লূকে লেখ্যে গম্ হবর্ 5:13 - Chakma Bible

¹³ যীশু আঢ্ বাড়েইনে তারে ধুরিনে কলঅ, “মুই সিয়েনই চাং, তুই সিজি অ।” আর সেক্কেনে তে গম্ ওই গেলঅ।

লূকে লেখ্যে গম্ হবর্ 5:13 ပူးပေါင်းရင်းမြစ်များ

পত্থম 1:3

গোজেনে কলঅ, “পহ্‌র ওক্‌।” আর সেক্কে পহ্‌র অলঅ। তে দেগিলোদে সিয়েন জদবদে দোল্‌ ওইয়্যে। তে আন্ধারত্তুন্‌ পহ্‌রানরে ফারক্‌ গুরিনে পহ্‌রান নাঙান্‌ দিলো দিন আর আন্ধারান নাঙান্‌ দিলো রেত্‌। এধোক্কেনগুরি সাজোন্যে গেলঅ বেন্যেমাদান্ এলঅ, আর সিয়েনি অলঅ পত্তম দিনোত্‌।

পত্থম 1:9

ইয়েন পরেদি গোজেনে কলঅ, “আগাজ তলেদি বেক্‌ পানিগান এক্কান জাগাত্‌ জমা ওক্‌ আর শুগুনো জাগা দেগা দুয়োগ্‌।” আর সিয়েনই অলঅ।

২ রাজাবলী 5:10

ইলীশায় এক্কো মানুচ্‌ দিইনে তারে কোই পাদেল, “তুই যেইনে সাতপল্লা যর্দন গাঙত্‌ গাত্‌তোই। সেক্কে তুই গম্‌ আর সিজি অবে।”

২ রাজাবলী 5:14

সেক্কে নামানে গোজেন মানুচ্চোর্‌ কধামজিম্‌ যেইনে যর্দনত্‌ সাতপল্লা বুর্‌ দিলো। সেক্কে তা কিয়্যেগান গম্‌ অলঅ আর চিগোন্‌ গুরো কিয়্যের্‌ চামঅ ধোক্ক্যেন তা চামান্‌ দোল্‌ অলঅ।

গীতসংহিতা 33:9

কিত্যে তে কলঅ আর বেক্কানি বানা অলঅ; তে উগুম দিলো আর বেক্কানি থিদেবর্ অলঅ।

যিহিষ্কেল 36:29

তমার্ বেক অসিজিগানত্তুন্ মুই তমারে রোক্ষ্যে গুরিম। মুই তমারে বোউত্ খেত্-খেত্তি দিম আর তমা দেজত্ মুই আর ভাদরাত্ ন-পাদেম।

হোশেয় 14:4

লগেপ্রভু কত্তে, “মুই তারারে ভান্ন্যেই পধেদি যানাত্তুন্ ফিরেই আনিম আর কনঅ শর্ত ছাড়া তারারে কোচ্‌পেম, কিত্যে মঅ রাগ্‌‌‌‌‌কান তারা উগুরেত্তুন্ সুরি যেইয়্যে।‌‌

মথি লেখ্যে গম্ হবর্ 8:3

যীশু আঢ্ বাড়েইনে তারে ধুরিনে কলঅ, “মুই সিয়েনই চাং, তুই সিজি অ।” সেক্কেনে মানুচ্চোর্ ফারাঙি পীড়েগান গম্ ওই গেলঅ।

লূকে লেখ্যে গম্ হবর্ 4:39

সেক্কে যীশু শিমোন শুড়িবো কায়কুরে থিয়্যেইনে জ্বরানরে ধমক্ দিলো। সেক্কে তা জ্বরান্ গম্ অলঅ, আর তে সেক্কেনে উদিনে তারারে হানা-দানার্ বেবস্থা গরা ধুরিলো।

লূকে লেখ্যে গম্ হবর্ 5:12

যীশু একবার্ এক্কান্ আদামত্ গেলঅ। সিয়েনত্ এক্কো মান্‌জ্যর্ গোদা কিয়্যেনত্ ভান্ন্যেই ফারাঙি এলঅ। যীশুরে দেগিনে তে মাঢা নিগিরি পড়িনে কোজোলী গুরিনে কলঅ, “প্রভু, তুই আওজ্ গুরিলে মরে গম্ গুরি পারচ্।”

লূকে লেখ্যে গম্ হবর্ 5:14

যীশু তারে এ উগুমান্ দিলো, “এ কধাগান্ কাররে ন-কোচ্ বরং ধর্মগুরুগুনো ইদু যেইনে নিজোরে দেগা। সে পরেদি সিজি অনা পৌইদ্যেনে মোশি যিয়েনি উৎসর্ব গুরিবার্ উগুম্ দিয়্যে সিয়েনি উগুম্ গর্। সেক্কে মানুচ্চুনো ইদু প্রমাণ অবদে তুই গম্ ওই যেইয়োচ্।”