লূকে লেখ্যে গম্ হবর্ 5:24 - Chakma Bible

²⁴ মাত্তর্ তুমি যেন কোই পারঅ পিত্‌‍থিমীত্ পাপ খেমা গুরিবার খেমতা মান্‌জ্য পুয়োবোর্ আগে”-ইয়েন সং কোইনে তে সেই বেসৎ পীড়েল্যেবোরে কলঅ, “মুই তরে কঙর্, উঠ্, তঅ বিচ্ছোনান্ তুলিনে ঘরত্ যাহ্।”

লূকে লেখ্যে গম্ হবর্ 5:24 ပူးပေါင်းရင်းမြစ်များ

যিশাইয় 53:11

তে তার দুঘ্ পানার ফলান্ দেগিনে হুজি অবঅ; লগেপ্রভু কোইয়্যেদে, মর্ ন্যায়বলা চাগরবোরে গমেডালে হবর্ পানার মাধ্যমে ভালোক্ জনরে নিদ্দুযি বিলিনে গুজি লুয়ো অবঅ, কিত্তে তে তারার বেক্ অন্যেয়ানি বুয়োই নেযেব।

দানিয়েল 7:13

রেদোত্ মর্ সেই স্ববনত্ মুই রিনি চেইনে মান্‌‌‌‌‌‌‌জ্যপুয়ো ধোক্ক্যেন একজনরে আগাজ মেঘ ভিদিরে এত্তে দেগিলুং। তে সেই বুড়ো মানুচ্চো ইধু উজেই গেলে পরেদি তারে তা মুজুঙোত্ নেযা অলঅ।

মথি লেখ্যে গম্ হবর্ 16:13

পরেদি যীশু যেক্কে কৈসরিয়া-ফিলিপি চাগালাত্ গেলঅ যিয়েনত্ তে শিচ্চ্যগুনোরে পুযোর্ গুরিলো, “মান্‌জ্যপুয়োবো কন্না, এ পৌইদ্যেনে মান্‌জ্যে কি কন্?”

মথি লেখ্যে গম্ হবর্ 25:31

মান্‌জ্য পুয়োবো বেক্ স্বর্গদূত্‌তুনোরে সমারে লোইনে যেক্কে নিজোর্ মহিমালোই এবঅ সেক্কে তে রাজা ইজেবে তা সিংহাসনত্ মহিমার্ লগে বুজিবো।

মথি লেখ্যে গম্ হবর্ 26:64

সেক্কে যীশু তারে কলঅ, “অয়, তুই ঠিগই কোইয়োচ্। মাত্তর্ মুই তমারে ইয়েন্অ কঙর্, ইয়েনর্ পরেদি তুমি মান্‌জ্য পুয়োবোরে বেগত্তুন্ খেমতাবলা গোজেন ডেনেদি বুয়োই থাগদে আর মেঘ সমারে এত্তে দেগিবা।”

মথি লেখ্যে গম্ হবর্ 28:18

সেক্কে যীশু কায়কুরে এইনে তারারে এ কধাগান্ কলঅ, “স্বর্গর্ আর পিত্‌থিমীর বেক্ খেমতাগান্ মরে দিয়্যে ওইয়্যে।

মথি লেখ্যে গম্ হবর্ 4:24

গোদা সিরিয়া দেজত্ তা কধা ছিদি পড়িলো। যিদুক্কুন মান্‌জ্যে নানান্ বাবোত্যে পীড়েত্ আর অমকদ যন্ত্রনাত্ দুঘ্ পাদন্, যিগুনোরে ভান্ন্যেই আত্মায় ধোজ্যে আর যিগুনে মির্‍‍‍গি আর অবস্ রুগোত্ ভুগোদন, মানুচ্চুনে তারারে যীশু ইধু আনিলাক্। তে তারারে বেক্কুনোরে গম্ গুরিলো।‍

মথি লেখ্যে গম্ হবর্ 9:6

তুমি যেন কোই পারঅ এই পিত্‌‍থিমীত্ পাপ খেমা গুরিবার খেমতা মান্‌জ্য পুয়োবোর্ আঘে”-ইদ্দুর্ সং কোইনে তে সেই বেসৎ-পীড়েল্যেবোরে কলঅ, “উঠ্, তঅ বিচ্ছোনান্ তুলিনে ঘরত্ যাহ্।”

