লূকে লেখ্যে গম্ হবর্ 6:38 - Chakma Bible

³⁸ দান্ গরঅ, সেক্কে গোজেনেয়ো তমারে দিবো, বোউত্ বেশ্ গুরি, চাপি চাপি, ঝাগেরে ঝাগেরে, উগুরি পড়েদে ধোক্ক্যেন্ গুরি তমারে দিয়্যে অবঅ, কারন যেবাবোত্যেগুরি তুমি মাবি দুয়ো সেবাবোত্যেগুরি তমাত্তে মাবা অবঅ।”

লূকে লেখ্যে গম্ হবর্ 6:38 ပူးပေါင်းရင်းမြစ်များ

২ শমূয়েল 19:36

মহারাজ কিত্তে মরে এবাবোত্যেগুরি প্রাইজ্ দিবে? না, না, মুই বানা তঅ লগে যর্দন গাঙান্‌ পার্ ওই যেম্‌,

ইষ্টের 7:10

সেনত্তেই হামনে যে ফাসিগান মর্দখয়ত্তে বানেয়্যে মানুচ্চুনে সিয়েন উগুরে তারে ফাসি দিলাক্‌। সে পরেন্দি রাজার রাগ্‌কান কুমি গেলঅ।

ইষ্টের 9:25

মাত্তর্‌ হামনর কুজুরোমিগানি যেক্কে রাজার কানত্‌ যেইয়্যে সেক্কে তে লিগিনে উগুম্‌ দিয়্যেগান্ যেনে যিহূদীগুনোর বিরুদ্ধে হামনে যে কুজুরোমিগান্ ফন্দি গোজ্যে সিয়েনি তার্‌ নিজো মাধাত্‌ পড়ে আর তারে আহ্‌ তা পূঅগুনোরে ফাসি দিয়্যে অয়।

ইয়োব 42:11

তার ভেই আর বোনুনে আর যিগুনে তারে আগে চিনিদাক্ তারা বেক্কুনে এইনে তা ঘরত্ তা সমারে হানা-বিনে গুরিলাক্। লগেপ্রভু তা উগুরে যে দুঃকানি আন্যে সিয়েনিত্তে তারা তারে বুঝেলাক্। তারা পত্তিজনে তারে এককট্টা রুবো আর সোনার এক্কান কান দুল্ দিলাক্।

গীতসংহিতা 79:12

ও প্রভু, আমা কায়-কুরে জাদ্‌তুনে যেবাবোত্যে গুরি তরে গেইল্ দুয়োন, সেই সাতগুন সাজা তুই তারারে ফিরেই দে।

যাত্রা 21:24

চোগোর বদলে চোগ, দাদর্‌ বদলে দাদ, আদর্‌ বদলে আত্‌, টেঙর্‌ বদলে টেঙ্‌;

গম্ উপদেজ্ 10:22

লগেপ্রভু যিবেরে বর্ দে তেয়ই তাগোয়্যে; সেই আশিদ্‌বাদত্ কনঅ দুঘ্ দরদ ন-থায়।

গম্ উপদেজ্ 19:17

যে মান্‌জ্যে নাঢা মান্‌জ্যরে দোয়্যে গরে তে লগেপ্রভুরে উদোর্ দে; লগেপ্রভু তার সে উপকারর ফল্ দিবো।

গম্ উপদেজ্ 22:9

যে দানবলা মানুচ্চো তা হানা ভাগত্তুন্ নাঢা মানচ্চুনোরে দে তে বর্ পেবঅ।

যিরমিয় 32:18

তুই আজার্ আজার্ জনরে তর্ অমকদ কোচ্‌‌‌‌পানা দেগেই থাচ্ আর বাব্‌‌পুনোর পাপর্ সাজাগানি তুই তারার্ পরেদি তারার পুয়োগুনোরে দি থাচ্। ও দাঙর্ আর খেমতাবলা গোজেন, তঅ নাঙান বেগত্তুন্ খেমতাবলা লগেপ্রভু;

মথি লেখ্যে গম্ হবর্ 10:42

যে কনজনে এই সামান্য মানুচ্চুনো ভিদিরে একজনরে মর্ শিচ্চ্য বিলিনে এক জগ ঠান্ডা পানি দে, মুই তমারে ঘেচ্চেকগুরি কঙর্, তে কনমতে তা বক্‌শিজ্‌চান্ ন-আরেব।”

মথি লেখ্যে গম্ হবর্ 7:2

কিয়া যেবাবোত্যেগুরি তুমি অন্যগুনোর দুষ্ ধরঅ সেবাবোত্যেগুরি তমারেয়ো দুষ্ ধরা অবঅ, আর যেবাবোত্যেগুরি তুমি মাবি দুয়ো সেবাবোত্যেগুরি তমাত্তেয়ো মাবা অবঅ।

মার্ক 4:24

ইয়েনর্ পরেদি যীশু কলঅ, “তুমি যিয়েনি শুন্ন্য সে পৌইদ্যেনে মনযোগ্ দুয়ো। তুমি যেবাবোত্যেগুরি মাবি দুয়ো তমাত্তে সেবাবোত্যেগুরি মাবা অবঅ; এমন্ কি, বেশ্ গুরি মাবা অবঅ।

লূকে লেখ্যে গম্ হবর্ 6:30

যিগুনে তত্তুন্ চান্ তারারে দিস্। কনজনে তর্ কনঅ জিনিস নেযেলে সিয়েন আর ফেরৎ ন-চেজ্।

দ্বি’লম্বর বিররণ 15:10

মনত্‌ আওজ্‌নেইয়্যে ভাব ন রাগেইনে সুদো আঢ্‌তোই তারে দিবা; সালে তমা গোজেন লগেপ্রভু তমার বেক্‌ কামানিত্‌ আশিদ্‌বাদ গুরিবো আর তুমি যিয়েনত্‌ আঢ্ দুয়ো সিয়োদোই আশিদবাদ পেবা।

যাকোব 2:13

কিয়া যে দোয়্যে ন-গরে, বিচেরর্ সময়োত্ তেয়ো দোয়্যে ন-পেবঅ। বিচের উগুরে দোয়্যেগানে জিদিবো।

বিচের গুরিয়্যেগুন 1:7

সেক্কে অদোনী-বেষকে কলঅ‌, “মুই সত্তুরজন রাজার আঢ্ আর টেঙর্‌ বুজ্যে আঙুলুন্‌ কাবি দুয়োং। তারা মঅ‌ টেবিলোর তলেত্তুন ফেলাসেলানি তোগেনেই খেদাক্‌। মুই তারা উগুরে যিয়েনি গোজ্যং গোজেনেয়ো মঅ‌ উগুরে সেধোক্কেন্‌ গুরিলো।” পরেন্দি তারা অদোনী-বেষকরে যিরূশালেমত্‌ নেযানার পরেন্দি তে সিদু মুরি গেলঅ‌।