লূকে লেখ্যে গম্ হবর্ 4:34 - Chakma Bible

³⁴ “ও নাসরত্ আদামর্ যীশু, আমা লগে তর্ কি দরকার্? তুই কি আমারে ভস্ত গুরিবাত্তে এচ্চ্যস্? মুই হবর্ পাং তুই কন্না; তুয়ই দঅ গোজেনর সেই পবিত্র মানুচ্চো।”

লূকে লেখ্যে গম্ হবর্ 4:34 ပူးပေါင်းရင်းမြစ်များ

পত্থম 3:15

মুই তর্ আর মিলেবো ভিদিরে আর তর্ বংশ আহ্ মিলেবোরে দিইনে অবাক্কে বংশগুনো ভিদিরে শত্রুতা গুরি দিম। সেই বংশর একজনে তঅ মাঢাবো নিগুজ্ গুরি দিবো আর তুই তা টেংঅ মুরিত্‌ খুদিবে।”

১ রাজাবলী 17:18

মিলেবো সেক্কে এলিয়রে কলঅ, “ও গোজেনর্ মানুচ্‌, মুই তর্‌ কি ক্ষতি গোজ্যং? তুই কি মরে মর্‌ পাপর্‌ কধাগান্‌ মনে গুরি দিবাত্তে আর মর্‌ পূঅবোরে মারে ফেলেবাত্তে এচ্ছোস্‌?”

গীতসংহিতা 16:10

কিয়া তুই মরে মরণ জাগাত্ ফেলেই ন-রাগেবে, তর্ ভক্তবোর্ কিয়্যেগানরে তুই বর্‌বাদ্ অবাত্তে ন-দিবে।

দানিয়েল 9:24

তর্ মানুচ্চুনোত্তে আর তর্ সুদ্ধো-সাংগ শঅরত্তে সত্তুর্ গুণ সাত বজর ঠিগ্ গরা ওইয়্যে। সেই সময়ো ভিদিরে ভান্ন্যেয়ানি বন্ধ গরা অবঅ, অন্যেয়র্ থুম্ অবঅ, পাপ নাঢি দিয়্যে অবঅ, উমরত্যে ন্যায্যতা থিদেবর্ গরা অবঅ, দর্শন আর আগাম্ বাণী পূরোণ গরা অবঅ আর দাঙর্ সুদ্ধো-সাংগ জাগানরে অভিষেগ্ গরা অবঅ।

মথি লেখ্যে গম্ হবর্ 8:29

তারা এমন্ দর্‍‍গরেপারা এলাক্ যে, কনজনে সে পধেদি যেই ন-পারিদাক্। তারা রঅ ছাড়িনে কলাক্, “ও গোজেনর পুয়োবো, আমা লগে তর্ কি দরকার? সময় ন অদে কি তুই আমারে যন্ত্রণা দিবাত্তে ইধু এচ্চ্যচ্?”

মার্ক 1:24

তে রঅ ছাড়িনে কলঅ, “ও নাসরতর্ যীশু, আমা লগে তর্ কি দরকার্? তুই কি আমারে সর্বনাশ্ গুরিবাত্তে এচ্চোস্? মুই হবর্ পাং তুই কন্না; তুই দঅ গোজেনর্ সেই পবিত্র মানুচ্চো।”

মার্ক 1:34

যীশু নানান্ বাবোত্যে পিড়েল্ল্যেরে গম্ গুরিলো আর বোউত্ ভুদ্ ধাবেই দিলো। তে ভুদ্‌‌‌‌তুনোরে কধা কবাত্তে ন-দিলো, কিয়া সেই ভুদ্‌‌‌‌তুনে কোই পারিদাক্ তে কন্না।

লূকে লেখ্যে গম্ হবর্ 1:35

স্বর্গদূত্তো কলঅ, “পবিত্র আত্মা তঅ উগুরে এবঅ আর দাঙর্ গোজেন ছাবা তঅ উগুরে পুড়িবো। ইয়েনত্তে যে পবিত্র পুয়োবো জোর্মেব তারে গোজেনর্ পুয়ো কুয়ো অবঅ।

লূকে লেখ্যে গম্ হবর্ 4:33

সেই সমাজ-ঘরত্ এমন এক্কো মানুচ্ এলঅ যিবেরে ভান্ন্যেই আত্মায় পেইয়্যে। তে রঅ ছাড়িনে কলঅ,

লূকে লেখ্যে গম্ হবর্ 4:41

বোউত্ মান্‌জ্য ভিদিরেত্তুন্ ভান্ন্যেই আত্মাগানিয়ো নিগিলি গেলঅ। সেই ভান্ন্যেই আত্মাগানিয়ে রঅ ছাড়িনে কলঅ, “তুই গোজেনর পুয়ো।” তে যে মশীহ সিয়েন তারা হবর্ পেদাক্। ইয়েনত্তে তে ধমক্ দিইনে তারার্ মুয়োনি নাঢি দিলো।

