লূকে লেখ্যে গম্ হবর্ 8:28 - Chakma Bible

²⁸ যীশুরে দেগিনে তে রঅ ছাড়িনে উদিলো আর তা মুজুঙোত্ মাদিত্ পড়িনে রঅ ছাড়িনে কলঅ, “মহান গোজেনর্ পুয়ো যীশু, মঅ লগে তর্ কি সম্পর্ক? দোয়্যেগুরি তুই মরে যন্ত্রণা ন-দিচ্।”

লূকে লেখ্যে গম্ হবর্ 8:28 ပူးပေါင်းရင်းမြစ်များ

যিশাইয় 27:1

সেদিন্যে লগেপ্রভু তার দর্‌গরেপারা, দাঙর্ আর খেমতাবলা তলোয়ার্‌লোই সেই বেঙা-কঙা গুরি ধেই যেইয়্যে সাপ্‌পো লিবিয়াথনরে সাজা দিবো। তে সাগরর্ সে দেবেদাবোরে কাবি ফেলেব।‍‍

মথি লেখ্যে গম্ হবর্ 8:29

তারা এমন্ দর্‍‍গরেপারা এলাক্ যে, কনজনে সে পধেদি যেই ন-পারিদাক্। তারা রঅ ছাড়িনে কলাক্, “ও গোজেনর পুয়োবো, আমা লগে তর্ কি দরকার? সময় ন অদে কি তুই আমারে যন্ত্রণা দিবাত্তে ইধু এচ্চ্যচ্?”

লূকে লেখ্যে গম্ হবর্ 8:27

তে যেক্কে নগানত্তুন্ লামিলো সেক্কে সিদুগো আদামর্ এক্কো মানুচ্ তাইধু এলঅ। সে মানুচ্চোরে ভালোক্কুন্ ভান্ন্যেই আত্মায় পেইয়্যে বিলি তে ভালোক্ দিন ধুরিনে কাবড়-চুগোড় ন-পিনিদো আর ঘরত্ ন-থেইনে চিদাখলাত্ থেদঅ।

লূকে লেখ্যে গম্ হবর্ 8:29

মানুচ্চো এ কধাগান্ কলঅ কিয়া যীশু সেই ভান্ন্যেই আত্মাবোরে তা ভিদিরেত্তুন্ নিগিলি যেবাত্তে উগুম্ দিয়্যে। সেই ভান্ন্যেই আত্মাবো বার্ বার্ গুরি মানুচ্চোরে আজাবোদে ধুরিদো। যুনিয়ো সেক্কে তা আঢ্-টেঙানি শিগোল্লোই বান্ন্যে এলঅ আর তারে চুগি দিয়্যে অদঅ তুয়ো তে সেই শিগোলান্ ছিনি ফেলেদ, আর সেই ভান্ন্যেই আত্মাগানে তারে নিরিবিলি জাগাত্ লোড়েই নেযেদ।

যাকোব 2:19

তুই এক্কো গোজেনরে বিশ্বেজ্ গরচ্, নয় কি? ভারী গম! মাত্তর্ ভান্ন্যেই আত্মাগুনেয়ো দঅ সিয়েন বিশ্বেজ্ গরন আর দরে গির্‌‌গিরান্।

২ পিতর 2:4

স্বর্গদূত্‌তুনে যেক্কে পাপ গোজ্জ্যন সেক্কে গোজেনে তারারে ইরি নঅ-দে বরং নরগর্ আন্ধার গাঢত্ ফেলে দিইনে বিচারত্যে থোই দিয়্যে।

১ যোহন 3:8

যে পাপ গরানাত্ থায় তে শদানর্, কিয়া শদানে পৌইল্যাত্তুন্ ধুরি পাপ গুরি যার্। শদানর্ কামানিরে ভস্ত গুরিবাত্যে গোজেনর্ পুয়োবো ফগদাং ওইয়্যে।

ফগদাং পেইয়্যে 20:10

যে তারারে ভুল্ পধেদি নেযেয়্যে সেই সদান্নোরে জ্বোল্‌জোল্যে গন্ধক পুয়োরত্ ফেলেই দিয়্যে অলঅ। সিয়েনত্ তারা উমর সং দিন-রেত্ যন্ত্রণাত্ ভুগিবাক্।