লূকে লেখ্যে গম্ হবর্ 24:47 - Chakma Bible

⁴⁷ আরঅ লেগা আঘে, যিরূশালেমত্তুন্ ধুরি আরাম্ভ গুরিনে বেক্ জাদ্‌তুনো ইধু মশীহ নাঙে এ হবরান্ প্রচার গরা অবঅ, পাপত্তুন্ মন ফিরেলে পাপর্ ক্ষেমা পাহ্ যায়।

লূকে লেখ্যে গম্ হবর্ 24:47 ပူးပေါင်းရင်းမြစ်များ

পত্থম 12:3

যিগুনে তরে বর্ দিবাক্‌ মুই তারারে বর্ দিম, আর যিগুনে তরে অভিশাব দিবাক্‌ মুই তারারে অভিশাব দিম্‌। তঅ মাধ্যমে পিত্‌থিমীর্‌ বেক্‌ জাদ্‌তুনে বর্ পেবাক্‌ ।

গীতসংহিতা 22:27

পিত্‌‌থিমীর শেজ্ দুযির্ মানুচ্চুনেয়ো মন ফিরেইনে লগেপ্রভুর ইদু এবাক্; অন্য জাদর্ বেক্ গুট্টিগুনে তারে শ্রদ্ধা জানেবাক্।

গীতসংহিতা 67:7

গোজেনে আমারে আশিদ্‌বাদ গোজ্যে; সিয়েনি দেগিনে পিত্‌থিমীর বেগত্তুন দূর দেজর মানুচ্চুনেয়ো তার ভক্ত অবাক্।

গীতসংহিতা 86:9

ও প্রভু, তর্ বানেয়্যে বেক জাদ্‌তুনে এইনে তঅ মুজুঙোত্ জু জু জানেইনে মাঢা নিগিরিবো; তারা তর্ গুনগান গুরিবাক্।

যিশাইয় 11:10

সেদিন্যে যিশয়র গড়াগান্ বেক্ জাদ্‌তুনোত্তে বাবতা ধোক্ক্যেন্ ওইনে থিয়্যেব; বেক জাদ্‌তুনে তাইদু এগত্তর্ অবাক্ আর তার জিরেবার জাগায়ান্ বাঈনী গরে পারা অবঅ।

যিশাইয় 49:22

প্রভু লগেপ্রভু কোইয়্যেদে, “চঅ, মুই আঢ ইজিরেলোই অন্য জাদ্‌‍‌তুনোরে ডাগিম আর মর্ বাবতাগান তারারে দেগেম্। সেনত্তে তারা করত্ গুরিনে তমা পুয়োগুনোরে আনিবাক্ আর কানাত্ গুরিনে তমা ঝিগুনোরে বুয়োবাক্।‌

যিশাইয় 49:6

তে কোইয়্যেদে, “বানা যাকোবর্ বংশবোরে উদ্ধোর্ গুরিবাত্তে আর ইস্রায়েলর বাঁজি থেইয়্যে মানুচ্চুনোরে ফিরেই আনিবাত্তে যে তুই মর্ চাগর্ অবে সিয়েন নয়; সিয়েন খুব সামান্য বেপার। ইয়েন বাদেয়ো মুই অন্য জাদ্‌তুনো ইদু তরে পহ্‌‍‍‍র ধোক্ক্যেন গুরিম যেন তঅ মাধ্যমে সংসারর বেগ্ মানুচ্চুনে পাপত্তুন্ উদ্ধোর পান‍।”

যিশাইয় 5:4

মঅ আংগুর খেদ্‌‌তানত্তে মুই যিয়েনি গোজ্যং সিয়েনত্তুন্ বেশ্ আর্ কি গরা যেদঅ? যেক্কে মুই গম্ গম্ আংগুরত্তে বাজ্জেই থেলুং সেক্কে কিত্তে সিয়েনত্ বানা ঝার আংগুর ধুরিলাক্?

