লূকে লেখ্যে গম্ হবর্ 8:43 - Chakma Bible

⁴³ তারা ইত্তুন্ এক্কো মিলে বার বজর্ ধুরি মিলেপীড়েত্ ভুগের্। ডাক্তরুনো পিজেদি তে তার্ বেক্কুন্ খরচ্ গোজ্যে, মাত্তর্ কনজনে তারে গম্ গুরি ন-পারন্।

লূকে লেখ্যে গম্ হবর্ 8:43 ပူးပေါင်းရင်းမြစ်များ

২ বংশধর 16:12

আসার রাজাগিরির্‌ ঊনচোল্লিশ বজরত্‌ তা টেঙত্‌ এক্কান্‌ পিড়ে অলঅ। তার্‌ এ পিড়েগান্‌ অমকদ বেশ্‌ অলেয়ো তে লগেপ্রভুর বল্‌ ন-চেইনে বানা ডাক্তর সাহায্য নেযেল।

ইয়োব 13:4

তুমি দঅ বেক্কানি মিজে গুরিনে লিবি দুয়োর্‌; তুমি বেক্কুন অপদাত্ত ডাক্তর।

গীতসংহিতা 108:12

ও গোজেন, শত্রুগুনোর বিরুদ্ধে তুই আমারে বল্ দে, কিত্তে মান্‌জ্যর বল্ দেনার দঅ কনঅ দাম নেই।

যিশাইয় 2:22

তুমি মান্‌জ্য উগুরে নির্ভর্ গরানা ছাড়ি দুয়ো। মান্‌‌জ্যর পরাণান্ দঅ তা নাক্কোর্ এক্কো নিজেস্ বাদে আর্ কিচ্চু নয়; তার্ কনঅ দাম নেই।

মার্ক 12:44

সে মানুচ্চুনে তারার্ সয়সাগোজ্যে ধনত্তুন্ দান গোজ্যন্, মাত্তর্ এ মিলেবোর অভাব থেলেয়ো বাঁজি থেবাত্তে তার্ যিগুন্ এলাক্ বেক্কুন্ দি দিলো।”

মার্ক 9:18

যেক্কেনে আত্মাবো তারে আক্রমন গরে সেক্কে আযার্ মারিনে মাদিত্ ফেলায়। তা মুয়োত্তুন্ ফেনা নিগিলে আর তে দাত্ কামারায় আহ্ দরঅ ওই যায়। মুই তঅ শিচ্চ্যগুনোরে সেই আত্মাবোরে ধাবেই দিবাত্তে কলুং, মাত্তর্ তারা ন-পারিলাক্।”

লূকে লেখ্যে গম্ হবর্ 13:11

সিধু এমন্‌ এক্কো মিলে এলঅ যিবেরে এক্কো ভান্ন্যেই আত্মায় আদার বজর্ ধুরি অসুগোত্ ভুগোর্। তে গুজোং এলঅ আর এক্কুবারে উজু ওই ন-পারিদো।

লূকে লেখ্যে গম্ হবর্ 13:16

সালে অব্রাহাম বংশর্ এই যে মিলেবোরে আদার বজর্ ধুরিনে শদানে বানি থোইয়্যে, সেই বান্যেত্তুন্ জিরেবার্ দিনোত্ কি তারে উদ্ধোর্ গরানা উচিত নয়?

লূকে লেখ্যে গম্ হবর্ 8:27

তে যেক্কে নগানত্তুন্ লামিলো সেক্কে সিদুগো আদামর্ এক্কো মানুচ্ তাইধু এলঅ। সে মানুচ্চোরে ভালোক্কুন্ ভান্ন্যেই আত্মায় পেইয়্যে বিলি তে ভালোক্ দিন ধুরিনে কাবড়-চুগোড় ন-পিনিদো আর ঘরত্ ন-থেইনে চিদাখলাত্ থেদঅ।

লূকে লেখ্যে গম্ হবর্ 8:42

তে যীশুরে তা ঘরত্ এবাত্তে কোজোলী গরা ধুরিলো, কিয়া তার বার বোজোজ্যে এক্কোগুরি ঝি মরং মরং ওইয়্যে। যীশু যেক্কে যার্ সেক্কে মানুচ্চুনে তা চেরোকিত্তেদি ভিড়্ গুরিনে ঠেলাঠিলি গত্তন্।

লূকে লেখ্যে গম্ হবর্ 8:44

তে পিজেন্‌দিত্তুন্ যীশু ইধু এইনে তা কাবড় কণাবো ধুরিলো, আর সেক্কেনে লগে লগে তা পীড়েগান গম্ অলঅ।

যোহন 9:1

পধেদি যেবার্ অক্তত্ যীশু এক্কো কানা মান্‌জ্যরে দেগিলো। তে জর্মত্তুন্ ধুরি কানা এলঅ।

যোহন 9:21

মাত্তর্ কেধোক্ক্যেন্ গুরি তে ইক্কিনে দেগের্ সিয়েন্ আমি কোই ন-পারিই; আর কন্না যে তা চোগ্‌কুন্ মেলি দিয়্যে সিয়েন্-অ কোই ন-পারিই। তার বয়চ্ ওইয়ে, তারেই পুযোর্ গরঅ। তে নিজো পৌইদ্যেনে নিজেই হোক্।”

প্রেরিত্‌ 3:2

মানুচ্চুনে পত্তিদিন এক্কো মান্‌জ্যরে বুয়োই আনিনে উবোসনা-ঘরর দোল্ নাঙে দোরান কুরে থদাক্। তে জর্মত্তুন্ ধুরি লেং এলঅ। যিগুনে উবোসনা-ঘরত্ যেদাক্ তারা ইধু ভিক্ষ্যে মাগিবাত্যে তারে সিয়েনত্ থুয়ো অদঅ।

প্রেরিত্‌ 4:22

যে মানুচ্চো আমক্ অইদ্যে ধোক্ক্যেন গুরি গম্ ওইয়্যে তা বয়স্‌চান এলঅ চল্লিশ বজরত্তুন্অ বেশ্।