লূকে লেখ্যে গম্ হবর্ 23:47 - Chakma Bible

⁴⁷ সিয়েনত্ কি ঘুদি যেইয়্যে আর্মি অফিসার্‌বো দেগিলো, আর তে গোজেনরে বাঈনী গুরিনে কলঅ, “ঘেচ্চ্যেক্‌গুরি তে গম্ মানুচ্ এলঅ।”

লূকে লেখ্যে গম্ হবর্ 23:47 ပူးပေါင်းရင်းမြစ်များ

মথি লেখ্যে গম্ হবর্ 27:51

সে পরেদি উবোসনা-ঘরর্ পর্দাগান উগুরেত্তুন্ ধুরি তলেদি সং ফাদিনে দ্বিভাগ্ ওই গেলঅ; ভূজোল্ বেলঅ আর দাঙর্ দাঙর্ পাত্তরুন ফাদি গেলাক্।

মথি লেখ্যে গম্ হবর্ 27:54

যেক্কেনে আর্মি অফিসার আর তা সমারে সৈন্যগুনে যীশুরে চুগি দেদন্ তারা ভূজোল্ আর অন্য বেক্ ঘটনাগানি দেগিনে জদবদে দোরেইনে কলাক্, “ঘেচ্চেকগুরি তে গোজেনর্ পুয়ো এলঅ।”

মথি লেখ্যে গম্ হবর্ 9:8

মানুচ্চুনে এ ঘটনাগান্ দেগিনে দোরেলাক্, আর গোজেনে মান্‌জ্যরে এমন্ খেমতা দিয়্যে বিলিনে গোজেনরে বাঈনী গরা ধুরিলাক্।

মার্ক 15:39

যে আর্মি অফিসার্‌বো ক্রুশ্‌চান মুজুঙোত্ থিয়্যেইনে কিবাবোত্যে গুরি যীশু মুরি যায় সিয়েন চেলঅ, তে কলঅ “এই মানুচ্চো ঘেচ্চেক্‌গুরি গোজেনর্ পুয়ো এলঅ।”

লূকে লেখ্যে গম্ হবর্ 23:41

আমি উচিত্ সাজা পেইর্। আমার যিয়েন্ পাওনা আমি সিয়েনই পেইর্, মাত্তর্ এ মানুচ্চো দঅ কনঅ দুচ্‌ ন-গরে।”

যোহন 19:7

যিহূদী নেতাগুনে পীলাতরে কলাক্, “আমার্ এক্কো আইন আঘে, সেই আইন মজিম্ তার্ মরণ অনা উচিত, কিয়া তে নিজোরে গোজেনর্ পুয়ো কোইয়্যে।”