লূকে লেখ্যে গম্ হবর্ 8:32 - Chakma Bible

^32-33 সিদু মুড়ো পারত্ খুব দাঙর্ এক পাল্ শূগোর্ চড়দন্। ভান্ন্যেই আত্মাগুনে যীশুরে কোজোলী গুরিলাক্ যেন তে সেই শূগোরুনো ভিদিরে চোমেবাত্তে তারারে উগুম্ দে। তে অনুমতি দেনার্ পরেদি তারা মানুচ্চো ভিদিরেত্তুন্ নিগিলিনে শূগোরুনো ভিদিরে চোমেলাক্। সেক্কে সেই শূগুরো পাল্লো সাগর কলগ পারদি জোরে ধাবা যেইনে পানিত্ ডুবি মুরিলাক্।

লূকে লেখ্যে গম্ হবর্ 8:32 ပူးပေါင်းရင်းမြစ်များ

১ রাজাবলী 22:22

লগেপ্রভু পুযোর্‌ গুরিলো, ‘কেধোক্ক্যেন্ গুরি গুরিবে?’ তে কলঅ, ‘মুই যেইনে তার্‌ বেক্‌ ভাববাদীগুনোর্‌ মুয়োত্‌ মিজে কধা কবার্‌ আত্মা ওম্‌।’ লগেপ্রভু কলঅ, ‘তুই তারে ভুলেইনে নেযেই পারিবে। তুই যেইনে সিয়েন গর্‌।’

ইয়োব 1:10

তুই কি তা চেরোকিত্তে আর তা ঘরর্‌ আর তার্‌ যিয়েনি আঘে সিয়েনির্‌ চেরোকিত্তে ঘিরিনে ন-রাগাজ্‌? তুই দঅ তা কামত্‌ বর্‌ দুয়োজ্‌, সেনত্তেই তার্ এ্যমানপাল্লোই দেজ্‌ছান ভুরি যেইয়্যেগোই।

ইয়োব 1:12

সেক্কে লগেপ্রভু শদান্‌নোরে কলঅ, “ঠিগ্‌ আঘে; তার্‌ যিয়েনি আঘে সিয়েনি তঅ আঢত্‌ দিলুঙ্‌, মাত্তর্‌ তা কিয়্যেগান উগুরে তুই এক্কো আঙুল ন-বাজেবে।” সেক্কে শদান্‌নো লগেপ্রভুর মুজুঙোত্তুন্‌ নিগিলি গেলগোই।

ইয়োব 2:6

সেক্কে লগেপ্রভু শদান্‌নোরে কলঅ, “ঠিগ্‌ আঘে; তারে তঅ‌ আঢত্‌ দিলুঙ্‌, মাত্তর্‌ তুই তারে পরাণে ন-মারিবে।”

গীতসংহিতা 62:11

বেক্ বলান গোজেনর আঢত্- এ কধাগান তে ভালোক্‌বার কোইয়্যে, আর মুইয়ো সিয়েন ভালোক্‌বার শুন্যং।

যিশাইয় 65:4

তারা গোর জাগানত্ বজন্ আর গুমুরো জাগানত্ রেদ্ কাদান; তারা শুগুরো য়েরা হান্ আর তারার পিলেগুনোত্ অসিজি য়েরার্ ঝুল্ থায়।

যিশাইয় 66:3

মাত্তর্ যে এক্কো গোরু উৎসর্ব গোজ্যে তে যেন মানুচ্ খুন গোজ্যে, যে এক্কো ভেড়া ছঅ উৎসর্ব গোজ্যে তে যেন কুগুরো গত্তনাবো ভাঙি দের্, যে শোজ্য উৎসর্ব গোজ্যে তে যেন শূগোর লো দের্, আর যে মঅ নাঙে আগর্‌বাট্টি জালার্ তে যেন মূত্তি পূজো গরের্। তারা তারার্ নিজো নিজো পথ বেঈ লোইয়োন; তারার ঈচ্ গরেদে পযাপিরানিলোই তারা হুজি অন্।

লেবীয় 11:7

শূগোরুনোর্ টুক্কুন্ এক্কুবারে দ্বিভাগে চিজ্যা, মাত্তর্ তারা ঘাস ন-উল্ল্যান্, সিয়েনত্তে দঅ তমাত্তে ফিবলা।

মথি লেখ্যে গম্ হবর্ 7:6

যিয়েন পবিত্র সিয়েন কুগুরোরে ন-দুয়ো। শুগোরো মুজুঙোত্ তমা মুক্তাবো ন-ছিত্য। অয়ত তারা সিগুন তারার্ টেঙত্ তলে ঊরিবাক্ আর ফিরিনে তমারে কট্টা কট্টা গুরি ছিনি ফেলেবাক্।

লূকে লেখ্যে গম্ হবর্ 8:31

সেক্কে সেই আত্মাগুনে যীশুরে কোজোলী গরা ধুরিলাক্ যেন তে তারারে তলা নেইয়্যে গাঢত্ ন-পাদায়।

যোহন 19:11

যীশু জোব্ দিলো, “উগুরেত্তুন্ তরে খেমতা দিয়্যে ন-অলে মঅ উগুরে তর্ কনঅ খেমতা ন-থেদঅ। সেনত্তে যে মরে তমা আদত্ দিয়্যে তা পাপ্পান্ বেশ্।”

১ যোহন 4:4

মাত্তর্ পুয়ো-ছা লগ্, তুমি গোজেনর্। তুমি সেই ভন্ডগুনো উগুরে জিত্য, তাত্তুন্ যিবে তমা মনভিদিরে আঘে তে মহান।

ফগদাং পেইয়্যে 20:7

সেই আজার বজর্ থুম্ ওই গেলে পরেদি শদানরে তার্ জেলখানাত্তুন্ ইরি দিয়্যে অবঅ।