লূকে লেখ্যে গম্ হবর্ 24:26 - Chakma Bible

²⁶ এ দুঘ্ ভুগ্ গুরিনে কি মশীহর্ মহিমা লাভ গুরিবার্ কধা ন-এলঅ?”

লূকে লেখ্যে গম্ হবর্ 24:26 ပူးပေါင်းရင်းမြစ်များ

পত্থম 22:6

ইয়েন কোইনে অব্রাহামে পুজ্যে-উৎসর্বত্তে দার্‌বো বোনাবো তা পুয়ো ইস্‌হাক কানাত্‌ তুলি দিইনে নিজে আগুনো পিলেবো আর ছুড়িগান্‌ নেযেল। সে পরেদি তারা দ্বিজনে একসমারে যাহ্ ধুরিলাক।

দানিয়েল 9:26

বাষট্টি গুণ সাত বজর্ পরেদি মশীহরে মারে ফেলা অবঅ আর তার্ কিচ্ছু ন-থেবঅ। অন্য এক্কো শাজন্‌গুরিয়্যে এবঅ আর তা মানুচ্চুনে এইনে শঅরর্ আর উবোসনা-ঘরান ভস্ত গুরিবো। শেজদি পানিবান সময় এবঅ, যেরেদি যুদ্ধো চলিবো আর ভস্তর্ পর ভস্ত ঠিগ্ গুরি রাগা আঘে।

সখরিয় 13:7

বেগত্তুন্ খেমতাবলা লগেপ্রভু কত্তে, “ও লাম্বা ছুরিগান্, তুই মঅ গরগ্‌‌‌‌‌কোর্ বিরুদ্ধে, মঅ সমারে মানুচ্চুনোর্ বিরুদ্ধে, জাগি উদ্। গরগ্‌‌‌‌‌‌কোরে আঘাত্ গর্, সেক্কে ভেড়াগুন ছিদি পড়িবাক্; মুই ভেড়া ছঅগুনো বিরুদ্ধেয়ো মঅ আঢ্‌‌‌‌‌‌তানি তুলিম।

লূকে লেখ্যে গম্ হবর্ 24:44

সিয়েন পরেদি তে তারারে কলঅ, “মুই যেক্কে তমা সমারে এলুং সেক্কে কোইয়োং, মোশির আইন-কানুনোত্, ভাববাদীগুনোর লেগাত্ আর গীতসংহিতা ভিদিরে মঅ পৌইদ্যেনে যে যে কধানি লেগা আঘে সিয়েনি বেক্কানি পূরোণ্ উয়ো পুরিবো।”

লূকে লেখ্যে গম্ হবর্ 24:7

তে কোইয়্যেদে, মান্‌জ্য পুয়োবোরে পাপী মানুচ্চুনো আঢত্ ধুরি দিয়্যে অবঅ। সে পরেদি তারে ক্রুশোত্ দিয়্যে অবঅ আর তিন দিনোত্ তাত্তুন্ আরঅ জেদা ওই উদো পুরিবো।”

যোহন 2:22

সেনত্তে যীশু মরণত্তুন্ জেদা ওই উদোনার্ পরেদি তা শিচ্চ্যগুনোর্ ইদোত্ উদিলো যে, তে সে কধাগান্ কোইয়্যে। সেক্কে শিচ্চ্যগুনে পবিত্র বোইবোর্ কধালোই আর যীশু যে কধানি কোইয়্যে সিয়েনি বিশ্বেজ্ গুরিলাক্।

যোহন 20:9

মরণত্তুন্ যীশুর জেদা ওই উদিবার্ যে দরকার্ আঘে, পবিত্র বোইবোর্ সে কধাগান্ তারা আগেদি বুঝি ন-পারন্।

প্রেরিত্‌ 17:3

তে মানুচ্চুনোরে বুঝেল আর প্রমাণ গুরিলো, মশীহর্ দুঘ্ ভুগোনার আর মরণত্তুন্ জেদা ওই উদিবার্ দরকার্ এলঅ। তে কলঅ, “যে যীশুর্ কধানি মুই তমা ইধু ফগদাং গরঙর্ সেই যীশুই অলঅ মশীহ।”

ইব্রীয় 12:2

আর এজঅ, আমা চোগ্‌কুন যীশু উগুরে থির্ রাগেই যিবে বিশ্বেজর্ গড়াগান্ আর পূর্ণতাগান। তা মুজুঙোত্ যে হুজী অনাগান থুয়ো ওইয়্যে সিয়েনত্যে তে অসর্মানর্ ইন্দি রিনি ন-চেইনে ক্রুশীয় মরণান্ সোজ্জ্য গুরিলো আর ইক্কিনে গোজেনর্ সিংহাসন ডেন্ ধাগেদি বৈই আঘে।

১ পিতর 1:11

তারা মনত্ খ্রীষ্টর আত্মাগানে আগেদি সাক্ষ্য দিইনে কোইয়্যেদে যে, খ্রীষ্টর দুঘ্ ভুগো পরিবো আর সে পরেদি তে মহিমা পেবঅ। ভাববাদীগুনে জানিবাত্যে চেইয়োন খ্রীষ্টর্ সেই আত্মাগানে কন্‌ সময়োত্ আর কন্‌ অবস্থার কধা তারারে জানার্।

১ পিতর 1:3

আমা প্রভু যীশু খ্রীষ্টর্ গোজেন আর বাবার্ বাঈনী গরা ওক্‌। যীশু খ্রীষ্টরে মরণত্তুন্ জেদা গুরি তুলিনে গোজেনে তার্ দোয়্যেলোই আমারে নুয়ো জর্ম দান গোজ্জ্যে। সিয়েনর্ কারনে আমি এক্কান জদবদে আশ্বাস পেইয়্যেই,