লূকে লেখ্যে গম্ হবর্ 6:47 - Chakma Bible

⁴⁷ যে কনজনে মইধু এইনে মঅ কধা শুনোন্ আর সেবাবোত্যেগুরি কাম্ গরন্ সিবে কা ধোক্ক্যেন্ মুই সিয়েন তমারে কং।

লূকে লেখ্যে গম্ হবর্ 6:47 ပူးပေါင်းရင်းမြစ်များ

যিশাইয় 55:3

মঅ কধানি শুন্, মইদু আয়; মঅ কধাগান শুন্ যেন তুমি জেদা থাগঅ। মর্ বিশ্বেজে ভরা কোচ্‌‍‌‌‍‍পানালোই মুই দায়ূদো ইদু যে এগেমান্ গোজ্যং সেই মজিম্ মুই তমাত্তে এক্কান উমরর্ সুদোম্ থিদেবর্ গুরিম।‍

মথি লেখ্যে গম্ হবর্ 12:50

কিয়া যিগুনে মর্ স্বর্গর্ বাবঅ আওজ্ পালান্ তারা-মর্ ভেই, বোন আর মা।”

মথি লেখ্যে গম্ হবর্ 17:5

পিতরে যেক্কে কধা কর্ সেক্কে এক্কান্ পোত্‌পোত্যে মেঘে তারারে নাঢি ফেলেল। সেই মেঘ্‌কানত্তুন্ এ কধাগান্ শুনো গেলঅ, “ইবেই মর্ কোচ্‌পেইয়্যে পুয়ো, ইবে উগুরে মুই অমকদ হুজি। তুমি ইবে কধা শুনো।”

লূকে লেখ্যে গম্ হবর্ 11:28

মাত্তর্ যীশু কলঅ, “ইয়েনত্তুন্ বেশ্ বরং তারা বর্‌পেইয়্যে যিগুনে গোজেনর্ কধা শুনোন্ আর সেবাবোত্যেগুরি কাম্ গরন্।”

লূকে লেখ্যে গম্ হবর্ 14:26

যে মঅ ইধু এবঅ তে যেন নিজোর্ বাব্-মা, মোগ্ আর পুয়ো-ছা, ভেই-বোন, এমন্‌ কি, নিজোরেয়ো মত্তুন্ বেচ্‌ কম কোচ্‌‌পেইয়্যে বিলি মনে গরে। সিয়েন ন-অলে তে মঅ শিচ্চ্য ওই ন-পারে।

লূকে লেখ্যে গম্ হবর্ 6:48

তে এমন্ এক্কো মান্‌‌‌‌‌জ্য ধোক্ক্যেন, যে ঘরান্ বানেবাত্তে গভীন্ গুরি মাদি কাবিনে পাত্তর উগুরে গড়াগান্ গাড়েল। যেরেদি বান্ এলঅ আর গাঙ পানির গঙার্ সে ঘরান উগুরে এইনে পড়িলো, মাত্তর্ ঘরান লাড়েই ন-পারিলো, কারন সিয়েন দরমর গুরি বানা ওইয়্যে।

লূকে লেখ্যে গম্ হবর্ 8:13

শিলো ভূইয়োত্ পোজ্যে বীজ্‌চুনোর্ মাধ্যমে সিগুনো পৌইদ্যেনে কুয়ো ওইয়্যে যিগুনে সেই কধানি শুনিনে হুজিয়ে মানি লন্, মাত্তর্ তারা ইধু সিগুনোর্ শিঙোরানি গমেডালে ন-বজে। সেনত্তে তারা থরা কয়েক দিনোত্তে বিশ্বেজ্ গরন, মাত্তর্ যেক্কে পোরোক্ষ্যে এজে সেক্কে পিজেদি যান্।

লূকে লেখ্যে গম্ হবর্ 8:8

আরঅ কয়েক্কো বীজ্ গম্ ভূইয়োত্ পড়িলাক্ আহ্ দাঙর্ ওইনে একশ গুণ ফসল বাড়িলাক্।” এ কধাগান কনার্ পরেদি যীশু শেজদি কলঅ, “যিবের্ শুনিবার্ কান্ আঘে তে শুনোক্।”

