লূকে লেখ্যে গম্ হবর্ 6:20 - Chakma Bible

²⁰ যেরেদি যীশু শিচ্চ্যগুনো ইন্দি রিনি চেইনে কুয়ো ধুরিলো, নাঢা মানুচ্চুন্, তুমি বর্‌পেইয়্যে, কিয়া গোজেন রেজ্যগান্ তমার্।

লূকে লেখ্যে গম্ হবর্ 6:20 ပူးပေါင်းရင်းမြစ်များ

গীতসংহিতা 37:16

বোউত্ পাজি মান্‌জ্যর্ ভালোক্কানি ধন আঘে, মাত্তর্ গোজেন ভক্তগুনোর্ যিয়েনি আঘে সিয়েনিই যদেষ্ট।

গম্ উপদেজ্ 16:19

বাড়্‌বোগুনো সমারে লুদেয়্যে পযাপিরানি ভাগ গুরি নেযানাত্তুন্ নম্র মনভাবপোই অত্যেচারীগুনো লগে থানা বোউত্ গম্।

গম্ উপদেজ্ 19:1

যে বিবেচনা নেইয়্যে মানুচ্চো বেঙা-টেরা কধা কয় তাত্তুন্ সেই নাঢা মানুচ্চো গম্ যে গমেডালে আঢাউদো গরে।

যিশাইয় 29:19

নম্র মানুচ্চুনে আরঅ লগেপ্রভুরে দেগিনে হুজি অবাক্, আর যিগুনে অমকদ নাঢা তারা ইস্রায়েলর সেই পবিত্র মানুচ্চোরে নিইনে ফুত্তি গুরিবাক্।

যিশাইয় 66:2

ইয়েনি বেক্কানি মুই নিজো আঢে বানেয়োং আর সেনত্তে ইয়েনি ওইয়্যে। যে মানুচ্চো নম্র, যিবের্ মনান্ ভাঙিনে চুর্‌‌মার্ ওইয়্যে আর যে মঅ কধালোই গির্‌‌‌গিরেই তারে মুই গম্ চোগেদি চেম্।

সফনিয় 3:12

যিগুনে লগেপ্রভু উগুরে বিশ্বেজ্ গুরিনে সেবাবোত্যে নত আর নম্র মানুচ্চুনোরে মুই তইদু বাগি রাগেম্।

সখরিয় 11:11

সেদিন্যে সিবে বাতিল অলঅ, সেনত্তে পালর্ দুঘ্ পেইয়্যেগুনে যিগুনে মরে খিয়েল্ গোজ্যন্ তারা হবর্ পেলাক্, ইয়েনির মাধ্যমে লগেপ্রভু কধা কোইয়্যে।

মথি লেখ্যে গম্ হবর্ 11:5

তারে জানঅ, কান্ মানুচ্চুনে দেগদন্, আঢুরুনে আঢদন্, ফারাঙিবলাগুনে সিজি অদন্, বহ্‌রা মানুচ্চুনে শুনোদন্, মরা মানুচ্চুনে জেঁই উদোদন্ আর নাঢা মানুচ্চুনো ইধু গম্ হবর্ প্রচার গরা অর্।

মথি লেখ্যে গম্ হবর্ 25:34

ইয়েনর্ পরেদি রাজা তা ডেনেদি মানুচ্চুনোরে কবঅ, তুমি যিগুনে মঅ বাপ্পোর্ বর্ পেইয়ো, এজঅ। জগদর্ আরাম্ভত্ যে রেজ্যগান্ তমাত্তে যুক্কোল্ গুরি রাগা ওইয়্যে সিয়েনর্ অধিকারী অ।

মথি লেখ্যে গম্ হবর্ 5:1

যীশু ভালোক্কুন্ মানুচ্ দেগিনে মুড়ো উগুরে উদিলো। তে বজানার্ পরেদি তা শিচ্চ্যগুনে তাইধু এলাক্।

লূকে লেখ্যে গম্ হবর্ 12:32

ও মর্ ভেড়া ছাগল চিগোন্ পাল্লো, ন-দোরেয়ো, কিয়া তমা বাপ্পোর্ আওজ্‌‌‌চান ইয়েন, তা রেজ্যগান্ তে তমারে দিবো।

লূকে লেখ্যে গম্ হবর্ 13:28

যেক্কে তুমি দেগিবা, অব্রাহাম, ইস্‌হাক, যাকোব আর ভাববাদী বেক্কুনে গোজেন রেজ্যত্ আঘন্ আর তমারে বারেদি ফেলেই দিয়্যে ওইয়্যে, সেক্কে তুমি কানাকুদি গুরিবা আর যন্ত্রনায় দাত্ কামেড়েবা।

লূকে লেখ্যে গম্ হবর্ 14:15

যিগুনে হেবাত্তে বোচ্চ্যন্ সিগুনোত্তুন্ একজনে এ কধাগান্ শুনিনে যীশুরে কলঅ, যে গোজেন রেজ্যত্ হেবাত্যে ববঅ তে বর্ পেইয়্যে।

