লূকে লেখ্যে গম্ হবর্ 5:26 - Chakma Bible

²⁶ সেক্কে বেক্কুনে অমকদ আমক্ অলাক্ আর ভোক্তিবলা দরে গোজেনরে বাঈনী গুরিনে কলাক্, “এইচ্চ্চ্যে আমি কি আমক্ অইদ্যে বেপার দেগিলোং!”

লূকে লেখ্যে গম্ হবর্ 5:26 ပူးပေါင်းရင်းမြစ်များ

যিরমিয় 33:9

সেক্কে এ শঅরানে পিত্‌‌থিমীর বেক জাদ্‌তুনো মুজুঙোত্ মরে হুজি আর সর্মান গুরিবো আর বাঈনী দান গুরিবো। মুই তার যেদক্কানি ভালেদি গুরিম সে জাদ্‌তুনে সিয়েন শুনিবাক্, আর তারে দিয়্যে অমকদ ভালেদি আর সুগ্ শান্দি দেগিনে দরে গির্‌‌গিরেবাক্।

হোশেয় 3:5

সে পরেদি তারা তারার্ গোজেন লগেপ্রভুর আর তারার্ রাজা দায়ূদো ইন্দি ফিরিবাক্। শেষ্‌‌‌‌‌‌‌‌‌‌কালত্ তারা লগেপ্রভুর বর্ পেবাত্তে দোরেই দোরেই তাইদু এবাক্।

মথি লেখ্যে গম্ হবর্ 12:23

সেক্কে মানুচ্চো কধা কুয়ো ধুরিলো আর চোগেদি দেগিলো। সেক্কে বেক্ মানুচ্চুনে আমক্ ওইনে কলাক্, “ইবে কি দায়ূদোর সেই বংশধর?”

মথি লেখ্যে গম্ হবর্ 28:8

সেই মিলেগুনে ঘেচ্চেকগুরি দোরেয়োন্, মাত্তর্ তো হুজিয়ে রাজিয়ে যাদিমাদি গোর ইত্তুন্ গেলাক্কোই আর যীশুর্ শিচ্চ্যগুনোরে এ হবরান্ দিবাত্তে ধাবা দিয়্যে ধুরিলাক্।

মথি লেখ্যে গম্ হবর্ 9:8

মানুচ্চুনে এ ঘটনাগান্ দেগিনে দোরেলাক্, আর গোজেনে মান্‌জ্যরে এমন্ খেমতা দিয়্যে বিলিনে গোজেনরে বাঈনী গরা ধুরিলাক্।

মার্ক 2:12

সেক্কেনে সেই মানুচ্চো উদিনে তা পাদিবো তুলিলো আর বেক্কুনো মুজুঙেদি বারেদি গেলঅ। ইয়েন্দোই বেক্কুনে আমক্ ওইনে গোজেনরে বাঈনী গুরি কলাক্, “আমি কনদিন্অ এবাবোত্যে ন-দেগিই।”

লূকে লেখ্যে গম্ হবর্ 1:65

ইয়েন্ দেগিনে পাড়াল্যেগুনে বেক্কুনে দোরেলাক্, আর যিহূদিয়ার্ বেক্ মুড়োমুড়ি চাগালার্ মানুচ্চুনে ইয়েনি পৌইদ্যেনে কুয়োকি গরা ধুরিলাক্।

লূকে লেখ্যে গম্ হবর্ 5:8

ইয়েন্ দেগিনে শিমোন-পিতরে যীশু মুজুঙোত্ মাঢা নিগিড়ি পুড়িনে কলাক্, “প্রভু, মুই পাপী; মত্তুন্ যাগোই।”

লূকে লেখ্যে গম্ হবর্ 7:16

ইয়েন্দোই বেক্কুনো মনত্ ভোক্তি আর দর্ লাগিলো। তারা গোজেনরে বাঈনী গুরিনে কুয়ো ধুরিলাক্, “আমা ইধু এক্কো দাঙর্ ভাববাদী আজির্ ওইয়্যে। গোজেনে দোয়্যে গুরিনে তা মানুচ্চুনো ইন্দি মনযোগ্ দিয়্যে।”

লূকে লেখ্যে গম্ হবর্ 8:37

সেক্কে গাদারীয়গুনো চাগালাত্ বেক্ মানুচ্চুনে যীশুরে তারাত্তুন্ যেবাত্তে কোজোলী গুরিলাক্, কিয়া তারা অমকদ দোরেয়োন্। সেক্কে যীশু ফিরি যেবাত্তে নত্ উদিলো।

প্রেরিত্‌ 4:21

সেক্কে তারা পিতর আর যোহনরে আরঅ দর্‌বুক্ লাগেইনে ইরি দিলাক্। মানুচ্চুনো দরে তারা ঠিগ্ গুরি ন-পাত্তন্ কেধোক্ক্যেন্ গুরি তারারে সাজা দিয়্যে যায়, কিয়া যিয়েন ঘোট্যে সিয়েনত্যে বেক্‌ মানুচ্চুনে গোজেনরে বাঈনী গুরিলাক্।

গালাতীয় 1:24

আর তারা মত্যেই গোজেনর্ বাঈনী গরা ধুরিলাক্।