানেই। সালে গোজেনে যেধোক্ক্যেন গুরি হুজি অয় সেধোক্ক্যেন গুরি আমি ভোক্তি আর দরে তার্ সেবা গুরি পারিবোং।

১ শমূয়েল 16:4

শমূয়েলে লগেপ্রভুর কধা মজিম কাম্‌ গুরিলো। তে যেক্কে বৈৎলেহমত্‌ আঝিল্ অলঅ সেক্কে আদামর্‌ বুড়ো মাই-মুরুব্বীগুনে দরে গির্‌গিরাদে গির্‌গিরাদে তার লগে দেগা গুরিবাত্তে এলাক্। তারা পুযোর্ গুরিলাক, “তুই কি শান্তির মনভাব লোইনে এচ্ছোস?”