লূকে লেখ্যে গম্ হবর্ 4:16 - Chakma Bible

¹⁶ ইয়েনর্ পরেদি যীশু নাসরদত্ গেলঅ। ইয়োদোই তে দাঙর্ ওইয়্যে। তে নিজোর্ সুদোম্ মজিম্ জিরেবার্ দিনোত্ সমাজ-ঘরত্ গেলঅ, সে পরেদি বোইবো পড়িবাত্তে উদিনে থিয়্যেল।

লূকে লেখ্যে গম্ হবর্ 4:16 ပူးပေါင်းရင်းမြစ်များ

মথি লেখ্যে গম্ হবর্ 2:23

আর নাসরত্ নাঙে এক্কান আদামত্ যেইনে বজত্তি গরা ধুরিলো। ইয়েন ঘুদিলো যেনে ভাববাদীগুনোরে দিইনে এই যে কধানি কুয়ো ওইয়্যে সিয়েনি পরিপূরোন্ অয়: “তারে নাসরতীয় বিলি ডাগা অবঅ।”

লূকে লেখ্যে গম্ হবর্ 2:39

প্রভুর আইন-কানুন্ মজিম্ বেক্কানি থুম্ গুরিনে মরিয়ম আর যোষেফে গালীলোত্ তারার্ নিজো আদামত্ নাসরদত্ ফিরি গেলঅ।

লূকে লেখ্যে গম্ হবর্ 2:42

যীশুর বয়জ যেক্কে বার বজর্ সেক্কে সুদোম্ মজিম্ তারা সেই পরবত্ গেলাক্।

লূকে লেখ্যে গম্ হবর্ 2:51

ইয়েনর্ পরেদি যীশু তারা লগে নাসরদত্ ফিরি গেলঅ আর মা-বাবর্ বাধ্য ওইনে রলঅ। তা মাবো ইয়েনি বেক্কানি মনত্ রাগেল।

লূকে লেখ্যে গম্ হবর্ 4:15

সিধুগোর্ নানান্ বাবোত্যে সমাজ-ঘরত্ যীশু শিক্ষ্যে দেনা আরাম্ব গুরিলো। সেক্কে বেক্কুনে তারে নাঙ্ গিনে ধুরিলাক্।

লূকে লেখ্যে গম্ হবর্ 4:17

তা আঢত্ ভাববাদী যিশাইয়র্ লেখ্যে বোইবো দিয়্যে অলঅ। বুদি থোইয়্যে বোইবো খুলিনে তে সেই জাগায়ান্ পেলঅ যিয়েনত্ লেগা আঘে,

লূকে লেখ্যে গম্ হবর্ 4:21

সেক্কে যীশু মানুচ্চুনোরে কলঅ, “পবিত্র বোইবোর্ এ কধাগান্ এইচ্চ্যে তুমি শুনোনার্ লগে লগে সিয়েন পূরোণ্ অলঅ।”

লূকে লেখ্যে গম্ হবর্ 4:23

যীশু তারারে কলঅ, “তুমি এই চলেত্তে কধাগান্ হামাক্কাই মরে কবা, ‘ডাক্তর বাবু, নিজোরে গম্ গর্।’ আর কবা, ‘কফরনাহূমোত্ যেদক্কানি কাম্ গুরিবার কধা আমি শুন্ন্যেই সিয়েনি বেক্কানি ইক্কিনে নিজো আদামত্অ গুরিনে দেগা।’ ”

যোহন 18:20

যীশু জোবত্ কলঅ, “মুই মানুচ্চুনো ইধু খুলোমেলা গুরি কধা কোইয়োং। যিয়েনত্ যিহূদীগুনে বেক্কুনে একসমারে এগত্তর্ অন্ সেই বেক্ সমাজ-ঘরানিত্ আর উবোসনা-ঘরত্ মুই নিত্য শিক্ষ্যে দুয়োং। মুই দঅ গুমুরো কধা কিচ্চু ন-কং;

প্রেরিত্‌ 17:2

পৌল তার্ সুদোম্ মজিম সেই সমাজ-ঘরত্ গেলঅ আর পর পর তিন পল্লা জিরেবার্ দিনোত্ মানুচ্চুনো সমারে পবিত্র বোইবোত্তুন্ কলঅ।