লূকে লেখ্যে গম্ হবর্ 8:28

যীশুরে দেগিনে তে রঅ ছাড়িনে উদিলো আর তা মুজুঙোত্ মাদিত্ পড়িনে রঅ ছাড়িনে কলঅ, “মহান গোজেনর্ পুয়ো যীশু, মঅ লগে তর্ কি সম্পর্ক? দোয়্যেগুরি তুই মরে যন্ত্রণা ন-দিচ্।”

লূকে লেখ্যে গম্ হবর্ 8:37

সেক্কে গাদারীয়গুনো চাগালাত্ বেক্ মানুচ্চুনে যীশুরে তারাত্তুন্ যেবাত্তে কোজোলী গুরিলাক্, কিয়া তারা অমকদ দোরেয়োন্। সেক্কে যীশু ফিরি যেবাত্তে নত্ উদিলো।

প্রেরিত্‌ 16:39

তারা পৌল আর সীল ইধু যেইনে ক্ষেমা চেলাক্ আর তারারে জেল বারেদি আনিনে শঅরান্ ছাড়ি যেবাত্তে কোজোলি গুরিলাক্।

প্রেরিত্‌ 2:27

কিত্যে তুই মরে মরণর্ জাগাত্ ফেলেই ন-থবে, তর্ ভক্তর্ কিয়্যেগানরে তুই বর্‌‌বাদ্ অবাত্তে ন-দিবে।

প্রেরিত্‌ 3:14

তুমি সেই পবিত্র আর ন্যায়বলা মানুচ্চোরে অস্বীগের্ গুরিনে এক্কো খুনীরে তমা ইধু ইরি দিবাত্তে কোইয়ো।

প্রেরিত্‌ 4:27

“তর্ পবিত্র চাগর্ যীশু, যিবেরে তুই মশীহ ইজেবে বেঈ লোইয়োচ্, রাজা হেরোদ আর পন্তীয় পীলাতে এ শঅরত্ তা বিরুদ্ধে অযিহূদীগুনো সমারে আর ইস্রায়েলীগুনো সমারে ঘেচ্চ্যেক্ গুরি আঢ্ মিলেয়োন।

ইব্রীয় 2:14

সেই পুয়োগুনে অলাক্ লো-য়েরাবলা মানুচ্‌। সেনত্যে যীশু নিজেয়ো লো-য়েরাবলা মানুচ্‌ অলঅ, যেনে মরণর খেমতাগান যিবে আঢত্ আঘে সেই শদানরে তে নিজোর মরণানরে দিইনে বল্‌‌পোজ্যে গরে,

যাকোব 2:19

তুই এক্কো গোজেনরে বিশ্বেজ্ গরচ্, নয় কি? ভারী গম! মাত্তর্ ভান্ন্যেই আত্মাগুনেয়ো দঅ সিয়েন বিশ্বেজ্ গরন আর দরে গির্‌‌গিরান্।

১ যোহন 3:8

যে পাপ গরানাত্ থায় তে শদানর্, কিয়া শদানে পৌইল্যাত্তুন্ ধুরি পাপ গুরি যার্। শদানর্ কামানিরে ভস্ত গুরিবাত্যে গোজেনর্ পুয়োবো ফগদাং ওইয়্যে।

ফগদাং পেইয়্যে 20:2

তে সেই দানপ্পোরে, অত্তাৎ সেই পুরোণি সাপ্‌পোরে যিবেরে দিয়াবল আর শদান্ কুয়ো অয় তারে ধুরিনে এক আজার বজরত্যে বানিলো আর সেই সুরুঙো গাঢ্‌তোদ্ ফেলেই দিলো। পরেদি তে সিয়েনত্ তালা দিইনে তা উগুরে সীলমহ্‌র্ গুরিলো, যেনে এই এক আজার বজর্ থুম ন-অনা সং পিত্‌থিমীর জাদ্‌তুনোরে আর সেই ভুল পধেদি নেযেই ন-পারে; সে পরেদি কিজু দিনোত্যে তারে অবুচ্চ্যই ইরি দিয়্যে অবঅ।

ফগদাং পেইয়্যে 3:7

ফিলাদিল্‌ফিয়া শঅরর্ মন্ডলী দূত্‌তো ইধু এ কধাগান লেগ- যিবে পবিত্র আর সত্য, যাইধু দায়ূদোর চাবি আঘে, যিবে খুলিলে কেঅ বানি ন-পারে আর বানিলে কেঅ খুলি ন-পারে,