লূকে লেখ্যে গম্ হবর্ 6:40 - Chakma Bible

⁴⁰ ছাত্র তা মাষ্টর উগুরে নয়, মাত্তর্ গম্ শিক্ষ্যে পেইনে পত্তি ছাত্র তা মাষ্টর্‌‌বো ধোক্ক্যেন্ ওই উদে।

লূকে লেখ্যে গম্ হবর্ 6:40 ပူးပေါင်းရင်းမြစ်များ

মথি লেখ্যে গম্ হবর্ 23:15

ভণ্ড ধর্ম-মাষ্টর আর ফরীশীগুন, অভিশাব্ পোড়োক্ তমার্! বানা এক্কো মান্‌জ্যরে তমা ধর্ম-মজিম্ আনিবাত্তে তুমি দুনিয়ের্ কুদু ন-যঅ। আর তে যেক্কে তমা ধর্ম-মজিম্ এজে সেক্কে তুমি নিজোত্তুন্ তারে বোউত্ বেশ্ গুরি নরগত্ যগাজ্যে গরঅ।

লূকে লেখ্যে গম্ হবর্ 6:41

তর্ ভেইয়ো চোগোত্ যে পেজা আঘে সিয়েন বানা দেগর্, অদচ তঅ নিজো চোগোত্ যে পেজা আঘে সিয়েন ন-দেগর্ কিত্তে?

যোহন 13:16

মুই তমারে ঘেচ্চ্যেক্‌গুরি কঙর্, চাগর্ তা গিরোজত্তুন্ দাঙর্ নয়। যিবেরে দিপাধা ওইয়্যে তে তাত্তুন্ দাঙর্ নয় যে তারে দিপাধেয়্যে।

যোহন 15:20

মর্ এ কধাগান্ তুমি পুরি ন-ফেল্ল্য, চাগরে তা গিরোজত্তুন্ দাঙর্ নয়। সেনত্তে মানুচ্চুনে যুনি মরে মারে ফেলেবাত্তে চেষ্টা গুরি থান্ সালে তমারেয়ো সিয়েন্ গুরিবাক্; যুনি তারা মঅ কধা শুনি থান্ সালে তমা কধায়ো শুনিবাক্।