লূকে লেখ্যে গম্ হবর্ 24:29 - Chakma Bible

²⁹ সেক্কে তারা ভারী কোজোলী গুরিনে তারে কলাক্, “ইক্কে বেলান্ যেইয়্যে, সাজোন্যে ওইয়্যে। তুই আমা সমারে থাগ্।” ইয়েন্দোই তে তারা সমারে থেবাত্তে ঘরত্ সোমেল।

লূকে লেখ্যে গম্ হবর্ 24:29 ပူးပေါင်းရင်းမြစ်များ

পত্থম 19:3

মাত্তর্‌ লোটে যেক্কে অমকদ কোজোলী গরা ধুরিলো সেক্কে তারা তা সমারে যেইনে তা ঘরত্‌ উদিলাক্‌। পরেদি লোট সদানেইয়্যে পিদে শিগিনে তারাত্তে এক্কো হানার্‌ যুক্কোল্ গুরিলো, সেক্কে তারায়ো হানা-বিনে গুরিলাক্‌।

২ রাজাবলী 4:8

একদিন্যে ইলীশায় শূনেমত্‌ গেলঅ। সে জাগার্‌ এক্কো তাগোয়্যে মিলে তারে হানা-দানা গুরিবাত্তে কোজোলী গুরিলো। পরেন্দি যেদকবার্‌ তে সে পধেন্দি যেদঅ সেদকবার সে ঘরত্‌ হানা-দানা গুরিবাত্তে থামেদ।

লূকে লেখ্যে গম্ হবর্ 14:23

সেক্কে গিরোজ্‌সো চাগর্‌বোরে কলঅ, ‘শঅরর্ বারেদি পধে পধে আর গলিয়ে গলিয়ে যাহ্ আহ্ ইধু এবাত্যে মানুচ্চুনোরে জোর্ গর্, যেন মঅ ঘরান্ ভুরি যায়।

লূকে লেখ্যে গম্ হবর্ 24:28

তারা যে আদমত্ যাদন্ সেই আদাম কায় লুমিলে পরেদি যীশু আরঅ দূরোত্ যেবার্ ভাব্ দেগেল।

লূকে লেখ্যে গম্ হবর্ 24:30

যেক্কে তে তারা সমারে হেবাত্যে বুজিলো সেক্কে রুটি লোইনে গোজেনরে ভালেদি জানেল আর সিয়েন্ কট্টা গুরিনে তারারে দিলো।

প্রেরিত্‌ 16:14

যিগুনে শুনোদন্ তারা ভিদিরে থুয়াতীরা শঅরর্ লুদিয়া নাঙে এক্কো মিলে এলঅ। তে বিগুনী রংয়র্ কাবর বেবসা গুরিদো। যিহূদী ন-অলেয়ো তে গোজেনর্ উবোসনা গুরিদো। প্রভু লুদিয়ার্ মনান্ এমন্‌ গুরিনে মিলি দিলো যাতে তে পৌলর কধা মন দিইনে শুনিনে বিশ্বেজ্ গরে।