লূকে লেখ্যে গম্ হবর্ 24:36 - Chakma Bible

³⁶ সেই শিচ্চ্যগুনে যেক্কে এ কধাগান্ কদন্ সেক্কে যীশু নিজে তারা ইধু এইনে থিয়্যেইনে তারারে বেক্কুনোরে কলঅ, “তমার্ শান্তি ওক্।”

লূকে লেখ্যে গম্ হবর্ 24:36 ပူးပေါင်းရင်းမြစ်များ

যিশাইয় 57:18

মুই মান্‌জ্যর্ বেক্ বেবহারানি দেখ্যং, তো মুই তারারে গম্ গুরিম। মুই তারারে পরিচালনা গুরিম আর যিগুনে আবিলেচ্ গরন তারারে বুঝেম্।

মথি লেখ্যে গম্ হবর্ 10:13

যুনি সে ঘরান্ যগাজ্যে অয় সালে তমার্ সুগ্-শান্দি সেই ঘর উগুরে লামি এজোক্। মাত্তর্ যুনি সে ঘরান্ যগাজ্যে ন-অয় সালে তমার সুগ্-শান্দি তমা ইধু ফিরি এজোক্।

মার্ক 16:14

ইয়েনর্ পরেদি যীশু তার্ এগারজন শিচ্চ্য ইধু দেগা দিলো। সেক্কে তারা হানা খাদন্। বিশ্বেজর্ অভাব আর মনানি দরমর বিলি তে তারারে গেইল্ দিলো, কিয়া তে মরণত্তুন্ জেদা ওই উদোনার্ পরেদি যিগুনে তারে দেখ্যন্ সিগুনোর্ কধানি তারা বিশ্বেজ্ ন-গরন্।

লূকে লেখ্যে গম্ হবর্ 10:5

তুমি যে ঘরত্ যেবা পত্তমে কবা, এ ঘরানত্ শান্তি ওক্।

যোহন 14:27

মুই তমাত্যে শান্তি থোই যাঙর্, মঅ শান্তিগান্ মুই তমারে দোঙর্; পিত্‌থিমীগানে যেবাবোত্যেগুরি দে মুই সেবাবোত্যেগুরি ন-দুয়োং।

যোহন 16:33

মুই তমারে ইয়েনি বেক্কানি কলুং যেন তুমি মঅ সমারে আঘঅ কিনেই মনত্ শান্তি পঅ। এ জগদত্ তুমি কষ্ট আর চাপ মুয়োত্ আঘ, মাত্তর্ সাহচ্‌ ন-আরেইয়ো; মুয়ই জগদ্‌তানরে জয় গোজ্যং।”

যোহন 20:26

ইয়েনর্ এক সাপ্তা বাদে শিচ্চ্যগুনে আরঅ ঘরঅ ভিদিরে এগত্তর্ অলাক্, আর থোমায়ো তারা সমারে এলঅ। যুনিয়ো বেক্‌ দুয়োরানি বান্ন্যে এলঅ তো যীশু এইনে তারা সংমধ্যে থিয়্যেইনে কলঅ, “তমার্ শান্তি ওক্‌।”

প্রেরিত্‌ 1:3

তার দুঘ্ ভোগ্ গরানার্ পরেদি এ মানুচ্চুনো ইধু তে দেগা দিয়্যে আর তে যে জেদা আঘে সিয়েনর বোউত্ বিশ্বেজ্ গুরিবার প্রমাণ্ দিয়্যে। চল্লিশ দিন সং তে শিচ্চ্যগুনোরে দেগা দিইনে গোজেন রেজ্যর্ পৌইদ্যেনে কোইয়্যে।

১ করিন্হীয় 15:5

আর তে পিতররে আহ্ যেরেদি তার্ প্রচারগ্‌কুনোরে দেগা দিয়্যে।

১ করিন্হীয় 15:7

সে পরেদি তে যাকোবরে আর যেরেদি বেক্‌ প্রচারগ্‌কুনোরে দেগা দিয়্যে।

২ থিষলনীকীয় 3:16

শান্তিদিয়্যে প্রভু নিজে নিত্য তমারে শান্তি দান গোরোক্। প্রভু তমার বেক্কুনো সমারে থোক্।

ফগদাং পেইয়্যে 1:4

মুই যোহন এশিয়া রেজ্যর্ সাত্‌টো মন্ডলী ইধু লেগঙর্। যিবে আঘে, যিবে এলঅ আর যিবে এজের্ তে আর তা সিংহাসনান মুজুঙোত্ যে সাত্‌টো আত্মা থায় সিগুনে আর যীশু খ্রীষ্ট তমারে দোয়্যে গোরোক্ আর শান্তি দান গোরোক্। যীশুই বিশ্বেজি-সাক্ষী আর মরণত্তুন্ তেয়ই পত্তমে জেদা ওই উঠ্যে, আর তেয়ই পিত্‌থিমীর রাজাগুনোর শাসনগুরিয়্যে। তে আমারে কোচ্‌পায় আর নিজোর্ লো-গান্দোই পাপত্তুন্ আমারে উদ্ধোর্ গোজ্জ্যে।