যোহন 10:27

মঅ ভেড়াগুন্ মঅ ডাগনি শুনোন্। মুই তারারে হবর্ পাং আর তারা মঅ পিযে পিযে যান্।

যোহন 13:17

ইয়েনি বেক্কানি কোই পারিনে যুনি সিয়েনি পালঅ সালে তুমি বর্ পেইয়্যে।

যোহন 14:15

তুমি যুনি মরে কোচ্‌পঅ সালে মর্ বেক্‌ উগুমানি পালেবা।

যোহন 5:40

তো তুমি জিংকানি পেবাত্যে মইধু এবাত্তে ন-চঅ।

যোহন 6:35

যীশু তারারে কলঅ, “মুয়ই সেই জিংকানি-রুটিগান্। যে মইধু এজে তাত্তুন্ কনদিন্অ পেট্ ন-পুরিবো। যে মঅ উগুরে বিশ্বেজ্ গরে তাত্তুন্ আর কনদিন্অ পানি তিরেচ্‌ ন-পেবঅ।

যোহন 6:37

বাবা মরে যিগুনোরে দে তারা বেক্কুনে মঅ ইধু এবাক্। যে মইধু এজে মুই তারে কনবাবদে বারেদি ফেলেই ন-দিম্,

যোহন 8:52

যিহূদী নেতাগুনে তারে কলাক্, “এবেরা আমি ঘেচ্চ্যেক্‌গুরি বুঝিলোং যে, তরে ভূদে পেইয়্যে। অব্রাহাম আর ভাববাদীগুনে মুরি যেয়োন্, আর তুই কত্তে, ‘যুনি কেঅ মঅ কধা মজিম চলে তে কনদিন্অ ন- মুরিবো।’ তুই কি বাবা অব্রাহামত্তুন্অ বেশ্ দাঙর্?

ইব্রীয় 5:9

এবাবোত্যে গুরি যেক্কে তে পূর্ণতাগান পেলঅ সেক্কে তার্ বাধ্যতাগান বেক্কুনোত্যে তে উমরর্ উদ্ধোরর্ পথ অলঅ।

যাকোব 4:17

সালে দেগা যায়, গম কাম গুরিবার্ কধা কোই পারিনেয়ো যে সিয়েন ন-গরে তে পাপ গরে।

১ পিতর 2:4

এমন এক্কো জেদা পাত্তর্ আঘে যিবেরে গোজেনে বেঈ লোইয়্যে আর যিবে তা চোগেদি অমকদ মংগা, মাত্তর্ মান্‌জ্যে তারে এলাফেলা গোজ্জ্যন্। খ্রীষ্ট অলঅ সেই পাত্তর্‌বো; তুমি তাইধু এচ্চ্য বিলিনে জেদা পাত্তর ধোক্ক্যেন গুরি তমারে দিইনেয়ো গোজেনর্ থেবার ঘরান্ বানা অর্। সেনত্যে ধর্মগুরু ইজেবে গোজেনত্যে তমারে ফারগ্ গরা ওইয়্যে, যেন তুমি এমন্‌ আত্মিক উৎসর্বয়ানি গরঅ যিয়েনি যীশু খ্রীষ্টর্ দিইনে গোজেনর্ মানি লোইয়্যে অয়।

২ পিতর 1:10

ইয়েনত্যে ভেইলগ, গোজেনে যে ঘেচ্চ্যেকগুরি তমারে ডাক্ক্যে আর বেঈ লোইয়্যে সিয়েন যদবদে অবাত্যে আরঅ বেচ্ আওজি অ। ইয়েনি গুরিলে তুমি কনদিনঅ উজোট্ ন-হেবা।

১ যোহন 2:29

তুমি যুনি কোই পারঅ, তে কনদিন্অ অন্যেয় ন-গরে মাত্তর্ ইয়েন হবর্ পেইয়ো-যিগুনে ন্যায় কামত্ নিজোরে কামত্ লাগান, গোজেনত্তুন্ তারার্ জর্ম ওইয়্যে।

১ যোহন 3:7

পুয়ো-ছাগুন, কেঅ যেন তমারে ভান্ন্যেই পধেদি ন-নেযান। খ্রীষ্ট অন্যেয় ন-গরে, আর যে কেঅ নিজোরে ন্যায় কামত্ রাগান তেয়ো অন্যেয় ন-গরে।

ফগদাং পেইয়্যে 22:14

বর্‌‌পেইয়্যে তারা, যিগুনে তারার্ পজাক্কানি ধোই ফেলান্ যেন তারা জিংকানি গাজর্ ফল হেবার অধিকারী অন্ আর গেট্‌তো ইন্দি শঅরত্ সোমেই পারন্।