যিশাইয় 52:10

লগেপ্রভু বেক্ জাদ্‌তুনোর চোগো মুজুঙোত্ তার পবিত্র খেমতাবলা আঢ্‌‌তান ফগদাং গুরিবো, আর পিত্‌থিমীর বেক মানুচ্চুনে আমা গোজেনর্ উদ্ধোর কামানি দেগিবাক্।

যিশাইয় 52:15

মাত্তর্ পরেদি তে ভালোক্ জাদর মান্‌জ্যরে শুজি গুরিবো, আর সেনত্তে রাজাগুনে মুয়োনি নাঢি রাগেবাক্, কিত্তে যিয়েনি তারারে কুয়ো ন-অয় সিয়েনি তারা দেগিবাক্, আর যিয়েনি তারা ন-শুনোন্ সিয়েনি তারা বুঝিবাক্।”

যিরমিয় 31:34

নিজোর পাড়াল্যেবোরে আর নিজোর ভেইবোরে কনজনে ইয়েন কোইনে আর শিক্ষ্যে ন-দিবাক্, ‘লগেপ্রভুরে চিনিবাত্তে চিগো,’ কিত্তে বেক্কুনে মরে চিনোন্। সেনত্তে মুই তারার অন্যেয়ানি খেমা গুরিম, তারার পাপ্‌পানি আর কনদিন্‌অ ইদোত্ ন-রাগেম। মুই লগেপ্রভু এ কধাগান ।” কঙর্‍‍‍‍‍‍‍‍‍‍

দানিয়েল 9:24

তর্ মানুচ্চুনোত্তে আর তর্ সুদ্ধো-সাংগ শঅরত্তে সত্তুর্ গুণ সাত বজর ঠিগ্ গরা ওইয়্যে। সেই সময়ো ভিদিরে ভান্ন্যেয়ানি বন্ধ গরা অবঅ, অন্যেয়র্ থুম্ অবঅ, পাপ নাঢি দিয়্যে অবঅ, উমরত্যে ন্যায্যতা থিদেবর্ গরা অবঅ, দর্শন আর আগাম্ বাণী পূরোণ গরা অবঅ আর দাঙর্ সুদ্ধো-সাংগ জাগানরে অভিষেগ্ গরা অবঅ।

হোশেয় 11:8

“ইফ্রয়িম, মুই কেধোক্ক্যেন্ গুরি তরে ছাড়ি যেইম? ইস্রায়েল, মুই কেধোক্ক্যেন গুরি তরে অন্য আঢত্ তুলি দিম? কিবাবোত্যেগুরি মুই তরে অদ্‌মার আর সবোয়িম ধোক্ক্যেন ভস্ত গুরিম? তত্তেই মঅ মনান্ পাগল্ অর্; মর্ বেক্ দোয়্যেগান জাগি উঠ্যে।

হোশেয় 2:23

মত্তেই মুই তারে দেজত্ বিজ ধোক্ক্যেন গুরি গেজেম্; মুই যিবেরে কোইয়োং, ‘মঅ দোয়্যের মানুচ্ নয়,’ তারে মুই দোয়্যে গুরিম। মুই যিগুনোরে কোইয়োং, ‘মঅ মানুচ্ নয়,’ তারারে মুই কোম, ‘তুমি মঅ মানুচ্’; আর তারা কবাক্, ‘তুয়ই আমা গোজেন।’ ”

মীখা 4:2

ভালোক্ জাদর মানুচ্ এইনে কবাক্, “আঢঅ, আমি লগেপ্রভুর্ মুড়োবোত্ উদিয়োই, আঢঅ, যাকোবর্ গোজেন ঘরত্ যেই। তে আমারে তা পথ্‌তানি পৌইদ্যেনে শিক্ষ্যে দিবো আর আমি তা পধেদি চলিবোং।” তারা এ কধাগান কবাক্, কিত্তে সিয়োনত্তুন্ উগুম দিয়্যে অবঅ। আর যিরূশালেমত্তুন্ ফগদাং অবঅ লগেপ্রভুর কধানি।

মালাখি 1:11

পূগেত্তুন্ ধুরি পোজিমেদি সং বেক্ জাদ ভিদিরে মঅ নাঙান্ মহৎ অবঅ। বেক্ জাগানিত্ মঅ নাঙে আগর্‌বাট্টি জ্বালা অবঅ আর উৎসর্ব গুরিবাত্তে সিজি জিনিস আনা অবঅ, কিত্যেই বেক্ জাদ ভিদিরে মঅ নাঙান্ মহৎ অবঅ।

