লূকে লেখ্যে গম্ হবর্ 6:22 - Chakma Bible

²² বর্‌‌পেইয়্যে তুমি, যেক্কে যীশুর কারনে মান্‌‌জ্যে তমারে ঈচ্ গরন্, সমাজত্তুন্ নিগিলেই দুয়োন্ আর নিন্দে গরন্ আহ্ তমা নাঙান্ শুনিলে সেফ্ ফেলেবাক্।

লূকে লেখ্যে গম্ হবর্ 6:22 ပူးပေါင်းရင်းမြစ်များ

যিশাইয় 65:5

তারা কন্, দূরোত্ থাগ; মইদু ন-এইচ্, কিত্তে মুই তত্তুন্ বেশ্ সুদ্ধো-সাংগ। সেই মানুচ্চুনে মঅ নাক্কোর্ ধূমো আর সারা দিন জুলি থেইয়্যে আগুন।

যিশাইয় 66:5

তুমি যিগুনে লগেপ্রভুর কধালোই গির্‌‌‌‌গিরো তুমি তা কধা শুনো। তে কত্তে, তমা ভেইয়ুনে তমারে ঈচ্ গরন আর মত্তে তমারে বাদ্ দুয়োন। তারা ঠাট্টা গুরিনে কন্, লগেপ্রভুর বাঈনী ওক্, আমি যেন তমার হুজিগান দেগিই। মাত্তর্ তারা নিজে লাজত্ পড়িবাক্।

মথি লেখ্যে গম্ হবর্ 10:18

মত্তেই শাসনগুরিয়্যে আর রাজাগুনো মুজুঙোত্ তমারে নেযা অবঅ যেন তারা ইধু আর অযিহূদীগুনো ইধু তুমি স্বাক্ষি দি পারঅ।

মথি লেখ্যে গম্ হবর্ 10:22

মত্তে বেক্কুনে তমারে ঘিনেবাক্, মাত্তর্ যে থুম্ সং থির্ থেবঅ তে উদ্ধোর্ পেবঅ।

মথি লেখ্যে গম্ হবর্ 10:39

যে কনজনে নিজোর্ জিংকানিগান্ রোক্ষ্যে গুরিবাত্তে চায় তে তার্ ঘেচ্চেক্‌গুরি জিংকানিগান্ আরেব; মাত্তর্ যে কনজনে মত্তে তা পরাণান্ আরায় তে তার্ ঘেচ্চেক্‌গুরি জিংকানিগান্ রোক্ষ্যে গুরিবো।

লূকে লেখ্যে গম্ হবর্ 20:15

সেক্কে তারা তারে ধুরিনে খেদ বারেদি নেযেইনে মারে ফেলেলাক্। “ইক্কিনে আংগুর-খেদ গিরোজ্‌‌‌সো সেই চাষাবলাগুনোরে কি গুরিবো?

লূকে লেখ্যে গম্ হবর্ 21:17

মত্তে বেক্ মানুচ্চুনে তমারে ঘিনেবাক্,

লূকে লেখ্যে গম্ হবর্ 6:21

বর্‌পেইয়্যে তুমি, যিগুনোর্ ইক্কিনে পেট্ পুরের্, কিয়া তমার্ ঈল্ অবঅ। যিগুনে ইক্কিনে কানদন্, তুমি বর্‌পেইয়্যে, কারন তুমি আজিবা।

যোহন 12:42

তো নেতাগুনোত্তুন্ ভালোক্‌জনে যীশু উগুরে বিশ্বেজ্ গুরিলাক্, মাত্তর্ ফরীশীগুনে সমাজত্তুন্ তারারে নিগিলেই দিবাক্ সেই দরে তারা সিয়েন্ স্বীগের্ ন-গুরিলাক্।

যোহন 16:2

মানুচ্চুনে সমাজ-ঘরত্তুন্ তমারে নিগিলেই দিবাক্; এন্ কি, সময় এজের্ যেক্কে তমারে যিগুনে মারে ফেলেবাক্ তারা মনে গুরিবাক্ যে, তারা গোজেনর্ সেবা গত্তন্।

যোহন 17:14

তুই যিয়েনি কোইয়োচ্ মুই তারারে সিয়েনি জানেয়োং। জগদ মানুচ্চুনে তারারে ঈচ্ গোজ্যন্, কিয়া মুই যেধোক্ক্যেন্ এ জগদর্ নয় তারায়ো সেধোক্ক্যেন্ এ জগদর্ নয়।

যোহন 7:7

জগদ মানুচ্চুনে তমারে ঈচ্ গুরি ন-পারন্ মাত্তর্ মরে ঈচ্ গরন্, কিয়া মুই তারা পৌইদেনে এ সাক্ষ্যগান্ দুয়োঙর্, তারার্ বেক্ কামানি ভান্ন্যেই।

যোহন 9:34

জোবত্ নেতাগুনে কলাক্, “তর্ জর্ম ওইয়্যেদে এক্কুবারে পাপত্তুন্, আর তুই আমারে শিক্ষ্যে দুয়োর্?” ইয়েন্ কোইনে তারা তারে সমাজত্তুন্ নিগিলেই দিলাক্।

প্রেরিত্‌ 22:22

মানুচ্চুনে এদক্কন্ সং পৌল কধা শুনোদন্, মাত্তর্ যেক্কে তে অযিহূদীগুনো কধা কলঅ সেক্কে মানুচ্চুনে রঅ ছাড়িনে কুয়ো ধুরিলাক্, “তারে পিত্‌থিমীত্তুন্ দূর্ গুরি দুয়ো; তে বাঁজি থেবার্ মত নয়।”

প্রেরিত্‌ 24:5

“আমি দেক্ক্যেই এ মানুচ্চো এক্কো ফি-বলা; আমিযে তে যাগুলুগ্ বাজেই দি থায়। গোদা পিত্‌থিমীর্ যিহূদীগুনো ইধু তে যাগুলুগ্ বাজেই দিইনে বেড়ায়। তে নাসরতীয় নাঙে এক্কো ধর্ম-বিরুদ্ধ দলর্ নেতা।

প্রেরিত্‌ 9:16

মত্যেই কত্তমান্ দুঘ্ যে তাত্তুন্ পাহ্ পুরিবো সিয়েন মুই তারে দেগেম্।”

যাকোব 1:12

পোরোক্ষ্যের্ সময়োত্ যে ধৈয্য ধরে তে বর্ পেইয়্যে, কিয়া যগাজ্জ্যে প্রমাণ অলে পরেদি জিদেনার্ মালা ইজেবে তে জিংকানি পেবঅ। গোজেনরে যিগুনে কোচ্‌পান তারারে তে এ জিংকানিগান দিবার এগেম্ গোজ্জ্যে।

১ পিতর 3:14

গোজেনর্ আওজ্‌ মজিম চলিবাত্যে যেইনে যুনি তমাত্তুন্ দুগ্অ ভুগো পড়ে সালে তুমি বর্ পেইয়্যে। যিগুনে তমারে দুঘ্ দুয়োন তারারে তুই ন-দোরেচ্ বা দুঘোত্ ওলোজোলো ন-ওচ্,