লূকে লেখ্যে গম্ হবর্ 6:28 - Chakma Bible

²⁸ যিগুনে তমার্ ভালেদি চান্ তারার্ ভালেদি চেয়ো। যিগুনে তমা লগে বজং বেবহার গরন্ তারাত্তে তবনা গরঅ।

লূকে লেখ্যে গম্ হবর্ 6:28 ပူးပေါင်းရင်းမြစ်များ

১ রাজাবলী 13:6

সেক্কে রাজা গোজেনর্‌ মানুচ্চোরে কলদে, “তুই তর্‌ গোজেন্‌ লগেপ্রভুরে কোজোলি গর্‌ আর মত্তে তবনা গর্‌ যেনে মঅ আঢ্‌তান্‌ আরঅ গম্‌ ওই যায়।” যেক্কে গোজেন মানুচ্চো লগেপ্রভুরে কোজোলি গুরিলো সেক্কে রাজার আঢ্‌তান্‌ আরঅ গম্‌ ওইনে আগঅ ধোক্কেন্‌ অলঅ।

যিহিষ্কেল 25:15

পরেদি প্রভু লগেপ্রভু কলঅ, “পলেষ্টীয়গুনে ইংসের মনভাব্‌পোই যিহূদা উগুরে হেনা সুজ্‌‌‌‌‌‌‌চ্যন্; তারা পুরোনা শত্রুতার মনভাবপোই যিহূদারে ভস্ত গুরিবাত্তে চেইয়োন।

যিহিষ্কেল 36:5

মুই প্রভু লগেপ্রভু তমারে কঙর্, মর্ মনর্ জ্বালায় মুই অন্য জাদ্‌‌‌‌‌তুনোর আর বেক ইদোমর বিরুদ্ধে কধা কোইয়োং, কিত্যে তারার মনর্ হুজি আর ইংসেলোই তারা মঅ দেজ্‌‌‌‌‌চানরে নিজোর গজগত্ আন্যন্ যেনে সিয়েন লুদেই পারন। মুই প্রভু লগেপ্রভু এ কধাগান কঙর্।

মথি লেখ্যে গম্ হবর্ 5:44

মাত্তর্ মুই তমারে কঙর্, তমা শত্রুগুনোরেয়ো কোচ্‌পেয়ো। যিগুনে তমারে অত্যেচার্ গরন্ তারাত্তে তবনা গোজ্য,

লূকে লেখ্যে গম্ হবর্ 23:34

সেক্কেনে যীশু কলঅ, “বাহ্, ইগুনোরে ক্ষেমা গর্, কিয়া ইগুনে কি গত্তন্ সিয়েন কোই ন-পারন্।” তারা চাম্বা চেইনে যীশুর লাম্বা সিলুম্মো নিজো ভিদিরে ভাগাভাগি গুরি নিলাক্।

লূকে লেখ্যে গম্ হবর্ 6:27

তুমি যিগুনে শুনোর্ তারারে মুই কঙর্, তমা শত্রুগুনোরে কোচ্‌‌‌পেয়ো। যিগুনে তমারে ঈচ্ গরন তারার্ ভালেদি চেইয়ো।

লূকে লেখ্যে গম্ হবর্ 6:35

মাত্তর্ তুমি তমা শত্রুগুনোরে কোচ্‌পেয়ো আর তারারে মংগল্ গরঅ। কিজু ফেরৎ পেবার্ আজা ন-রাগেনে উদোর্ দুয়ো। সালে তমাত্তে দাঙর্ বক্‌শিজ্ আঘে, আর তুমি দাঙর্ গোজেনর্ পুয়ো অবা, কারন তে অকৃতজ্ঞ আর পাজিগুনোরেয়ো দোয়্যে গরে।

প্রেরিত্‌ 14:5

সেক্কে অযিহূদী আর যিহূদী এ দ্বি'দলে তারার্ নেতাগুনো সমারে মিলিনে পৌল আর বার্ণবারে অত্যেচার্ গুরিবার আর পাত্তর্ মারিবাত্যে কুজুরোমি গুরিলাক্।

প্রেরিত্‌ 7:60

পরেদি তে আঢু পাড়িনে রঅ ছাড়িনে কলঅ, “প্রভু, ইগুনোর্ এ পাপ্পানি ন-ধুরিচ্।” এ কধাগান কোইনে তে মুরি গেলঅ।

রোমীয় 12:14

যিগুনে তমারে অত্যেচার্ গরন্ তারার্ অমংগল ন-চেইয়ো বরং মংগল চেইয়ো।

১ করিন্হীয় 4:12

আমি নিজে আঢে দর-মর কাম গুরির্। যেক্কে মান্‌জ্যে আমারে গেইল্‌ দুয়োন্ সেক্কে আমি তারার্ ভালেদি চেই; যেক্কে তারা আমারে দুঘ্ দুয়োন সেক্কে আমি সিয়েনি সোজ্জ্য গুরিই;

যাকোব 3:10

আমা একই মুয়োদি বাঈনী গরানা আর অভিশাব্ নিগিলি এজে। মর্ ভেইয়ুন্, এবাবোত্যে অনা উচিত্ নয়।

১ পিতর 3:9

অন্যেয়র্ বদলে কার উগুরে অন্যেয় ন-গোজ্জ্য বা কেঅ গেইল্‌ দিলে তারে ফিরেইনে গেইল্‌ ন-দুয়ো, বরং তারাত্যে বর্ মাখ্য; কিয়া আশিদ্‌বাদ পেবাত্যে গোজেনে তমারে ডাক্ক্যে।