লূকে লেখ্যে গম্ হবর্ 6:35 - Chakma Bible

³⁵ মাত্তর্ তুমি তমা শত্রুগুনোরে কোচ্‌পেয়ো আর তারারে মংগল্ গরঅ। কিজু ফেরৎ পেবার্ আজা ন-রাগেনে উদোর্ দুয়ো। সালে তমাত্তে দাঙর্ বক্‌শিজ্ আঘে, আর তুমি দাঙর্ গোজেনর্ পুয়ো অবা, কারন তে অকৃতজ্ঞ আর পাজিগুনোরেয়ো দোয়্যে গরে।

লূকে লেখ্যে গম্ হবর্ 6:35 ပူးပေါင်းရင်းမြစ်များ

গীতসংহিতা 112:5

যে দোয়্যে গরে আর উদোর্ দিইনে গমেডালে বেক কামানি গরে তার ভালেদি অয়।

গীতসংহিতা 145:9

লগেপ্রভু বেক্কুনোত্তে ভালেদিগুরিয়্যে; তার বানেয়্যে বেক্কানি উগুরে মেয়্যে আঘে।

গীতসংহিতা 37:26

গোজেন ভক্তগুনে আমিঝে দোয়্যেলু অন্ আর উদোর্ দুয়োন্; তারার্ বংশধরুনে আশিদবাদ্ পেবাক্।

গীতসংহিতা 58:11

সিয়েন দেগিনে মান্‌জ্যে কবাক্, “গোজেন ভক্তগুনোর্ জিংকানিত্ ঘেচ্ছেকগুরি বক্‌শিজ্ আঘে; ঘেচ্চেকগুরি এক্কো গোজেন আঘে যিবে পাজিগুনোরে পিত্‌থিমীত বাঁজি থাগদে বিচের গরে।”

গম্ উপদেজ্ 19:17

যে মান্‌জ্যে নাঢা মান্‌জ্যরে দোয়্যে গরে তে লগেপ্রভুরে উদোর্ দে; লগেপ্রভু তার সে উপকারর ফল্ দিবো।

গম্ উপদেজ্ 22:9

যে দানবলা মানুচ্চো তা হানা ভাগত্তুন্ নাঢা মানচ্চুনোরে দে তে বর্ পেবঅ।

মথি লেখ্যে গম্ হবর্ 5:9

মান্‌‌জ্যর্ জিংকানিত্ শান্তি আনিবাত্তে যিগুনে কাম্ গরন্ তারা বর্‍‍‍পেইয়্যে, কিয়া গোজেনে তারারে নিজোর্ পুয়ো বিলিনে ডাগিবো।

লূকে লেখ্যে গম্ হবর্ 1:32

তে দাঙর্ অবঅ। তারে দাঙর্ গোজেনর পুয়ো কুয়ো অবঅ। প্রভু গোজেনে তার পূরোণি মানুচ্ রাজা দায়ূদো সিংহাসনান্ তারে দিবো।

লূকে লেখ্যে গম্ হবর্ 6:36

তমা বাপ্পো যেবাবোত্যে দোয়্যেলু তুমিয়ো সেবাবোত্যে দোয়্যেলু অ।

যোহন 13:35

যুনি তুমি একজন আরেক জনরে কোচ্‌পঅ সালে বেক্কুনে বুঝি পারিবাক্ তুমি মর্ শিচ্চ্য।”

যোহন 15:8

যুনি তমা জিংকানিত্ জদবদে গুলো ধরে আর এবাবোত্যেগুরি তুমি নিজোরে মঅ শিচ্চ্য বিলিনে প্রমাণ গরঅ সালে মঅ বাপ্পোর্ বাঈনী অবঅ।

প্রেরিত্‌ 14:17

মাত্তর্ তো তে নিত্য নিজো পৌইদ্যেনে সাক্ষি দিয়্যে। তে আগাজত্তুন্ ঝড় দিইনে আর সময় মজিম ফসল দান গুরিনে তার্ দোয়্যে তমারে দেগেয়্যে। তে ভালোক্কানি হানা দান গুরিনে তমা মনানিরে হুজিয়্যে ভর্‌‌‌পুনোং গোজ্যে।”

২ করিন্হীয় 8:9

তুমি দঅ আমার্ প্রভু যীশু খ্রীষ্টর্ দোয়্যের্ কধানি কোই পারঅ, তে নিজে থাগোইয়্যে ওইনেয়ো তমাত্যে নাঢা অলঅ, যেন তার্ নাঢা অনার্ মাধ্যমে তুমি থাগোইয়্যে ওই পারঅ।

২ তীমথিয় 3:2

মান্‌জ্যে বানা নিজোরে কোচ্‌পেবাক্, টেঙার্ লুভি অবাক্, বাড়্ গুরিবাক্, বেক্কুনোরে থেঝেরা মারিবাক্, বেক্কুনোরে বদ্‌নাঙ্ গুরিবাক্, আর মা-বাবর্ অবাধ্য অবাক্। তারা অকৃতজ্ঞ আর ভোক্তি নেইয়্যে অবাক্,