লূকে লেখ্যে গম্ হবর্ 6:49 - Chakma Bible

⁴⁹ যে মঅ কধাগান শুনে অদচ সেবাবোত্যেগুরি কাম্ ন-গরে তে এমন্ এক্কো মান্‌‌‌‌‌জ্য ধোক্ক্যেন, যে মাদি উ‌‌‌‌‌‌‌‌‌‌গুরে গড়াগান্ ন-গাড়েইনে ঘরান্ বানেল। যেরেদি পানিবান যেক্কে সে ঘরান উগুরে এইনে পড়িলো সেক্কে সে ঘরান্ পড়িনে এক্কুবারে ভস্ত ওই গেলঅ।”

লূকে লেখ্যে গম্ হবর্ 6:49 ပူးပေါင်းရင်းမြစ်များ

গম্ উপদেজ্ 28:18

যিবের চলাফিরেত্ নিদ্দুষি তে গমেডালে থায়, মাত্তর্ যে মানুচ্চো বেঙা পধেদি যায় তে আদিক্ক্যেন্‌গুরি পুরিবো।

যিহিষ্কেল 33:31

মঅ মানুচ্চুনে অভ্যেস্ মজিম তইধু এজন্ আর তঅ কধানি শুনিবাত্তে তঅ মুজুঙোত্ বজন্, মাত্তর্ তারা সিয়েনি কামত্ ন-লাগান। মুয়োদি তারা কোচ্‌‌‌‌‌পানার কধা কন মাত্তর্ তারার মনত্ লুভ্‌‌‌‌‌পান থায়। ‌‌‌‌‌

হোশেয় 4:14

তমা মিলেগুন বেশ্যে অলে আর ফুদো বৌগুন্ বেভিচের্ গুরিলে মুই সাজা ন-দিম, কিয়া মরত্তুন্ নিজে বেশ্যেগুনো ইধু যান্ আর মন্দির-বেশ্যেগুনো লগে য়েমান উৎসর্ব গরন। এই বুদ্ধিনেইয়্যে জাদে ভস্ত ওই যেবঅ।

মথি লেখ্যে গম্ হবর্ 23:3

ইয়েনত্তে তারা যিয়েনি গুরিবাত্তে কন্ সিয়েনি গরঅ আর যিয়েনি পালেবাত্তে উগুম্ দুয়োন্ সিয়েনি পালঅ।

মথি লেখ্যে গম্ হবর্ 24:10

সে অক্তত্ ভালোক্‌জনে পিজেদি যেবাক্ আর একজন আর একজনরে ধুরি দিবাক্ আর ঘিনেবাক্।

মার্ক 4:17

মাত্তর্ তারা ইধু শিঙোরানি গমেডালে ন-বজে বিলিনে বানা কয়েক দিনোত্তে তারা থির্ থান্। যেরেদি কধানত্তে যেক্কে দুঘ্ আর অত্যেচার্ এজে সেক্কে তারা পিজেদি যান্।

লূকে লেখ্যে গম্ হবর্ 12:47

যে চাগর্‌‌‌বো তা গিরোজ্‌‌‌সোর আওজ্‌‌‌চান কোই পারিনেয়ো যুক্কোল্ ন-থায় বা গিরোজ্‌‌‌সো যিয়েন্ চায় সিয়েন্ ন-গরে তাত্তুন্ যদবদে সাজা পাহ্ পড়িবো।

লূকে লেখ্যে গম্ হবর্ 19:14

মাত্তর্ তা দেজর্ মানুচ্চুনে তারে ঘিনেদাক্ । ইয়েনত্তে তারা তা পিজেদি মানুচ্ দিপাধেইনে হবর্ দিলাক্, আমি ন-চেই এ মানুচ্চো আমা উগুরে রাজাগিরি গোরোক্।

লূকে লেখ্যে গম্ হবর্ 19:27

মঅ শত্রুগুনে যিগুনে ন-চান্ মুই রাজা অং, তারারে ইধু আন্ আর মঅ মুজুঙোত্ মারে ফেলা।’ ”

লূকে লেখ্যে গম্ হবর্ 6:46

“তুমি কিত্তে মরে ‘প্রভু, প্রভু’ বিলি ডাগ, অদচ মুই যিয়েন কং সিয়েন ন-গরঅ?