লূকে লেখ্যে গম্ হবর্ 16:25

মাত্তর্ অব্রাহামে কলঅ, ইদোত্ তুলি চাহ্, তুই যেক্কে বাঁজি এলে সেক্কে কদক্ সুগ্ ভোগ্ গোজ্যস্ আর লাসারে কদক্ দুঘ্ পেইয়্যে। মাত্তর্ ইক্কিনে তে ইধু সান্তনা পার্ আর তুই দুঘ্ পর্।

লূকে লেখ্যে গম্ হবর্ 4:18

“গোজেন আত্মাগান্ মঅ উগুরে আঘে, কিয়া তেয়ই মরে নেযেয়্যে যেন মুই নাঢা মানুচ্চুনো ইধু গম্ হবর্ ফগদাং গরং । তে মরে বন্দীগুনো ইধু স্বাধীনতার্ কধা, কান্ মানুচ্চুনো ইধু দেগিবার্ কধা ফগদাং গুরিবাত্তে পাধেয়্যে। যিগুনো উগুরে অত্যেচার্ অর্, তে মরে সিগুনোরে উদ্ধোর্ গুরিবাত্তে পাধেয়্যে।

২ করিন্হীয় 6:10

আমি বোউত্ দুঘ্ পেইর্, তো আমার মনানি নিত্য হুজীয়ে ভরা। আমি নিজে নাঢা, তো আমি ভালোক্ জনরে থাগোইয়্যে গুরির্। আমার কিচ্চু নেই, তো আমি বেক্কানির্ অধিকারী। এবাবোত্যেগুরি আমি প্রমাণ গুরির্ যে, আমি গোজেনর্ সেবা গুরিয়্যে।

২ করিন্হীয় 8:2

বোউত্ দুঘোত্ তারার্ জদবদে পোরোক্ষ্যে চোল্ল্যে আর যুনিয়ো তারা অমকদ নাঢা মানুচ্ এলাক্, তো তারার্ মনত্ এদক হুজী এলঅ যে, তারা খুলো আঢে দান গোজ্জ্যন্।

২ করিন্হীয় 8:9

তুমি দঅ আমার্ প্রভু যীশু খ্রীষ্টর্ দোয়্যের্ কধানি কোই পারঅ, তে নিজে থাগোইয়্যে ওইনেয়ো তমাত্যে নাঢা অলঅ, যেন তার্ নাঢা অনার্ মাধ্যমে তুমি থাগোইয়্যে ওই পারঅ।

১ থিষলনীকীয় 1:6

বোউত্ অত্যেচারর্ ভিদিরেয়ো পবিত্র আত্মার দিয়্যে হুজিলোই সেই গম হবরান মানি লোইনে তুমি আমার আর প্রভু ধোক্ক্যেন গুরি চলর্।

২ থিষলনীকীয় 1:5

ইয়েনি বেক্কানি গোজেনর্ ন্যায় বিচেরর্ প্রমাণ। আর ইয়েনির উদ্দেচ্য অলঅ, তমারে যেন গোজেন রেজ্যর্ যগাজ্জ্যে বিলি ধরা অয়। ইয়েনত্যে দঅ তুমি এদক্ দুঘ্ পর্।

যাকোব 1:12

পোরোক্ষ্যের্ সময়োত্ যে ধৈয্য ধরে তে বর্ পেইয়্যে, কিয়া যগাজ্জ্যে প্রমাণ অলে পরেদি জিদেনার্ মালা ইজেবে তে জিংকানি পেবঅ। গোজেনরে যিগুনে কোচ্‌পান তারারে তে এ জিংকানিগান দিবার এগেম্ গোজ্জ্যে।

যাকোব 2:5

মর্ কোচ্‌‌পেইয়্যে ভেইয়ুন্, শুনো। এই জগদর্ চোগেদি যিগুনে নাঢা মানুচ্, বিশ্বাজে তাগোয়্যে অবাত্যে গোজেনে কি তারারে বেঈ ন-লয়? যিগুনে গোজেনরে কোচ্‌পান সিগুনোরে তে যে রেজ্যগান দিবার্ এগেম্ গোজ্জ্যে সেই রেজ্যগানর্ অধিকারী অবাত্যে এই নাঢা মানুচ্চুনোরে কি তে বেঈ ন-লয়?

ফগদাং পেইয়্যে 2:9

তর্ দুঘ্ আর রাদ কালর্ কধা মুই কোই পারং, মাত্তর্ তো তুই থাগোইয়্যে। নিজোরে যিহূদী কলেয়ো যিগুনে যিহূদী নয় বরং শদানর্ দলর মানুচ্‌, তারা তঅ বিরুদ্ধে যিয়েনি কন্ সিয়েনি মুই হবর্ পাং।

১ শমূয়েল 2:8

তে নাদামান্‌জ্যরে ধুল্যেত্তুন তুলে, আর অভাবীরে তুলে ছেইয়োর কুরোত্তুন্। দাঙর্‌ পোজিশন মান্‌জ্যর্ লগে তে তারারে ববাত্তে দে, আর সর্মানর সিংহাসন দে; কিত্যে পিত্‌থিমীর খুদো বেক্কুন লগেপ্রভুরই, তে সিগুনো উগুরে দুনিয়েগানরে থিদেবর্ গোজ্যে।