লূকে লেখ্যে গম্ হবর্ 8:35 - Chakma Bible

³⁵ কি ওইয়্যে সিয়েন্ চেবাত্তে সেক্কে মানুচ্চুনে নিগিলি এলাক্। যীশু ইধু এইনে তারা দেগিলাক্, যিবে ভিদিরেত্তুন্ ভান্ন্যেই আত্মাগুন্ নিগিলি যেইয়োন্ তে কাবড়-চুগোড়্ পিনিনে গম্ মনে যীশু টেঙ কুরে বুয়োই আঘে। ইয়েন্ দেগিনে তারা দোরেলাক্।

লূকে লেখ্যে গম্ হবর্ 8:35 ပူးပေါင်းရင်းမြစ်များ

গীতসংহিতা 51:10

ও গোজেন, তুই মইদু দোল্ মন-মানসিক্ গুরি দে; মর্ মনান্ আরঅ থির্ গুরি দে।

যিশাইয় 53:12

সেনত্তে মহৎ মানুচ্চুনো ভিদিরে মুই তারে এক্কান ভাগ্ দিম আর তে বোলিগুনো সমারে জিদেনার ফল ভাগ গুরিবো, কিত্তে তে নিজোর আওজে পরাণান্ দিয়্যে। তারে পাপীগুনো সমারে গোণা ওইয়্যে; তে ভালোক্ জনর পাপ বুয়োই নেযেয়্যে আর পাপীগুনোত্তে কোজোলী গোজ্যে।

মথি লেখ্যে গম্ হবর্ 4:24

গোদা সিরিয়া দেজত্ তা কধা ছিদি পড়িলো। যিদুক্কুন মান্‌জ্যে নানান্ বাবোত্যে পীড়েত্ আর অমকদ যন্ত্রনাত্ দুঘ্ পাদন্, যিগুনোরে ভান্ন্যেই আত্মায় ধোজ্যে আর যিগুনে মির্‍‍‍গি আর অবস্ রুগোত্ ভুগোদন, মানুচ্চুনে তারারে যীশু ইধু আনিলাক্। তে তারারে বেক্কুনোরে গম্ গুরিলো।‍

মার্ক 5:15

তারা যীশু ইধু এইনে দেগিলাক্, যিবেরে ভালোক্কুন্ ভান্ন্যেই আত্মায় পেইয়্যে সে মানুচ্চো কাবড়-চুগোড়্ উরিনে গম্ মনে বুয়োই আঘে। ইয়েন্ দেগিনে মানুচ্চুনে দোরেলাক্।

লূকে লেখ্যে গম্ হবর্ 10:39

মরিয়ম নাঙে মার্থার্ এক্কো বোন এলঅ। তে প্রভুর টেঙ কুরে বোইনে তা কধা শুনের্।

লূকে লেখ্যে গম্ হবর্ 15:17

পরেদি একদিন্যে তার উষ্ অলঅ। সেক্কে তে কলঅ, মঅ বাপ্পোর্ কদক্ চাগরে কদক্ বেশ্ হানা হেই পাদন্, অদচ মুই ইধু পেট্ পরায় মরঙর্।

লূকে লেখ্যে গম্ হবর্ 2:46

যেরেদি তিন দিন পরেদি তারা তারে উবোসনা-ঘরত্ পেলাক্। তে মাষ্টরুনো সংমোধ্যে বোইনে তারার্ কধানি শুনের্ আর তারারে নানান্ কধা পুযোর্ গরের্।

লূকে লেখ্যে গম্ হবর্ 8:27

তে যেক্কে নগানত্তুন্ লামিলো সেক্কে সিদুগো আদামর্ এক্কো মানুচ্ তাইধু এলঅ। সে মানুচ্চোরে ভালোক্কুন্ ভান্ন্যেই আত্মায় পেইয়্যে বিলি তে ভালোক্ দিন ধুরিনে কাবড়-চুগোড় ন-পিনিদো আর ঘরত্ ন-থেইনে চিদাখলাত্ থেদঅ।

লূকে লেখ্যে গম্ হবর্ 8:34

যিগুনে শূগোর্ চড়াদন্ তারা এ ঘটনাগান্ দেগিনে ধাবা যেইনে সেই আদামত্ আর তা কায়কুরে বেক্ জাগানিত্ এ হবরান্ দিলাক্।

প্রেরিত্‌ 22:3

মুই এক্কো যিহূদী। কিলিকিয়ার তার্ষ শঅরত্ মর্ জর্ম, মাত্তর্ মুই এ শঅরত্ দাঙর্ ওইয়োং। গমলীয়েলর্ টেংঅ কুরে বৈইনে মুই আমা পূরোণি মানুচ্চুনোর রীতি-সুদোম বেক্কানি শিক্ষ্যে পেইয়োং। গোজেন পৌইদ্যেনে এচ্চ্যে তুমি যেবাবোত্যেগুরি আওজ্ দেগর্ মুই নিজেয়ো সেবাবোত্যেগুরি আওজি এলুং।

১ যোহন 3:8

যে পাপ গরানাত্ থায় তে শদানর্, কিয়া শদানে পৌইল্যাত্তুন্ ধুরি পাপ গুরি যার্। শদানর্ কামানিরে ভস্ত গুরিবাত্যে গোজেনর্ পুয়োবো ফগদাং ওইয়্যে।