লূকে লেখ্যে গম্ হবর্ 6:45 - Chakma Bible

⁴⁵ গম্ মান্‌‌‌জ্যে তা রিবেঙত্তুন্ গম্ কধা নিগিলেই আনন্, আর বজং মান্‌‌‌জ্যে তা মনত্তুন্ বজং কধা নিগিলেই আনন্। মান্‌‌‌জ্যর মনানি যিয়েনিলোই ভরা থায় মুয়োনে দঅ সে কধানি কয়।

লূকে লেখ্যে গম্ হবর্ 6:45 ပူးပေါင်းရင်းမြစ်များ

গীতসংহিতা 140:5

বাড়্‌বো গুরিয়্যে মানুচ্চুন্ মত্তে ফাল্ আর দুড়ি ঠিগ্ গুরি রাগেয়ো; তারা পধ কুরে তারার্ জালানি বিজেই রাগেয়োন্ আর মত্তে ফাল্ পাত্যন্।

গীতসংহিতা 59:12

তারার মুয়ো পাপ্পোই আর ঠুদো কধালোই যে অভিশাপ্পান্ আর মিজে কধানি আঘে, সিয়েনত্তে তারার বার্‌বোগানিলোই তারা ধরা পোড়োদোক্।

গীতসংহিতা 59:7

চাহ্, তারা মুয়োন্দি কি বেক্ কধানি নিগিলেয়োন্, তারার ঠুদোত্তুন যেন লাম্বা ছুরি নিগিলি এজের্; তারা কদন, “আমা কধানি কনজনে ন-শুনিবাক্।”

গম্ উপদেজ্ 12:18

আপাদাজ্যে কধা ছুরি ধোক্ক্যেন্ বুগোত্ ফুদে, মাত্তর্ জ্ঞানীগুনোর্ কধা গম্ লাগে।

গম্ উপদেজ্ 15:23

যে মানুচ্চো যগাজ্যে জোব্ দি পারে তে হুজি অয়; যগাজ্যেগুরি কোইয়্যে কধানি কেজান্ গম!

গম্ উপদেজ্ 4:23

বেক্কানিত্তুন্ তঅ মনানরে বেশ্ চুগি দিইনে রাগেচ্, কিত্তে মনত্তুন্ তঅ জিংকানিগানর বেক্কানি নিগিলি এজে।

যোহন 7:38

যে মঅ উগুরে বিশ্বেজ্ গরে, পবিত্র বোইবোর্ কধা মজিম্ তা মনত্তুন্ জেদা পানির গাঙ্ বেঈ যানাত্ থেবঅ।”

প্রেরিত্‌ 5:3

সেক্কে পিতরে কলঅ, “অননিয়, কেধোক্ক্যেন্ গুরিনে শদানে তঅ মনান্ এবাবোত্যেগুরি গজক্ গুরিলো যে, তুই পবিত্র আত্মা ইধু মিজে কধা কলে আর ভূই বেস্যে টেঙাত্তুন্ কিজু নিজোত্তে থোই দিলে?

ইফিষীয় 3:8

গোজেনর্ বেক্‌ মানুচ্চুনো ভিদিরে মত্তুন্ তলে আর কেঅ নেই, তো খ্রীষ্টর্ যে সম্পদর কধা পুরোপুরি গুরি বুঝি পারা ন-যায়, অযিহূদীগুনো ইধু সেই সম্পদর গম্ হবরান জানেবার কামান্ গোজেনে দোয়্যে গুরিনে মরে দিয়্যে।

ইফিষীয় 4:29

তমা মুয়োত্তুন্ কনঅ বাজে কধা ন-নিগিলোগ্, বরং দরকার্ মজিম অন্যরে গাঢেই তুলিবাত্যে যিয়েন গম সেবাবোত্যে কধা নিগিলোগ্, যেন যিগুনে সিয়েনি শুনোন্ সিয়েনিত্যে তারার্ উপকার অয়।

ইফিষীয় 5:19

আর গীতসংহিতার গীদ্, বাঈনী গরানা আহ্ আত্মিক গীদোর্ মাধ্যমে তুমি একজন আরেকজন সমারে কধা কঅ; তমা মনেদি প্রভুর নাঙে গীদ্ গঅ।

কলসীয় 3:16

গোজেনর্ কধানিরে তুমি রিবেঙত্ গমেডালে বজত্তি গুরিবাত্যে দুয়ো। গোজেনর্ দিয়্যে জ্ঞানে একজন আরেকজনরে শিক্ষ্যে আর সল্লা দুয়ো আহ্ রিবেঙদি কৃতজ্ঞতার্ লগে গোজেন নাঙে গীতসংহিতার গীদ্ আর আত্মিক আহ্ বাঈনী গুরিবার গীদ্ গঅ।

কলসীয় 4:6

তমার্ কধাবাত্তানি নিত্য মধু আর নুন্-দিয়্যে হানা ধোক্ক্যেন যগাজ্জ্যে ওক্, যেন কারে কেধোক্ক্যেন গুরি জোব্ দিবা সিয়েন তুমি বুঝি পারঅ।

ইব্রীয় 8:10

প্রভু আরঅ কয়, “যেরেদি মুই ইস্রায়েলীয়গুনোত্যে যে বেবস্থাগান থিদেবর্ গুরিম। সিয়েন অলঅ, মর্ আইন-কানুনানি মুই তারার্ মন ভিদিরে থোম্ আর তারার্ রিবেঙত্অ সিয়েনি লিগি রাগেম। মুই তারার্ গোজেন ওম্, আর তারা মঅ মানুচ্‌ অবাক্।