লূকে লেখ্যে গম্ হবর্ 5:15 - Chakma Bible

¹⁵ তুয়ো যীশুর হবর্ আরঅ ছিদি পল্ল। তা কধাগান শুনিবাত্তে আর পীড়েত্তুন্ গম্ অবাত্তে বোউত্ মানুচ্ তাইদু এজা ধুরিলাক্।

লূকে লেখ্যে গম্ হবর্ 5:15 ပူးပေါင်းရင်းမြစ်များ

গম্ উপদেজ্ 15:33

লগেপ্রভু উগুরে ভোক্তিবলা দর্ মান্‌জ্যরে জ্ঞান শিগেয়, আর নম্রতাগানে সর্মান আনে।

মথি লেখ্যে গম্ হবর্ 9:26

এ ঘটনাগানর্ কধা সে চাগালাত্ বেক জাগাইধু ছিদি পড়িলো।

মথি লেখ্যে গম্ হবর্ 9:31

“চঅ, কনজনে যেন হবর্ ন-পান্।” মাত্তর্ তারা বারেদি যেইনে সেই চাগালার্ বেক্ জাগানিত্ তা হবরান ছিদি দিলাক্।

মার্ক 1:28

ইয়েন্দোই গালীল রেজ্যর্ বেক্‌ জাগানিত্ যীশুর কধা ছিদি পড়িলো।

মার্ক 1:45

মাত্তর্ সে মানুচ্চো বারেদি যেইনে বেক্‌ জাগানিত্ এ হবরান্ কুয়ো ধুরিলো। সিয়েনত্যে যীশু আর্ কনঅ আদামত্ খুলোমেলা গুরিনে যেই ন-পারিলো। তাত্তুন্ নিরিবিলি জাগাত্ থা পল্ল; তো মানুচ্চুনে নানান্ জাগাত্তুন্ তা ইধু এজা ধুরিলাক্।

মার্ক 3:7

ইয়েনর পরেদি যীশু তা শিচ্চ্যগুনো সমারে সাগর পারত্ গেলঅ। গালীল রেজ্যর্ বোউত্ মানুচ্ তা পিজে পিজে যাহ্ ধুরিলাক্। যীশু যেদক্কানি কাম গোজ্যে সিয়েনির্ কধা শুনিনে যিহূদিয়াত্তুন, যিরূশালেমত্তুন, ইদোম চাগালাত্তুন্, যর্দন গাঙর্ উপারত্তুন আর সোর আহ্ সীদোন শঅরর্ চেরোকিত্তেত্তুন্ বোউত্ মানুচ্ তাইধু এলাক্।

লূকে লেখ্যে গম্ হবর্ 12:1

এ ভিদিরে আজার্ আজার্ মানুচ্‌ এমন্‌ গুরি থুবেলাক্ যে, তারা ঠেলাঠেলি গুরি একজন অন্যজন উগুরে পত্তন্। সেক্কে যীশু পত্তমে তা শিচ্চ্যগুনোরে কলঅ, ফরীশীগুনোর্ সদাগানিত্তুন্ উজিয়ার্ অ। সেই সদাগান্ অলঅ তারার্ ভন্ডামী।

লূকে লেখ্যে গম্ হবর্ 14:25

যীশু সমারে বোউত্ মানুচ্‌ যাদন্। যীশু সেই মানুচ্চুনো ইন্দি ফিরিনে কলঅ,

যোহন 6:2

সয়-সাগোজ্যে মানুচ্‌ যীশুর্ পিযে পিযে যাহ্ ধল্ল্যাক্, কিয়া পিড়েল্ল্যেগুনো উগুরে তে যে চিহ্নো ইজেবে যেদক্কানি আমক্ অবার্ কাম্ গোজ্যে তারা সিয়েনি দেক্ক্যন্।

১ তীমথিয় 5:25

সেবাবোত্যেগুরি গম কামানি সাব্ গুরিনে দেগা যায়, আর যিয়েনি সাব্ নয় সিয়েনিয়ো লুগেইয়্যে ন-থায়।