লূকে লেখ্যে গম্ হবর্ 8:37 - Chakma Bible

³⁷ সেক্কে গাদারীয়গুনো চাগালাত্ বেক্ মানুচ্চুনে যীশুরে তারাত্তুন্ যেবাত্তে কোজোলী গুরিলাক্, কিয়া তারা অমকদ দোরেয়োন্। সেক্কে যীশু ফিরি যেবাত্তে নত্ উদিলো।

লূকে লেখ্যে গম্ হবর্ 8:37 ပူးပေါင်းရင်းမြစ်များ

১ রাজাবলী 17:18

মিলেবো সেক্কে এলিয়রে কলঅ, “ও গোজেনর্ মানুচ্‌, মুই তর্‌ কি ক্ষতি গোজ্যং? তুই কি মরে মর্‌ পাপর্‌ কধাগান্‌ মনে গুরি দিবাত্তে আর মর্‌ পূঅবোরে মারে ফেলেবাত্তে এচ্ছোস্‌?”

মথি লেখ্যে গম্ হবর্ 8:34

সেক্কে আদামর বেক্ মানুচ্চুন নিগিলিনে যীশু লগে দেগা গুরিবাত্তে গেলাক্। যীশু লগে দেগা অনার্ পরেদি তারা তারে কোজোলী গুরিলাক্ যেন তে তারার্ চাগালাগান্ ছাড়ি যায়।

মার্ক 5:17

ইয়েন্দোই মানুচ্চুনে যীশুরে কোজোলী গরা ধুরিলাক্ যেন তে তারার্ চাগালাগান্ ছাড়ি যায়।

লূকে লেখ্যে গম্ হবর্ 10:16

যীশু তা শিচ্চ্যগুনোরে কলঅ, “যিগুনে তমা কধানি শুনোন্ তারা মঅ কধায়ো শুনোন্। যিগুনে তরে এলাফেলা গরন্ তারা মরেয়ো এলাফেলা গরন্। যিগুনে মরে এলাফেলা গরন্, যিবে মরে পাধেয়্যে তারা তারেই এলাফেলা গরন্।”

লূকে লেখ্যে গম্ হবর্ 5:8

ইয়েন্ দেগিনে শিমোন-পিতরে যীশু মুজুঙোত্ মাঢা নিগিড়ি পুড়িনে কলাক্, “প্রভু, মুই পাপী; মত্তুন্ যাগোই।”

লূকে লেখ্যে গম্ হবর্ 8:28

যীশুরে দেগিনে তে রঅ ছাড়িনে উদিলো আর তা মুজুঙোত্ মাদিত্ পড়িনে রঅ ছাড়িনে কলঅ, “মহান গোজেনর্ পুয়ো যীশু, মঅ লগে তর্ কি সম্পর্ক? দোয়্যেগুরি তুই মরে যন্ত্রণা ন-দিচ্।”

লূকে লেখ্যে গম্ হবর্ 8:36

যিগুনে সেই ঘটনাগান্ দেখ্যন্ তারা সেই মানুচ্চুনো ইধু কলাক্ কেধোক্ক্যেন্ গুরিনে মানুচ্চো গম্ ওইয়্যে।

লূকে লেখ্যে গম্ হবর্ 8:38

যে মানুচ্চো ভিদিরেত্তুন্ ভান্ন্যেই আত্মাগুন্ নিগিলি যেইয়োন্ সে মানুচ্চো যীশুরে কোজোলী গুরিলো যেন তে তা সমারে যেই পারে। মাত্তর্ যীশু তারে এ কধাগান্ কোইনে ঘরত্ পাধেই দিলো,

লূকে লেখ্যে গম্ হবর্ 9:5

যুনি মান্‌জ্যে তমারে মানি ন-লন্ সালে তারা আদামান্ ফেলে যেবার্ অক্তত্ তমা টেঙর্ ধূল্যেগানি ঝাড়ি ফেলঅ, যেন সিয়েন্ তারার্ বিরুদ্ধে সাক্ষ্য ওই থায়।”

লূকে লেখ্যে গম্ হবর্ 9:56

সে পরেদি তারা অন্য আদামত্ গেলাক্।

প্রেরিত্‌ 16:39

তারা পৌল আর সীল ইধু যেইনে ক্ষেমা চেলাক্ আর তারারে জেল বারেদি আনিনে শঅরান্ ছাড়ি যেবাত্তে কোজোলি গুরিলাক্।

দ্বি’লম্বর বিররণ 5:25

মাত্তর্‌ ইয়েনর পরেন্দি আমি মারা পড়িবাত্তে কিত্তে যেবং? এই দাঙর্‌ আগুনানে দঅ আমারে পুড়ি ফেলেব; আর ভালক্কন্‌ সং যুনি আমা গোজেন্‌ লগেপ্রভুর্‌ রঅবো শুনিই সালে আমি মুরি যেবংগোই।

১ শমূয়েল 6:20

তারা কলাক্, “এই পবিত্র গোজেন লগেপ্রভুর মুজুঙোত্‌ কন্না টিগিই থেই পারিবো? ইয়োত্তুন ইক্কিনে তারে কাইদু পাদা যায়?”