লূকে লেখ্যে গম্ হবর্ 23:22 - Chakma Bible

²² পীলাতে তিনবার্ মানুচ্চুনোরে কলঅ, “কিত্তে, এ মানুচ্চো কি দুষ্ গোজ্যে? মুই দঅ তার্ কনঅ দুষ্ ন-দেগঙর্ যিয়েন্দোই তারে মরণর্ সাজা দিয়্যে যায়। সেনত্তে তারে মুই অন্য সাজা দেনার্ পর্ ইরি দিম্।”

লূকে লেখ্যে গম্ হবর্ 23:22 ပူးပေါင်းရင်းမြစ်များ

লূকে লেখ্যে গম্ হবর্ 23:14

“তুমি এ মানুচ্চোরে এ দুচ্‌চান্ দিইনে মইধু আন্ন্য, মানুচ্চুনোরে তে সরকার বিরুদ্ধে নেযার্। মাত্তর্ তারে মুই তমা মুজুঙোত্ জেরা গোজ্যং। তুমি তা বিরুদ্ধে যেদক্কানি দুচ্ দুয়োর্ সিয়েনর্ এক্কানত্-অ তে দুষি বিলি প্রমাণ ন-পাং।

লূকে লেখ্যে গম্ হবর্ 23:16

সেনত্তে মুই তারে সাজা দিইনে ইরি দিম্। ”

লূকে লেখ্যে গম্ হবর্ 23:20

মাত্তর্ পীলাতে যীশুরে ইরি দিবাত্তে চেয়্যে, সেনত্তে তে মানুচ্চুনোরে আরঅ সে একই কধা কলঅ।

লূকে লেখ্যে গম্ হবর্ 23:21

মাত্তর্ মানুচ্চুনে ইয়েন্ কোইনে রঅ ছাড়া ধুরিলাক্, “তারে ক্রুশোত্ দুয়ো, ক্রুশোত্ দুয়ো।”

লূকে লেখ্যে গম্ হবর্ 23:23

মাত্তর্ মানুচ্চুনে যীশুরে ক্রুশোত্ দিবাত্যে রঅ ছাড়া ধুরিলাক্ আর যেরেদি তারা রঅ ছাড়িনে জিদিলাক্। পীলাতে মানুচ্চুনো কধা মানি নেযানা ঠিগ্ গুরিলো।

লূকে লেখ্যে গম্ হবর্ 23:4

সেক্কে পীলাতে আঝল্ ধর্মগুরুগুনোরে আর বেক্ মানুচ্চুনোরে কলঅ, “মুই দঅ এ মানুচ্চোর্ কনঅ দুচ্‌ ন-দেগঙর্।”

১ পিতর 1:19

তমারে উদ্ধোর গরা ওইয়্যেদে নিদ্দুজি আর থুদো নেইয়্যে ভেড়া ছঅ যীশু খ্রীষ্টর্ অমূল্য লোগান্ দিইনে।

১ পিতর 3:18

খ্রীষ্টয়ো পাপত্যে একবার মোজ্জ্যে। গোজেন ইধু আমারে নেযেবাত্যে সে নিদ্দুজি মানুচ্চো পাপীগুনোত্যে, অত্তাৎ আমাত্যে মোজ্জ্যে। কিয়্যেদি তারে মারে ফেলা ওইয়্যে, মাত্তর্ আত্মায় তারে জেদা গরা ওইয়্যে আর তে বন্দী আত্মাগুনো ইধু যেইনে ফগদাং গোজ্জ্যে।