লূকে লেখ্যে গম্ হবর্ 5:13

যীশু আঢ্ বাড়েইনে তারে ধুরিনে কলঅ, “মুই সিয়েনই চাং, তুই সিজি অ।” আর সেক্কেনে তে গম্ ওই গেলঅ।

লূকে লেখ্যে গম্ হবর্ 5:18

সেক্কে কয়েক্কো মানুচ্ এক্কো বেসৎ-পীড়েল্যেরে খাদত্ গুরি বুয়োই আনিলাক্। তারা তারে ভিদিরে নেযেইনে যীশু মুজুঙোত্ থবার্ চেষ্টা গুরিলাক্,

লূকে লেখ্যে গম্ হবর্ 5:23

কুবোন্ কনা সহজ, ‘তঅ পাপ্পান্ খেমা গরা অলঅ,’ না ‘তুই উদিনে আঢি বেড়া ’?

লূকে লেখ্যে গম্ হবর্ 7:14

সে পরেদি যীশু কায়কুরে যেইনে পালঙান্ ধুরিলো। সেক্কে যিগুনে মরাবো বুয়োই নেযাদন্ তারা থিয়্যেলাক্। যীশু কলঅ, “ও গাবুজ্যে, মুই তরে কঙর্, উঠ্।”

লূকে লেখ্যে গম্ হবর্ 8:54

যেরেদি যীশু মিলেবো আঢ্‌তানি ধুরি ডাগিনে কলঅ, “চিজি, উঠ্।”

যোহন 11:43

এ কধাগান্ কনার্ পরেদি যীশু জোরে ডাগিনে কলঅ, “লাসার, নিগিলি আয়।”

যোহন 17:2

তুই তারে বেক্‌ মানুচ্চুনো উগুরে অধিকার্ দুয়োচ্, যেন যিগুনোরে তুই তা আদত্ দুয়োচ্ তারারে বেক্কুনোরে তে উমর্‌অ জিংকানি দি পারে।

যোহন 3:13

যে স্বর্গত্ থায় আর স্বর্গত্তুন্ লামি এচ্চ্যে সেই মান্‌জ্যপুয়োবো বাদে আর কনজনে স্বর্গত্ ন-উদোন্।

যোহন 5:27

বাবে পুয়োবোরে মান্‌জ্যর্ বিচের গুরিবার্ খেমতা দিয়্যে, কিয়া তে মান্‌জ্যপুয়ো।

প্রেরিত্‌ 5:31

গোজেনে তারে রাজা আর উদ্ধোর গুরিয়্যে ইজেবে নিজো ডেন্ ডাগদি বঝিবার বাঈনী দান গোজ্যে, যাতে তে পাপত্তুন্ ইস্রায়েলীগুনোর মনানি ফিরেবার সুযোগ্ দিইনে পাপর ক্ষেমা দান গুরি পারে।

প্রেরিত্‌ 9:34

পিতরে তারে দেগিনে কলঅ, “ঐনিয়, যীশু খ্রীষ্ট তরে গম্ গুরিলো। উঠ্, তঅ বিচ্চোনান্ তুলি নেযা।” আর সেক্কে ঐনিয় উদিনে থিয়্যেল।

প্রেরিত্‌ 9:40

সেক্কে পিতরে তারারে বেক্কুনোরে ঘরত্তুন্ নিগিলেই দিইনে আদু পারিনে তবনা গুরিলো। পরেদি সেই মরা মিলেবো ইন্দি ফিরিনে কলঅ, “টাবিথা, উঠ্।” সেক্কে দর্কা চোগ্‌কুন মেলিলো আর পিতররে দেগিনে উদিনে বলঅ।

ফগদাং পেইয়্যে 1:13

সেই চেরাগ টগ্‌কুনোর সংমোধ্যে মান্‌জ্যপুয়োবো ধোক্ক্যেন কেঅ একজন এলঅ। তার্ কিয়্যেত্ টেং সং লাম্বা পজাক্ এলঅ আর তা বুগোত্ সনার্ ফিটে বান্ন্যে এলঅ।