লূকে লেখ্যে গম্ হবর্ 6:48

তে এমন্ এক্কো মান্‌‌‌‌‌জ্য ধোক্ক্যেন, যে ঘরান্ বানেবাত্তে গভীন্ গুরি মাদি কাবিনে পাত্তর উগুরে গড়াগান্ গাড়েল। যেরেদি বান্ এলঅ আর গাঙ পানির গঙার্ সে ঘরান উগুরে এইনে পড়িলো, মাত্তর্ ঘরান লাড়েই ন-পারিলো, কারন সিয়েন দরমর গুরি বানা ওইয়্যে।

লূকে লেখ্যে গম্ হবর্ 7:1

যীশু মানুচ্চুনো ইধু এই বেক্ কধানি কনা থুম্ গুরিনে কফরনাহূম শঅরত্ গেলঅ।

যোহন 15:2

মর্ যিদুক্কুন্ ডেলাত্ গুলো ন-ধরন্ সিগুন তে কাবি ফেলায়, আর যিদুক্কুন্ ডেলাত্ গুলো ধরন্ সিগুন তে ছাজিনে সাব্ গরে যেন আরঅ ভালোক্কুন্ গুলো ধুরি পারন্।

প্রেরিত্‌ 20:29

মুই হবর্ পাং, মুই যানার্ পরেদি মানুচ্চুনে চিৎ ন-পুজ্যে হোক্যে বাঘ ধোক্ক্যেন্ গুরি তমা ইধু এবাক্ আর ভেড়া পালুনোর্ ক্ষতি গুরিবাক্।

প্রেরিত্‌ 26:11

তারারে সাজা দিবাত্যে মুই প্রায় এক সমাজ-ঘরত্তুন্ অন্য সমাজ-ঘরত্ যেদুং আর যীশুর্ বিরুদ্ধে কধা কবাত্যে মুই তারা উগুরে জোর্ গুরিদুং। তারা উগুরে মর্ এদক্ রাগ এলঅ যে, তারা উগুরে অত্যেচার্ গুরিবাত্যে মুই বিদেজর্ শঅরানিত্ সং যেদুং।

১ থিষলনীকীয় 3:5

সেনত্যে মুই যেক্কে আর সোজ্জ্য গুরি ন-পারিলুং সেক্কে বিশ্বেজ্ ইন্দিত্তুন্ তুমি কি অবস্থায় আঘঅ সিয়েন জানেবাত্যে তীমথিয়রে পাধেয়োং। মত্তুন্ দর্ গরেত্তে, অয়ত শদানে তমারে লুভ্ দেগেয়্যে আর আমার কামানি বেক্কানি ব্যত্ত ওই যেইয়্যে।

২ পিতর 2:20

আমার প্রভু আর উদ্ধোর গুরিয়্যে যীশু খ্রীষ্টরে গমেডালে চিনেনার্ ফলে জগদর্ ভান্ন্যেয়ত্তুন্ ধেই যেইনেয়ো যেক্কে তারা আরঅ সেই একই ভান্ন্যেই কামত্ পড়িনে তাইধু উদিই যেইয়োন, সেক্কে তারার্ পত্তম দজাত্তুন্ শেজ্ দজাগান আরঅ ভান্ন্যেই ওইয়্যে।

১ যোহন 2:19

খ্রীষ্টর্ এ শত্রুগুন আমা ভিদিরেত্তুন্ নিগিলি যেয়োন। মাত্তর্ তারা আমা মানুচ্‌ ন-এলাক্। যুনি তারা আমার্ অদাক্ সালে আমা সমারে থেদাক্, মাত্তর্ তারা নিগিলি যেইয়োন বিলিনে বুঝো যার্, তারা কেঅই আমার নয়।