লূকে লেখ্যে গম্ হবর্ 5:27 - Chakma Bible

²⁷ ইয়েনর্ পরেদি যীশু বারেদি গেলঅ আর খাজানা আদায় গরেদে ঘরত্ লেবি নাঙে এক্কো খাজানা তুলিয়্যেরে বুয়োই থাগদে দেগিলো। যীশু লেবিরে কলঅ, “আয়, মঅ শিচ্চ্য অগি।”

লূকে লেখ্যে গম্ হবর্ 5:27 ပူးပေါင်းရင်းမြစ်များ

মথি লেখ্যে গম্ হবর্ 10:3

থোমা আর খাজানা তুলিয়্যে মথি; আল্‌ফেয় পুয়ো যাকোব আহ্ থদ্দেয়;

মথি লেখ্যে গম্ হবর্ 16:24

ইয়েনর্ পরেদি যীশু তা শিচ্চ্যগুনোরে কলঅ, “যুনি কেঅ মঅ পথ্‌তানদি এবাত্তে চায় সালে তে নিজোর্ আওজ্ মজিম ন-চোলোক্; নিজো ক্রুশ্‌চান বুয়োইনে তে মঅ পিজে পিজে এজোক্।

মথি লেখ্যে গম্ হবর্ 8:22

যীশু তারে কলঅ, “মরাগুনে তারার্ মরাকিয়্যেনিরে গারোদোক্, মাত্তর্ তুই মঅ লগে আয়।”

মার্ক 3:18

আন্দ্রিয়, ফিলিপ, বর্‌থলময়, মথি, থোমা, আলফেয়র পুয়ো যাকোব, থদ্দেয়, একবুচ্চ্যে শিমোন,

লূকে লেখ্যে গম্ হবর্ 18:22

এ কধাগান্ শুনিনে যীশু তারে কলঅ, “এজঅ এক্কান্ কাম তর্ বাগি আঘে । তর্ যিয়েনি আঘে বিজিনে নাঢা মানুচ্চুনোরে দে, সালে তুই স্বর্গত্ ধন্ পেবে। সে পরেদি এইনে মর্ শিচ্চ্য অগি।”

যোহন 1:43

তার্ কেল্যে যীশু ঠিগ্ গুরিলো তে গালীল রেজ্যত্ যেবঅ। সে সময়োত্ যীশু ফিলিপ সমারে দেগা ওইনে তারে কলঅ, “আয়, মঅ শিচ্চ্য অগি।”

যোহন 12:26

কনজনে যুনি মরে সেবা গুরিবাত্তে চায় সালে তে মঅ পধেদি চোলোক্। মুই যিধু আঘং মর্ সেবাগুরিয়্যেবোয়ো সিধু থেবঅ। কনজনে যুনি মরে সেবা গরে সালে বাবা তারে সর্মান গুরিবো।