মথি লেখ্যে গম্ হবর্ 28:19

ইয়েনত্তে তুমি যেইনে বেক্ জাদ মানুচ্চুনোরে মর্ শিচ্চ্য বানঅ। বাব্‌‌‌পো, পুয়োবো আর পবিত্র আত্মার্ নাঙে তারারে বাপ্তিস্ম দুয়ো।

মথি লেখ্যে গম্ হবর্ 3:2

তে কলঅ, “পাপত্তুন্ মনানি ফিরো, কিয়া স্বর্গ-রেজ্যগান্ কায়-কুরে লুম্মেগি।”

মথি লেখ্যে গম্ হবর্ 9:13

‘মুই দোয়্যে দেগিবাত্তে চাং, য়েমান্-উৎসর্ব নয়’-পবিত্র বোইবোত্ এ কধাগানর্ অত্ত কি, সিয়েন যেইনে তোগেইনে নিগিলো। যিগুন্ ধার্মিক তারারে মুই ডাগিবাত্তে ন-এজং, বরং পাপীগুনোরে ডাগিবাত্তে এচ্চ্যং।”

লূকে লেখ্যে গম্ হবর্ 13:34

“যিরূশালেম! হায় যিরূশালেম! তুই ভাববাদীগুনোরে খুন্ গুরি থাচ্ আর তমা ইধু যিগুনোরে গোজেনর্ হবর্ কোইয়্যে দিপাধা অয় তারারে পাত্তর্ মারি থাচ্। কুরো শর্মা যেবাবোত্যেগুরি ছঅগুনোরে তা ডুয়োনিলোই এগত্তর্ গরে ঠিগ্ সেবাবোত্যেগুরি মুই কয়বার্ তঅ মানুচ্চুনোরে মইধু এগত্তর্ গুরিবাত্তে চেইয়োং, মাত্তর্ তুমি রাজী ন-অ।

প্রেরিত্‌ 10:43

বেক্‌ ভাববাদীগুনে তা পৌইদ্যেনে এ সাক্ষিগান দেদন্ যে, তা উগুরে যিগুনে বিশ্বেজ্ গরন্ তারা পত্তিজনে তা গুণান্দোই পাপর্ ক্ষেমা পান্।”

প্রেরিত্‌ 11:18

এ কধাগান্ শুনিনে যিহূদিয়ার বিশ্বেজিগুনে আর্ আবিত্তি ন-গুরিনে গোজেনরে বাঈনী গুরিনে কলাক্, “সালে গোজেনে অযিহূদীগুনোরেয়ো জিংকানি পেবাত্যে পাপত্তুন্ মনানি ফিরেবার সুযোগ্ দিলো।”

প্রেরিত্‌ 13:46

সেক্কে পৌল আর বার্ণবা সাহচ্ গুরিনে তারারে এ জোব্‌পান দিলাক্, “গোজেনর্ কধা পত্তমে তমা ইধু কনা আমার দরকার এলঅ, মাত্তর্ তুমি যেক্কে সিয়েন এলাফেলা গোজ্জ্য আর উমর্‌অ জিংকানি পেবার্ যগাজ্যে বিলি নিজোরে মনে ন-গরঅ সেক্কে অযিহূদীগুনো ইন্দি আমি ফিরির্,

প্রেরিত্‌ 2:38

জোবত্ পিতরে কলঅ, “তুমি বেক্কুনে পাপর্ ক্ষেমা পেবাত্যে পাপত্তুন্ মনানি ফিরো আর যীশু খ্রীষ্টর্ নাঙে বাপ্তিষ্ম লঅ। তুমি দান ইজেবে পবিত্র আত্মারে পেবা।

প্রেরিত্‌ 20:21

যিহূদী আর গ্রীক্‌কুনো ইধু মুই জদবদে জোর্ দিইনে কোইয়োং, পাপত্তুন্ মনানি ফিরেইনে গোজেন ইন্দি তারারে ফিরেই পুড়িবো আর আমা প্রভু যীশু উগুরে বিশ্বেজ্ গরা পুড়িবো।

প্রেরিত্‌ 26:20

যিগুনে দামেস্কত্ আঘন্ পত্তমে তারা ইধু, সে পরেদি যিগুনে যিরূশালেমত্ আর গোদা যিহূদিয়া রেজ্যত্ আঘন্ তারা ইধু আহ্ অযিহূদীগুনো ইধুয়ো মুই প্রচার গোজ্জ্যং, পাপত্তুন্ মনানি ফিরেইনে গোজেন ইন্দি তারার্ ফিরেনা উচিত্, আর এমন্‌ কাম্ গরানা উচিত্ যিয়েন্দোই প্রমাণ পায় যে, তারা মনানি ফিরেয়োন্।

প্রেরিত্‌ 28:28

“ইয়েনত্যে তুমি মনত্ রাগঅ, গোজেনে মান্‌জ্যরে পাপত্তুন্ কিবাবোত্যেগুরি উদ্ধোর্ গরে সে কধাগান্ অযিহূদীগুনো ইধু কুয়ো ওইয়্যে, আর তারা সে কধাগান শুনিবাক্।”

প্রেরিত্‌ 3:19

ইয়েনত্যে তুমি পাপত্তুন্ মনানি ফিরেইনে গোজেন ইন্দি ফিরো যেন তমা পাপ্পানি পুযি ফেলা অয়;

প্রেরিত্‌ 4:12

পাপত্তুন্ উদ্ধোর্ আর কারঅ ইধু পাহ্ ন-যায়, কিয়া গোদা পিত্‌থিমীত্ আর এমন্‌ কেঅ নেই যিবের্ নাঙে আমি পাপত্তুন্ উদ্ধোর্ পেই পারিই।”

প্রেরিত্‌ 5:31

গোজেনে তারে রাজা আর উদ্ধোর গুরিয়্যে ইজেবে নিজো ডেন্ ডাগদি বঝিবার বাঈনী দান গোজ্যে, যাতে তে পাপত্তুন্ ইস্রায়েলীগুনোর মনানি ফিরেবার সুযোগ্ দিইনে পাপর ক্ষেমা দান গুরি পারে।

রোমীয় 5:20

রীদি-সুদোম দিয়্যে অলঅ যাতে অন্যেয় বাড়ি যায়, মাত্তর্ যিয়েনত্ অন্যেয় বাড়িলো সিয়েনত্ গোজেনর্ দোয়্যেও বজমান্ বাড়িলো।

ইফিষীয় 1:6

তে ইয়েন গোজ্জ্যেদে যেন তে তার্ কোচ্‌‌‌পানার্ পুয়োবোর্ মাধ্যমে মাগানা মহিমাভরা দোয়্যে আমারে গোজ্জ্যে সিয়েনর্ বাঈনী অয়।

ইফিষীয় 3:8

গোজেনর্ বেক্‌ মানুচ্চুনো ভিদিরে মত্তুন্ তলে আর কেঅ নেই, তো খ্রীষ্টর্ যে সম্পদর কধা পুরোপুরি গুরি বুঝি পারা ন-যায়, অযিহূদীগুনো ইধু সেই সম্পদর গম্ হবরান জানেবার কামান্ গোজেনে দোয়্যে গুরিনে মরে দিয়্যে।

কলসীয় 1:27

গোজেনে চেলদে, অযিহূদীগুনো ভিদিরেয়ো তার্ এ গুমুরো সত্যগানর্ বাঈনী গরানাগান যে কি, সিয়েন যেন তার্ বেক মানুচ্চুনে জানি পারন। সেই সত্যগান ইয়েন-খ্রীষ্ট তমা রিবেঙত্ আঘে বিলিনে তুমি মহিমা পেবার আজা পেইয়ো।

১ যোহন 2:12

পুয়ো-ঝিগুন্, খ্রীষ্টত্যে তমা পাপ্পানি ক্ষেমা গরা ওইয়্যে বিলিনে মুই তমা ইধু লেগঙর্।